შპს „კომპანია მედიასტრიმისთვის“ რადიოსარელეო სიხშირის მინიჭების შესახებ

შპს „კომპანია მედიასტრიმისთვის“  რადიოსარელეო სიხშირის

მინიჭების შესახებ

      საქართველოს კომუნიკაციების ეროვნული კომისია (შემდეგში „კომისია“) აღნიშნავს, რომ შპს „კომპანია მედიასტრიმმა“  კომისიას მიმართა განცხადებით (კომისიაში რეგისტრირებული № შ-7/1618-15, 02.04.15)  ქ.თბილისში,  სტუდიიდან (მელიქიშვილის ქ. №1) მთაწმინდის სატელევიზიო ანძამდე მაუწყებლობის  სიგნალის მიწოდებისთვის, 7გჰც÷8გჰც დიაპაზონში რადიოსარელეო სიხშირის მინიჭების მოთხოვნით.

     კომისია   აღნიშნავს,   რომ   შპს „კომპანია მედიასტრიმი“  ფლობს ქ.თბილისში კერძო საერთო მაუწყებლობის ლიცენზიას № B173 (ვადა 08.01.25), 104,7 მჰც სიხშირეზე 500ვტ სიმძლავრის  რადიომაუწყებლობის გადამცემით მაუწყებლობაზე.

       შპს „კომპანია მედიასტრიმისთვის“  ქ. თბილისში,  სტუდიიდან (მელიქიშვილის ქ. №1) მთაწმინდის სატელევიზიო  ანძამდე  მაუწყებლობის  სიგნალის მიწოდებისთვის, შერჩეულ იქნა სიხშირე 7728 მჰც ± 3. 5მჰც,  ზოლის სიგანით  7 მჰც.  სიხშირე გათვალისწინებულია    ქ. თბილისში, შპს „კომპანია მედიასტრიმის“    სტუდიიდან (მელიქიშვილის ქ. №1) მთაწმინდის სატელევიზიო  ანძამდე  მაუწყებლობის სიგნალის მისაწოდებლად,  დამხმარე ტექნოლოგიური დანიშნულებით გამოყენებისათვის, სალიცენზიო პირობების შესრულების უზრუნველსაყოფად.

   „მაუწყებლობის შესახებ“ საქართველოს კანონის 75-ე მუხლის მე-2  პუნქტის  შესაბამისად, კომისიამ  კენჭისყრის  შედეგად,  ერთხმად

გადაწყვიტა:

1.   მიენიჭოს შპს „კომპანია მედიასტრიმს“  სიხშირე 7728 მჰც ± 3.5 მჰც,  ზოლის სიგანით  7 მჰც  თბილისში    სტუდიიდან (მელიქიშვილის ქ. №1) მთაწმინდის სატელევიზიო  ანძამდე  სატელევიზიო სიგნალის მიწოდებისთვის, დამხმარე ტექნოლოგიური დანიშნულებით, კერძო საერთო № B173 ლიცენზიის    მოქმედების    ვადით  (ვადა 08.01.25);
2.  აღირიცხოს შპს „კომპანია მედიასტრიმისთვის“  მინიჭებული სიხშირე კომისიის  უწყებრივ რეესტრში (რ.ქურდაძე);
3.  საქართველოს კანონმდებლობის ცვლილების შემთხვევაში შპს „კომპანია მედიასტრიმისთის“    სიხშირის მინიჭების საკითხი შესაბამისობაში იქნას მოყვანილი საქართველოს კანონმდებლობასთან;
4.  გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ საქმეთა კოლეგიაში (დ.აღმაშენებლის ხეივანი, მე-12 კმ., №6)  1 თვის ვადაში;  
5.  კონტროლი აღნიშნული გადაწყვეტილების შესრულებაზე დაევალოს რადიოსიხშირეთა  მართვის  დეპარტამენტს  (ს. შავგულიძე);           
6.  გადაწყვეტილება ძალაში შევიდეს ამ გადაწყვეტილების დამოწმებული ასლის  შპს „კომპანია მედიასტრიმისთვის“   ჩაბარებისთანავე.

 კომისიის თავმჯდომარის

  მოვალეობის შემსრულებელი                                                           მ.ქათამაძე                                                                  

  კომისიის წევრი                                                                               კ.ბექაური

  კომისიის წევრი                                                                                გ.ფრუიძე