შპს “ზარის“ 100% წილის შპს „სუპერ ტვ“-ის მიერ შეძენაზე თანხმობის მიცემის საკითხის განხილვის შესახებ

ადგილობრივი დაშვების (სადენიანი) ქსელითა და/ან (სადენიანი) ქსელის ტერმინალური საშუალებებით უზრუნველყოფა

შპს „სუპერ ტვ“-ის 2015 წლის 14 სექტემბრის №253 წერილის თანახმად (კომისიაში რეგისტრაციის №6/6703-15, 14.09.2015წ.) შპს “სუპერ ტვ“-ის 100%-იანი წილის მფლობელია კომპანია „Super TV S.A.(სუპერ ტვ ეს ეი)“, რომლის პარტნიორები არიან: ზურაბ ჩიგოგიძე - (პ/ნ 01008004061) - წილის 90%-ის მფლობელი, გივი ხორხელი  (პ/ნ 01027008770) - წილის 5%-ის მფლობელი; არჩილ თაბაგარი - წილის 5%-ის მფლობელი. ზურაბ ჩიგოგიძე ასევე არის: ავტორიზებული პირი - შპს "BLACK SEA TELECOM"-ის (ს/კ 610953) 10% წილის მფლობელი; ავტორიზებული პირი - შპს "ტელეკომპანია თბილისი"-ს (ს/კ 202063818) 70% წილის მფლობელი; ავტორიზებული პირი - შპს "ჯეოტელი"-ს (ს/კ 205034979) 100% წილის მფლობელი. ფიზიკური პირები გივი ხორხელი და არჩილ თაბაგარი სხვა ავტორიზებულ პირებში წილებს არ ფლობენ.

კომისიის აპარატის ადმინისტრაციული დეპარტამენტის 2015 წლის 25 სექტემბრის №10/7201-15 სამსახურებრივი ბარათის თანახმად,  შპს “სუპერ ტვ“-ის დირექტორია ლაშა სილაგაძე. შპს „სუპერ ტვ“-ს 100%-იანი წილის მფლობელია  კომპანია „Super TV S.A.“(სუპერ ტვ ეს. ეი). შპს „“სუპერ ტვ“ არის შპს „სტუდია ტივის“ და შპს „დიდგორი-2“-ს 100%-იანი წილის მფლობელი. აღნიშნული ფიზიკური პირისა და კომპანიების აფილირება სხვა ავტორიზებულ პირებთან არ დგინდება.

            კომისიის აპარატის ინფორმაციულ-ანალიტიკური დეპარტამენტის 2015 წლის 1 ივლისის №10/7256-15 სამსახურებრივი ბარათის თანახმად, შპს “სუპერ ტვ“-ი ახორციელებს მაუწყებლობის ტრანზიტს ქალაქ თბილისში. შესაბამისად, შპს “სუპერ ტვ“-ის მიერ ელექტრონული საკომუნიკაციო მომსახურების სფეროში ავტორიზებული საქმიანობიდან მიღებულმა  შემოსავლებმა 2014 წლის იანვრის თვიდან 2015 წლის ივნისის თვის ჩათვლით შეადგინა 9,114,419 ლარი, ხოლო აბონენტების რაოდენობამ 2015 წლის 1 ივლისის მდგომარეობით - 56,473 აბონენტი. წარმოდგენილი მონაცემების საფუძველზე ქალაქ თბილისში კომპანიების მიერ მაუწყებლობის ტრანზიტით მომსახურებიდან მიღებულ მთლიან შემოსავლებში, შპს “სუპერ ტვ“-ის შემოსავლების ხვედრითმა წილმა 2014 წლის იანვრის თვიდან 2015 წლის ივლისის თვის ჩათვლით შეადგინა - 17,89 %-ს, ხოლო ქალაქ თბილისში კომპანიების მიერ მაუწყებლობის ტრანზიტით მომსახურე აბონენტთა საერთო რაოდენობაში, შპს “სუპერ ტვ“-ის აბონენტთა ხვედრითმა წილმა 2015  წლის 1 ივლისის მდგომარეობით შეადგინა - 20,4%. კომისიის აპარატის ინფორმაციულ-ანალიტიკური დეპარტამენტის 2015 წლის 1 ივლისის №10/7256-15 სამსახურებრივი ბარათის თანახმად, შპს „სუპერ ტვ“-სთან აფილირებულ ავტორიზებულ პირებს, შპს „დიდგორი-2“-ს და შპს „სტუდია ტვ“-ს 2014 წლის დეკემბრის თვიდან აბონენტები და შესაბამისად შემოსავლები არ უფიქსირდებათ.

                ყოველივე ზემოაღნიშნულიდან გამომდინარე, შპს “ზარის“   წილის 100%-ის შპს „სუპერ ტვ“-ის მიერ შეძენის შემთხვევაში, აღნიშნული ტრანზაქცია ვერ მოახდენს რაიმე გავლენას ელექტრონულ საკომუნიკაციო ბაზარზე არსებულ კონკურენციაზე.

კომისიამ მიიჩნია, რომ არ არსებობს შპს “ზარის“ წილის 100%-ის შპს „სუპერ ტვ“-ის მიერ შეძენაზე წინასწარი თანხმობის მიცემის დამაბრკოლებელი გარემოებები.   

“ელექტრონული კომუნიკაციების შესახებ“ საქართველოს კანონის 25-ე, 26-ე და 27-ე მუხლების შესაბამისად, კომისიამ კენჭისყრის შედეგად, ერთხმად

 გ ა დ ა წ ყ ვ ი ტ ა :

 1. მიეცეს თანხმობა შპს “ზარს“, შპს “ზარის“  წილის 100%-ის შპს „სუპერ ტვ“-ის მიერ  შეძენაზე.

2. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი, ქ. თბილისი, დ. აღმაშენებლის ხეივანი, მე-12 კმ., №6), კომისიის მიერ ამ გადაწყვეტილების მიღების დღიდან ერთი თვის ვადაში;

3. გადაწყვეტილება ძალაში შედის კომისიის მიერ ამ გადაწყვეტილების მიღების დღიდან;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის კონკურენციის ხელშეწყობის დეპარტამენტს (დ.გოგიჩაიშვილი).