შპს „ჯი-დი-ეს თი-ვი“-სთვის რადიოსიხშირის მინიჭების შესახებ

შპს „ჯი-დი-ეს  თი-ვი“-სთვის რადიოსიხშირის მინიჭების შესახებ

საქართველოს კომუნიკაციების ეროვნული კომისია (შემდეგში „კომისია“) აღნიშნავს, რომ შპს  „ჯი-დი-ეს თი-ვი“-მ (რეგისტრირებული საჯარო რეესტრში 2012 წლის 5 მაისს №404947475), კომისიას მიმართა განცხადებით (კომისიაში რეგისტრირებული №შ-7/8310-15, 29.10.15), ქ. თბილისში,  მობილური სადგურიდან მთაწმინდის ანძამდე სატელევიზიო სიგნალის მიწოდებისთვის, 4გჰც სიხშირულ დიაპაზონში დამხმარე ტექნოლოგიური დანიშნულებით გამოყენებისთვის 20მჰც სიგანის ორი რადიოსარელეო სიხშირის მინიჭების მოთხოვნით.

კომისია აღნიშნავს, რომ შპს  „ჯი-დი-ეს თი-ვი“  არის ტელემაუწყებლობაზე ავტორიზებული პირი  (ავტორიზაციის №BR-958, 15.07.15) და ახორციელებს საერთო ტელემაუწყებლობას ციფრული მიწისზედა სატელევიზიო ქსელის გამოყენებით ამ ქსელის ოპერატორთან   (შპს „სტერეო+“) ციფრული მიწისზედა სატელევიზიო ქსელით მომსახურებაზე 2014 წლის 27 ოქტომბერს  5 წლის ვადით  გაფორმებული ხელშეკრულების საფუძველზე.

კომისია აღნიშნავს, რომ შპს „ჯი-დი-ეს თი-ვი“-ს მიერ სხვა დამხმარე ტექნოლოგიური დანიშნულებით გამოყენებისთვის, კერძოდ, ქ.თბილისში,  მობილური ჩართვების უზრუნველსაყოფად  მთაწმინდის სატელევიზიო  ანძამდე სატელევიზიო სიგნალის მიტანისთვის, შერჩეულ იქნა რადიოსიხშირე  4590მჰც ±10მჰც.

შეთანხმების   მიზნით, შერჩეული  რადიოსიხშირის პარამეტრები კომისიამ  შპს შპს  „ჯი-დი-ეს თი-ვი“-ს  აცნობა  2015   წლის  20 ნოემბერს  წერილით №06/2725-15. თანხმობა  შერჩეული  სიხშირეების გამოყენებაზე შპს  „ჯი-დი-ეს თი-ვი“-მ   კომისიას  დაუდასტურა  წერილით №883,25.11.15 (კომისიაში რეგისტრაციის  №შ-6/9218-25, 25.11.15).

კომისია აღნიშნავს, რომ „მაუწყებლობის შესახებ“ საქართველოს კანონში ცვლილების შეტანის თაობაზე“ 2015 წლის 12 ივნისის საქართველოს კანონის  (სარეგისტრაციო კოდი 0450140000.05.001.01777) მე-2 მუხლის  მე-5 პუნქტის  შესაბამისად, კომისია ამ კანონის ამოქმედების მომენტისთვის მოქმედ ტელემაუწყებლებს ანიჭებს რადიოსიხშირეებს დამხმარე ტექნოლოგიური დანიშნულებით გამოყენებისთვის:

ა) „შესაბამის ციფრულ მიწისზედა სატელევიზიო ქსელში სიგნალის მისატანად, უსასყიდლოდ, ციფრული მიწისზედა სატელევიზიო ქსელის ოპერატორთან გაფორმებული ხელშეკრულების მოქმედების ვადით“;

 ბ)  „სხვა დამხმარე ტექნოლოგიური დანიშნულებით, უსასყიდლოდ, 1 წლის ვადით“.

ვინაიდან, შპს  „ჯი-დი-ეს თი-ვი“ წარმოადგენდა მოქმედ ტელემაუწყებელს ზემოაღნიშნული კანონის ამოქმედების მომენტისთვის (2015 წლის 17 ივნისი) და მაუწყებელს რადიოსიხშირეები ესაჭიროება   ქ.თბილისში, მობილური ჩართვების  უზრუნველსაყოფად 

მთაწმინდის სატელევიზიო ანძამდე სატელევიზიო სიგნალის მიტანისთვის, კომისიას მიზანშეწონილად მიაჩნია შპს „ჯი-დი-ეს თი-ვი“-სთვის რადიოსიხშირის მინიჭება დამხმარე ტექნოლოგიური დანიშნულებით (მობილური ჩართვების  უზრუნველსაყოფად) 1 წლის   ვადით.

„მაუწყებლობის შესახებ“ საქართველოს კანონში ცვლილების შეტანის თაობაზე“ 2015 წლის 12 ივნისის საქართველოს კანონის (სარეგისტრაციო კოდი 0450140000.05.001.01777)  მე-2 მუხლის მე-5 პუნქტის  შესაბამისად, კომისიამ კენჭისყრის შედეგად ერთხმად

გადაწყვიტა:

1. მიენიჭოს შპს „ჯი-დი-ეს თი-ვი“-ს  რადიოსიხშირე  4590მჰც ±10მჰც  ქ.თბილისში,  მობილური ჩართვების უზრუნველსაყოფად მთაწმინდის სატელევიზიო ანძამდე სატელევიზიო სიგნალის მისატანად,  უსასყიდლოდ, 1 წლის ვადით.  
2. აღირიცხოს შპს „ჯი-დი-ეს თი-ვი“-სთვის მინიჭებული რადიოსიხშირე კომისიის უწყებრივ რეესტრში  (რ.ქურდაძე);
3. საქართველოს კანონმდებლობის ცვლილების შემთხვევაში შპს „ჯი-დი-ეს თი-ვი“-სთვის  სიხშირეების მინიჭების საკითხი შესაბამისობაში იქნას მოყვანილი საქართველოს    კანონმდებლობასთან;
4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტაციულ საქმეთა კოლეგიაში (დ.აღმაშენებლის ხეივანი, მე-12 კმ., №6)  1 თვის ვადაში;  
5. კონტროლი აღნიშნული გადაწყვეტილების შესრულებაზე დაევალოს რადიოსიხშირეთა მართვის  დეპარტამენტს  (ს. შავგულიძე);  
6. გადაწყვეტილება ძალაში შევიდეს ამ გადაწყვეტილების დამოწმებული ასლის შპს „ჯი-დი-ეს თი-ვი“-სთვის  ჩაბარებისთანავე (ნ.ჯავახიძე)

კომისიის თავმჯდომარე                                 ვ.აბაშიძე

კომისიის   წევრი                                              ე.ასანიძე

კომისიის   წევრი                                              კ.ბექაური

კომისიის   წევრი                                              გ.ფრუიძე

კომისიის  წევრი                                               მ.ქათამაძე