საქართველოს სახელმწიფო დაცვის სპეციალური სამსახურისთვის რადიოსიხშირეების მინიჭების შესახებ

საქართველოს სახელმწიფო დაცვის სპეციალური სამსახურისთვის რადიოსიხშირეების მინიჭების  შესახებ

      საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ საქართველოს სახელმწიფო დაცვის სპეციალურმა სამსახურმა   კომისიას მიმართა განცხადებით (№1/37-249ს, 18.03.15), საქართველოს ტერიტორიაზე დაცვითი ღონისძიებების განხორციელებისთვის, სამსახურებრივი დანიშნულების  რადიოსაკომუნიკაციო მოწყობილობების სიხშირული რესურსით უზრუნველყოფის მიზნით, ამავე განცხადების დანართში განსაზღვრული პარამეტრების შესაბამისად, რადოსიხშირეების  მინიჭების მოთხოვნით.

        კომისიამ, 2015 წლის 23 მარტს, საქართველოს სახელმწიფო დაცვის სპეციალურ სამსახურს მიმართა თხოვნით (№8-ს,23.04.15), ზემოაღნიშნული განცხადების დანართში განსაზღვრული, მოთხოვნილი სიხშირული რესურსის (რადიოსიხშირეების)  მინიჭებისთვის, ტექნიკური ხასიათის მონაცემების დაზუსტებისა და კომისიისთვის წარმოდგენის საჭიროების შესახებ. საქართველოს სახელმწიფო დაცვის სპეციალურმა სამსახურმა, კომისიას, წერილობით (კომისიაში რეგისტრირებული  №10-ს, 04.05.15) მიაწოდა მოთხოვნილი ინფორმაცია.

         „ელექტრონული კომუნიკაციების შესახებ“ საქართველოს     კანონის 47¹  მუხლის  მე-3 პუნქტის, საქართველოს ზოგადი ადმინისტრაციული კოდექსის 27⁴მუხლის,„სახელმწიფო საიდუმლოების შესახებ“ საქართველოს კანონის მე-7 მუხლის მე-4 პუნქტის, საქართველოს მთავრობის 2014 წლის 22 აპრილის  №305  დადგენილებით დამტკიცებული ”სახელმწიფო საიდუმლოებისათვის მიკუთვნებულ ცნობათა ნუსხის“ მე-3 თავის 3.2.19 პუნქტის, ამავე დადგენილების №3 დანართის 31-ე პუნქტის და ”საქართველოს კომუნიკაციების  ეროვნული კომისიის საქმიანობის მარეგულირებელი წესების“ 29-ე მუხლის მე-7 პუნქტის შესაბამისად,  კომისიამ, კენჭისყრის შედეგად, ერთხმად

გადაწყვიტა: 

1. მიენიჭოს საქართველოს სახელმწიფო დაცვის სპეციალურ სამსახურს, საქართველოს ტერიტორიაზე, დაცვითი ღონოსძიებების განხორციელებისთვის სამსახურებრივი       დანიშნულების        რადიოსაკომუნიკაციო        მოწყობილობების

სიხშირული      რესურსით      უზრუნველყოფის    მიზნით,     რადიოსიხშირეები    ამ  გადაწყვეტილების დანართში (თან ერთვის) მითითებული ჩამონათვალის მიხედვით  განსაზღვრული პარამეტრების შესაბამისად, ერთი წლის ვადით;

2.   წინამდებარე გადაწყვეტილების დანართი ცნობილ იქნას ამ გადაწყვეტილების განუყოფელ ნაწილად;

3.   სახელმწიფო  საიდუმლოებად  იქნას მიჩნეული  წინამდებარე  გადაწყვეტილების  დანართი;

4.  აღირიცხოს  საქართველოს  სახელმწიფო   დაცვის    სპეციალური სამსახურისთვის

მინიჭებული     სიხშირეები    კომისიის    საიდუმლო      დოკუმენტაციის     სპეციალურ რეესტრში   (ი.ხარებავა);

5.  საქართველოს კანონმდებლობის ცვლილების შემთხვევაში, საქართველოს სახელმწიფო დაცვის სპეციალური სამსახურისთვის სიხშირეების მინიჭების საკითხი  შესაბამისობაში  იქნას მოყვანილი მოქმედ კანონმდებლობასთან;

6.   გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (დ.აღმაშენებლის ხეივანი, მე-12 კმ., №6)  ერთი თვის ვადაში;   

 7.  კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის  დეპარტამენტის მთავარ სპეციალისტს  (თ.ძაგნიძე);

 8.  გადაწყვეტილება ძალაში შევიდეს ამ გადაწყვეტილების დამოწმებული ასლის საქართველოს სახელმწიფო დაცვის სპეციალური სამსახურისთვის ჩაბარებისთანავე;

 9.  გადაწყვეტილება,  დანართის  გარეშე  გამოქვეყნდეს კომისიის ვებ-გვერდზე ინტერნეტში.

კომისიის თავმჯდომარე                                                                   ვ.აბაშიძე                                                             

კომისიის    წევრი                                                                               გ.ფრუიძე

კომისიის    წევრი                                                                                მ.ქათამაძე