„საკომუნიკაციო საკანალიზაციო არხებთან დაშვების საბითუმო ბაზრის სეგმენტზე და სპილენძის სააბონენტო სახაზო - საკაბელო წყვილების რესურსებთან დაშვების საბითუმო ბაზრის სეგმენტზე კონკურენციის კვლევისა და ანალიზის შედეგების შესახებ" საქართველოს კომუნიკაციების ეროვნული კომისიის 2014 წლის 6 ნოემბრის №620/9 გადაწყვეტილებაში ცვლილების შეტანის მიზნით კომისიის 2015 წლის 2 აპრილის №179/23 გადაწყვეტილებაში ცვლილების და დამატების შეტანის შესახებ

„საკომუნიკაციო საკანალიზაციო არხებთან დაშვების საბითუმო ბაზრის სეგმენტზე და სპილენძის სააბონენტო სახაზო - საკაბელო წყვილების რესურსებთან დაშვების საბითუმო ბაზრის სეგმენტზე კონკურენციის კვლევისა და ანალიზის შედეგების შესახებ" საქართველოს კომუნიკაციების ეროვნული კომისიის 2014 წლის 6 ნოემბრის №620/9 გადაწყვეტილებაში ცვლილების შეტანის მიზნით კომისიის 2015 წლის 2 აპრილის №179/23 გადაწყვეტილებაში ცვლილების და დამატების შეტანის შესახებ

საქართველოს კომუნიკაციების ეროვნული კომისია (შემდგომში ”კომისია”)  აღნიშნავს, რომ  კომისიამ 2015 წლის 2 აპრილს მიიღო  №179/23 გადაწყვეტილება  „საკომუნიკაციო საკანალიზაციო არხებთან დაშვების საბითუმო ბაზრის სეგმენტზე და სპილენძის სააბონენტო სახაზო - საკაბელო წყვილების რესურსებთან დაშვების საბითუმო ბაზრის სეგმენტზე კონკურენციის კვლევისა და ანალიზის შედეგების შესახებ". საქართველოს კომუნიკაციების ეროვნული კომისიის 2014 წლის 6 ნოემბრის №620/9 გადაწყვეტილებაში ცვლილების შეტანის მიზნით საჯარო ადმინისტრაციული წარმოების დაწყების შესახებ.

კომისია აღნიშნავს, რომ  „სილქნეტის“ შუამდგომლობის საფუძველზე საჯარო ადმინისტრაციული წარმოების ფარგლებში ზეპირო მოსმენა გადიდო  2015 წლის 14 მაისს 16:00 საათისთვის.

კომისია დამატებით აღნიშნავს, რომ 2015 წლის 14 მაისის ზეპირი მოსმენის სხდომაზე კომისიამ საკითხის დამატებით შესწავლის მიზნით მიზანშეწონილად მიიჩნია ზეპირი მოსმენის სხდომის  გადადება  2015 წლის 4 ივნისს 16:00 საათისთვის. ამასთან ერთად, კომისია აღნიშნავს, რომ რადგან აღნიშნულ საკითხზე სს „სილქნეტში“ მიმდინარეობს  მონაცემთა დაზუსტება, რაც მოითხოვს დამატებით დროს, ამიტომ  საქართველოს ზოგადი ადმინისტრაციული კოდექსის მე-100 მუხლის მე-4 ნაწილით გათვალისწინებული ვადების დაცვის მიზნით, კომისიას მიზანშეწონილად მიაჩნია საჯარო ადმინისტრაციული წარმოებისათვის გათვალისწინებული უნდა იქნას კანონმდებლობით დასაშვები მაქსიმალური 3 თვიანი ვადა.

ზემოაღნიშნულიდან გამომდინარე, კომისია აღნიშნავს, რომ მიზანშეწონილია ცვლილების და დამატების  შეტანა კომისიის 2015 წლის 2 აპრილის N 179/23 გადაწყვეტილებაში.

„ელექტრონული კომუნიკაციების შესახებ” საქართველოს კანონის 21-ე მუხლის, 22-ე მუხლის მე-2 პუნქტის,  საქართველოს ზოგადი ადმინისტრაციული კოდექსის 63-ე მუხლის, მე-100 მუხლის მე-4 ნაწილისა და  IX თავის შესაბამისად, კომისიამ, კენჭისყრის შედეგად, ერთხმად

გ ა დ ა წ ყ ვ ი ტ ა:

1. შევიდეს ცვლილება კომისიის 2015 წლის  2 აპრილის  N179/23 გადაწყვეტილებაში და გადაწყვეტილების მე-2 პუნქტი ჩამოყალიბდეს შემდეგი რედაქციით: 

„2. საკითხის ზეპირი მოსმენა გაიმართოს 2015 წლის 4 ივნისს 16 საათზე, მისამართზე: 0144 თბილისი, ქეთევან წამებულის გამზ./ბოჭორმის ქ. 50/18,  ხოლო გადაწყვეტილება მიღებულ იქნას, ზეპირი მოსმენის ჩატარებიდან 10 სამუშაო დღის განმავლობაში“;

2. კომისიის 2015  წლის 2 აპრილის N179/23  გადაწყვეტილების მე-2 პუნქტს დაემატოს შემდეგი რედაქციის 2¹ პუნქტი:

 „2¹ საჯარო ადმინისტრაციული წარმოებისათვის განისაზღვროს  3 თვიანი ვადა“;

3. დაევალოს კომისიის აპარატის ადმინისტრაციულ დეპარტამენტს (ნ. ჯანელიძე)  საჯარო გაცნობისათვის ცნობის განმეორებით გამოქვეყნება ინტერნეტში კომისიის ოფიციალურ ვებ-გვერდზე;

4. გადაწყვეტილება ცალკე გასაჩივრდებას არ  ექვემდებარება საქართველოს ზოგადი ადმინისტრაციული კოდექსის 177-ე მუხლის მე-4 ნაწილის შესაბამისად;

5. გადაწყვეტილება ძალაშია მისი მიღებისთანავე;

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის კონკურენციის ხელშეწყობის დეპარტამენტს (დ.გოგიჩაიშვილი).

კომისიის თავმჯდომარე                                                        ვ. აბაშიძე

კომისიის წევრი                                                                       კ. ბექაური

კომისიის წევრი                                                                       გ.ფრუიძე