შპს „მაგთიკომისთვის” ნუმერაციის რესურსით სარგებლობის ნებართვების გაცემის შესახებ

შპს „მაგთიკომისთვის” ნუმერაციის რესურსით სარგებლობის ნებართვების გაცემის შესახებ

     საქართველოს კომუნიკაციების ეროვნული კომისია (შემდგომში „კომისია") აღნიშნავს, რომ კომისიას განცხადებით მიმართა შპს „მაგთიკომმა”  (კომისიაში რეგისტრაციის №შ-7/5571-15, 05.08.2015)  ინტელექტუალური ქსელებით (უფასო) მომსახურებისათვის 20 ნომრიან ბლოკზე, ინტელექტუალური ქსელებით დამატებული ღირებულებით (საქველმოქმედო) მომსახურებისათვის 80 ნომრიან ბლოკზე  და ტექსტური/მულტიმედიური შეტყობინებების (სტანდარტული ტარიფით) ნომრებით 20 ნომრიან ბლოკზე  ნუმერაციის რესურსით სარგებლობის ნებართვების გაცემასთან დაკავშირებით.

          კომისია აღნიშნავს, რომ შპს ”მაგთიკომი” წარმოადგენს ავტორიზებულ პირს, რომელსაც ავტორიზაცია გავლილი აქვს ელექტრონულ საკომუნიკაციო მომსახურების შემდეგ სახეებზე:

1. A.F.1. ადგილობრივი დაშვების (სადენიანი) ქსელითა და/ან (სადენიანი) ქსელის ტერმინალური საშუალებებით უზრუნველყოფა:

• სპილენძის წყვილების ადგილობრივი (სააბონენტო) დაშვების ქსელის ფუნქციური რესურსებითა და სიმძლავრეებით უზრუნველყოფა;
• ოპტიკურ-ბოჭკოვანი ადგილობრივი (სააბონენტო) დაშვების ქსელის ფუნქციური რესურსებითა და სიმძლავრეებით უზრუნველყოფა;
• სპილენძის წყვილებით ადგილობრივი (სააბონენტო) დაშვების ქსელის ტერმინალური საშუალებების ფუნქციური რესურსებითა და სიმძლავრეებით უზრუნველყოფა;
• ოპტიკურ-ბოჭკოვანი ადგილობრივი (სააბონენტო) დაშვების ქსელის ტერმინალური საშუალებების ფუნქციური რესურსებითა და სიმძლავრეებით უზრუნველყოფა.

1. A.F.2. ადგილობრივი დაშვების (უსადენო) ქსელის შესაბამისი ელემენტებითა და საშუალებებით უზრუნველყოფა

• რადიოსიხშირული, ადგილობრივი (სააბონენტო) დაშვების ქსელის შესაბამისი ელემენტებისა და საშუალებების ფუნქციური რესურსებითა და სიმძლავრეებით უზრუნველყოფა.

1.  A.F.3. ძირითადი საკომუტაციო ქსელის შესაბამისი ელემენტებითა და საშუალებებით უზრუნველყოფა:

• არხული საკომუნიკაციო საშუალებების ფუნქციური რესურსებითა და სიმძლავრეებით უზრუნველყოფა;
• პაკეტური საკომუტაციო საშუალებების ფუნქციური რესურსებითა და სიმძლავრეებით უზრუნველყოფა.

1. A.F.5  მაგისტრალური საკომუნიკაციო ციფრული სისტემის (უსადენო) გატარების საშუალებებით უზრუნველყოფა:

• რადიოსიხშირული მაგისტრალური არხებისა და შესაბამისი ელემენტების ფუნქციური რესურსებითა და სიმძლავრეებით უზრუნველყოფა.

1. A.F.6   საკომუნიკაციო საკანალიზაციო არხებით უზრუნველყოფა:

• საკანალიზაციო არხების ფუნქციური რესურსებითა და სიმძლავრეებით უზრუნველყოფა.

1. A.M.1 ფიჭური ორგანიზების ტიპის საკომუნიკაციო ქსელის შესაბამისი ელემენტებითა და საშუალებებით უზრუნველყოფა:

• GSM;
• WCDMA;
• CDMA.

1. A.S.1 თანამგზავრული საკომუნიკაციო ქსელის შესაბამისი ელემენტებითა და საშუალებებით უზრუნველყოფა:

• თანამგზავრული სააბონენტო დაშვების ქსელის ფუნქციური რესურსებითა და სიმძლავრეებით უზრუნველყოფა;
• თანამგზავრული საკომუნიკაციო სისტემის ტერმინალური საშუალებების ფუნქციური რესურსებითა და სიმძლავრეებით უზრუნველყოფა.

1. B.F.1. ფიქსირებული საკომუნიკაციო სისტემის აბონენტების სატელეფონო ხმოვანი კავშირით მომსახურება:

• ადგილობრივი სატელეფონო (ხმოვანი) კავშირით მომსახურება;
• საერთაშორისო სატელეფონო (ხმოვანი) კავშირით მომსახურება;
• საქალაქთაშორისო სატელეფონო (ხმოვანი) კავშირით მომსახურება;
• ტექსტური შეტყობინების მომსახურება.

1. B.F.2 ინტერნეტ მომსახურება:

• სპილენძის წყვილებით ინტერნეტ მომსახურება (DSL);
• ოპტიკური ქსელით ინტერნეტ მომსახურება;
• WiMax;
• WiFi;
• 3G;
• CDMA.

1. B.F.4 მაუწყებლობის ტრანზიტი:

• ტელემაუწყებლობის ტრანზიტი;
• რადიომაუწყებლობის ტრანზიტი.

1. B.M.1 მოძრავი საკომუნიკაციო სისტემების აბონენტების სატელეფონო (ხმოვანი) კავშირით მომსახურება:

• ადგილობრივი და მოძრავი საკომუნიკაციო სისტემების აბონენტებთან სატელეფონო (ხმოვანი) კავშირით მომსახურება;
• მოძრავი საერთაშორისო  (ხმოვანი) კავშირით მომსახურება;
• როუმინგული კავშირით  მომსახურება.

1.    B.M.2 მოძრავი საკომუნიკაციო სისტემების აბონენტების გაფართოებული  მომსახურებით უზრუნველყოფა:

• ტექსტური შეტყობინების მომსახურება;
• მულტიმედიური მომსახურება;
• ციფრული მონაცემების გადაცემის მომსახურება (GPRS და სხვ);
• მოძრავი ინტერნეტ მომსახურება;
• მოძრავი ტრანზიტული მაუწყებლობის მომსახურება;
• სხვა მოძრავი საკომუნიკაციო მომსახურება.

1. B.S.1 მოძრავი თანამგზავრული სატალეფონო (ხმოვანი) კავშირით მომსახურება:

• მოძრავი თანამგზავრული სატალეფონო (ხმოვანი) კავშირით მომსახურება.

1. B.S.2 ციფრული მონაცემების გადაცემის მომსახურება თანამგზავრული არხით:

• ციფრული მონაცემების გადაცემის მომსახურება თანამგზავრული არხით.

1. B.S.3 თანამგზავრული ინტერნეტ მომსახურება:

• თანამგზავრული ინტერნეტ მომსახურება.

1. B.S.4 თანამგზავრული ტრანზიტული მაუწყებლობის მომსახურება:

• თანამგზავრული ტრანზიტული მაუწყებლობის მომსახურება.

1. B.S.5 სხვა თანამგზავრული საკომუნიკაციო მომსახურება:

• სხვა თანამგზავრული საკომუნიკაციო მომსახურება.

      კომისია აღნიშნავს, რომ ,,ელექტრონული კომუნიკაციების შესახებ” საქართველოს კანონის 48-ე  მუხლის შესაბამისად, ნუმერაციის რესურსით სარგებლობის ნებართვა გაიცემა კომისიის გადაწყვეტილების საფუძველზე, მარტივი ადმინისტრაციული წარმოების წესით; ნუმერაციის რესურსით სარგებლობის ნებართვა გაიცემა მხოლოდ ელექტრონული კომუნიკაციების სფეროში ავტორიზებული საქმიანობის განსახორციელებლად, უვადოდ, ყოველწლიური განახლებით. ნუმერაციის რესურსით სარგებლობის ნებართვის მისაღებად ნებართვის მაძიებელი იხდის „სალიცენზიო და სანებართვო მოსაკრებლების შესახებ“ საქართველოს კანონით დადგენილ სანებართვო მოსაკრებელს და „ნუმერაციის რესურსის გაცემის, გამოყენებისა და ანგარიშსწორების წესების“ შესაბამისად განსაზღვრულ ნუმერაციის რესურსით სარგებლობის საფასურს.

     ,,სალიცენზიო და სანებართვო მოსაკრებლის შესახებ” საქართველოს კანონის მე-7 მუხლის 30-ე პუნქტის თანახმად, დადგენილია ნუმერაციის რესურსით სარგებლობის სანებართვო მოსაკრებელი, რომელიც ერთ ნებართვაზე შეადგენს 100 ლარს და ირიცხება საქართველოს ცენტრალურ სახელმწიფო ბიუჯეტში.

      კომისიის 2012 წლის 21 თებერვლის №2 დადგენილებით დამტკიცებული ,,ნუმერაციის რესურსის გაცემის, გამოყენებისა და ანგარიშსწორების წესების” მე-5 მუხლის პირველი პუნქტის ბ.ე) და ე) ქვეპუნქტების და მე-8 მუხლის ვ) და ლ) ქვეპუნქტების შესაბამისად, ინტელექტუალური ქსელებით მომსახურებისათვის და ამ ქსელების აბონენტების ტერმინალური მოწყობილობების იდენტიფიცირებისათვის და ტექსტური/მულტიმედიური შეტყობინების ნომრებზე  არასატელეკომუნიკაციო სერვისების მისაწოდებლად, ნებართვა გაიცემა მინიმუმ 10 (ათი) სააბონენტო ნომრისგან შემდგარ სააბონენტო ნუმერაციის ბლოკზე, ხოლო მაქსიმუმ - მინიმალური ოდენობის 10-ჯერად სააბონენტო ნუმერაციის თანმიმდევრულ ბლოკზე; ნუმერაციის რესურსით სარგებლობის საფასური ინტელექტუალური ქსელებით მომსახურებისათვის და ამ ქსელების აბონენტების ტერმინალური მოწყობილობების იდენტიფიცირებისათვის შეადგენს  - 1 ლარს ნუმერაციის ერთ რესურსზე; ტექსტური/მულტიმედიური შეტყობინების მოკლე ნომრებისთვის  შეადგენს  - 5 ლარს ნუმერაციის ერთ რესურსზე.

       კომისიამ მარტივი ადმინისტრაციული წარმოების ფარგლებში შეისწავლა შპს „მაგთიკომის”  მიერ წარმოდგენილი განცხადებისა და თანდართული დოკუმენტაციის შესაბამისობა კომისიის 2012 წლის 21 თებერვლის №2 დადგენილებით დამტკიცებული ,,ნუმერაციის რესურსის გაცემის, გამოყენებისა და ანგარიშსწორების წესების” მე-3 მუხლის მოთხოვნებთან და აღნიშნავს, რომ შპს ”მაგთიკომის”   მიერ წარმოდგენილი განცხადება და თანდართული დოკუმენტაცია აკმაყოფილებს ნუმერაციის რესურსით სარგებლობის ნებართვის გაცემისთვის კანონმდებლობით დადგენილ მოთხოვნებს, კერძოდ შპს ”მაგთიკომის”   მიერ კომისიაში წარმოდგენილია სანებართვო განცხადება, ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან, ნუმერაციის რესურსით სარგებლობის სანებართვო მოსაკრებლის - 300 ლარის (თითოეულ ნებართვაზე 100 ლარი) და რესურსით სარგებლობის საფასურის - 200 ლარის (1 ლარი 1 სააბონენტო ნომერზე ინტელექტუალური ქსელები მომსახურებაზე და 5 ლარი ერთ ნომერზე ტექსტური/მულტიმედიური შეტყობინების ნომრებზე) და საქართველოს ცენტრალურ სახელმწიფო ბიუჯეტში გადახდის დამადასტურებელი საბუთები.

           კომისია დამატებით აღნიშნავს, რომ შპს ”მაგთიკომი”  კომისიის 2012 წლის 6 ივლისის  №464/24 და 2015 წლის 2 აპრილის N174/24 გადაწყვეტილებებით ფლობს ნუმერაციის რესურსით სარგებლობის ნებართვას ინტელექტუალური ქსელებით (უფასო) მომსახურებისათვის და ამ ქსელების აბონენტების ტერმინალური მოწყობილობების იდენტიფიცირებისათვის 110 სააბონენტო ნომერზე. ასევე შპს „მაგთიკომი“ კომისიის 2012 წლის 6 აპრილის და №280/24, 2013 წლის 18 იანვრის №33/24 და 2014 წლის 6 მარტის N123/24 გადაწყვეტილებებით ფლობს ნუმერაციის რესურსით სარგებლობის ნებართვებს ინტელექტუალური ქსელებით  დამატებული ღირებულების (საქველმოქმედო) მომსახურებისთვის 310 სააბონენტო ნომერზე, შპს ”მაგთიკომი”  კომისიის 2012 წლის 28 სექტემბრის №640/24, 2013 წლის 15 ნოემბრის №671/24, 2013 წლის 6 დეკემბრის №721/24, 2013 წლის 27 დეკემბრის N773/24, 2014 წლის 27 აგვისტოს N485/24 და 2015 წლის 26 თებერვლის N 109/24 გადაწყვეტილებებით ფლობს 90 სააბონენტო ნომერს. კომისიის 2012 წლის 21 თებერვლის №2 დადგენილებით დამტკიცებული ”ნუმერაციის რესურსის გაცემის, გამოყენების და ანგარიშსწორების წესების” მე-3 მუხლის მე-2 პუნქტის გ) ქვეპუნქტის შესაბამისად, იმ შემთხვევაში, თუ ნებართვის მაძიებელი უკვე ფლობს კომისიის მიერ გაცემულ ნუმერაციის რესურსით სარგებლობის უფლებას და მის მიერ მოთხოვნილია ნუმერაციის რესურსი იმავე სახის ელექტრონულ საკომუნიკაციო მომსახურებისთვის, ნებართვის მაძიებელი ვალდებულია კომისიაში წარმოადგინოს დადასტურება იმისა,  რომ ნებართვის მაძიებელის მიერ ათვისებულია კომისიის მიერ მასზე უკვე გაცემული ნუმერაციის რესურსის საერთო რაოდენობის 75%. შპს „მაგთიკომს” კომისიის  ინფორმაციულ-ანალიტიკურ დეპარტამენტში (2015 წლის ივნისის თვის მონაცემებით) წარმოდგენილი სტატისტიკური ფორმების მიხედვით  ინტელექტუალური ქსელებით (უფასო) მომსახურებისათვის და ამ ქსელების აბონენტების ტერმინალური მოწყობილობების იდენტიფიცირებისათვის ჰყავს 105 აქტიური აბონენტი, რაც შპს „მაგთიკომზე” კომისიის მიერ იგივე სახის მომსახურებაზე გაცემული ნუმერაციის რესურსიის 95,5%-ს შეადგენს, ინტელექტუალური ქსელებით დამატებული ღირებულებით (საქველმოქმედო) მომსახურებითვის 252 აქტიური აბონენტი, რაც შპს „მაგთიკომზე” კომისიის მიერ ამავე მომსახურებაზე გაცემული ნუმერაციის რესურსიის 80,6%-ს შეადგენს, ასევე შპს „მაგთიკომს“ ტექსტური/მულტიმედიური შეტყობინების ნომრებზე  არასატელეკომუნიკაციო სერვისების მისაწოდებლად ჰყავს 83 აქტიური აბონენტი, რაც შპს „მაგთიკომზე” კომისიის მიერ ამავე მომსახურებაზე გაცემული ნუმერაციის რესურსიის 92,2%-ს შეადგენს.

     ზემოაღნიშნულიდან გამომდინარე, ,,ელექტრონული კომუნიკაციების  შესახებ” საქართველოს კანონის 48-ე მუხლის,  ,,სალიცენზიო და სანებართვო მოსაკრებლის შესახებ” საქართველოს კანონის მე-7 მუხლის 30-ე პუნქტის და კომისიის 2012 წლის 21 თებერვლის №2 დადგენილებით დამტკიცებული ,,ნუმერაციის რესურსის გაცემის, გამოყენებისა და ანგარიშსწორების წესების”  შესაბამისად,  კომისიამ კენჭისყრის შედეგად, ერთხმად

გადაწყვიტა:

1. მიეცეს შპს ”მაგთიკომს” ნუმერაციის რესურსით სარგებლობის № N246 ნებართვა და განესაზღვროს შემდეგი სანებართვო პირობები:

ა) ნუმერაციის რესურსი: 800 800 100-800 800 119, (სულ ოცი სააბონენტო ნომერი) ინტელექტუალური ქსელებით (უფასო) მომსახურებისათვის და ამ ქსელების აბონენტების ტერმინალური მოწყობილობების იდენტიფიცირებისათვის, ავტორიზებული საქმიანობისთვის;

ბ) გეოგრაფიული ზონა: საქართველო;

გ) ნებართვის მოქმედების ვადა: უვადო, ყოველწლიური განახლებით;

დ) ნებართვის მფლობელი ვალდებულია წინამდებარე გადაწყვეტილების პირველი პუნქტის ა)ქვეპუნქტით გათვალისწინებული ნუმერაციის რესურსი გამოიყენოს მხოლოდ ინტელექტუალური ქსელებით (უფასო) მომსახურებისათვის ან გასცეს, მხოლოდ ისეთ აბონენტზე, რომელიც მომხმარებელს გაუწევს ინტელექტუალური ქსელებით (უფასო) მომსახურებას.

ე) ნებართვის მფლობელი ვალდებულია დაიცვას საქართველოს კანონმდებლობა ელექტრონული კომუნიკაციების სფეროში.

2. მიეცეს შპს „მაგთიკომს“ ნუმერაციის რესურსით სარგებლობის № N247  ნებართვა და განესაზღვროს შემდეგი სანებართვო პირობები:

ა) ნუმერაციის რესურსი: 901 901 920 – 901 901 999 (სულ ოთხმოცი სააბონენტო ნომერი) ინტელექტუალური ქსელებით დამატებული ღირებულების (საქველმოქმედო) მომსახურებისათვის და ამ ქსელების აბონენტების ტერმინალური მოწყობილობების იდენტიფიცირებისათვის, ავტორიზებული საქმიანობისთვის;

ბ) გეოგრაფიული ზონა: საქართველო;

გ) ნებართვის მოქმედების ვადა: უვადო, ყოველწლიური განახლებით;

დ) ნებართვის მფლობელი ვალდებულია წინამდებარე გადაწყვეტილების მეორე პუნქტის ა) ქვეპუნქტით გათვალისწინებული ნუმერაციის რესურსი გასცეს, მხოლოდ ისეთ აბონენტზე, რომელიც აღნიშნულ ნუმერაციის რესურსს გამოიყენებს ინტელექტუალური ქსელებით  დამატებული ღირებულების (საქველმოქმედო) მომსახურების განსახორციელებლად.

ე) ნებართვის მფლობელი ვალდებულია დაიცვას საქართველოს კანონმდებლობა ელექტრონული კომუნიკაციების სფეროში.

3. მიეცეს შპს „მაგთიკომს“ ნუმერაციის რესურსით სარგებლობის № N248 ნებართვა  და განესაზღვროს შემდეგი სანებართვო პირობები:

ა) ნუმერაციის რესურსი: 91560-91579 (სულ-ოცი სააბონენტო ნომერი) ავტორიზებადი საქმიანობის განხორციელებისას, ტექსტური/მულტიმედიური შეტყობინებების ნომრებით   სტანდარტული ტარიფით არასატელეკომუნიკაციო სერვისის მიწოდების უზრუნველსაყოფად;

ბ) გეოგრაფიული ზონა: საქართველო;

გ) ნებართვის მოქმედების ვადა: უვადო, ყოველწლიური განახლებით;

დ) ნებართვის მფლობელი ვალდებულია წინამდებარე გადაწყვეტილების მესამე პუნქტის ა) ქვეპუნქტით გათვალისწინებული ნუმერაციის რესურსი გასცეს მხოლოდ ისეთ აბონენტზე, რომელიც აღნიშნულ ნუმერაციის რესურსს გამოიყენებს ტექსტური/მულტიმედიური შეტყობინებების   ნომრით სტანდარტული ტარიფით არასატელეკომუნიკაციო სერვისის მიწოდების უზრუნველსაყოფად;

ე) ნებართვის მფლობელი ვალდებულია დაიცვას საქართველოს კანონმდებლობა ელექტრონული კომუნიკაციების სფეროში.

4.  ეცნობოს შპს ”მაგთიკომს”, რომ ნუმერაციის რესურსით სარგებლობის ნებართვის განახლება ხორციელდება ნუმერაციის რესურსით სარგებლობის ნებართვის გაცემიდან/განახლებიდან 1 წლის ამოწურვამდე ნუმერაციის რესურსით სარგებლობის საფასურის გადახდით. გადახდის დამადასტურებელი დოკუმენტის კომისიისთვის წარდგენა უნდა მოხდეს ვადის გასვლამდე 10 სამუშაო დღით ადრე.

5. დაევალოს კომისიის აპარატის ადმინისტრაციულ დეპარტამენტს:

ა)  სათანადო მონაცემების კომისიის სანებართვო რეესტრში შეტანა (ნ.ლორთქიფანიძე);

ბ) სანებართვო მოწმობის გაცემის უზრუნველყოფა (ნ.ლორთქიფანიძე);

გ) აღნიშნული გადაწყვეტილების დამოწმებული ასლის  შპს „მაგთიკომისთვის“ გაგზავნა (ნ. ჯავახიძე);

6. გადაწყვეტილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ.თბილისი, დ.აღმაშენებლის ხეივანი მე-12 კმ., №6) ერთი  თვის ვადაში.

7. გადაწყვეტილება ძალაში შედის დამოწმებული ასლის შპს ”მაგთიკომისთვის”  ჩაბარებისთანავე.

8. კონტროლი აღნიშნული გადაწყვეტილების  შესრულებაზე დაევალოს კომისიის აპარატის ადმინისტრაციულ დეპარტამენტს (ი. ხარებავა).

კომისიის თავმჯდომარე                                                                           ვახტანგ აბაშიძე 

კომისიის წევრები:                                                                                        გიორგი ფრუიძე                                                                             

                                                                                                                   მერაბ ქათამაძე