კოოპერატივი აერონავტიკის ტელეკომუნიკაციების საერთაშორისოსაზოგადოების ფილიალისთვის არაავტორიზებადი საქმიანობისთვის დამხმარე ტექნოლოგიურიდანიშნულებით რადიოსიხშირული სპექტრით სარგებლობის ნებართვის გაცემის შესახებ

კოოპერატივი აერონავტიკის ტელეკომუნიკაციების საერთაშორისოსაზოგადოების ფილიალისთვის არაავტორიზებადი საქმიანობისთვის დამხმარე ტექნოლოგიურიდანიშნულებით რადიოსიხშირული  სპექტრით  სარგებლობის   ნებართვის გაცემის შესახებ

საქართველოს კომუნიკაციების ეროვნული კომისია (შემდგომში„ კომისია“) აღნიშნავს, რომ კოოპერატივი აერონავტიკის ტელეკომუნიკაციების საერთაშორისო საზოგადოების ფილიალმა (საიდენტიფიკაციო კოდი 203836509),  კომისიას მიმართა განცხადებით (კომისიაში რეგისტრაციის №შ-7/2843-16. 24.03.16) მეტრულ ტალღათა დიაპაზონში სამოქალაქო ავიაციის საჰაერო ხომალდებთან   რადიოკავშირისთვის,  ერთი სიხშირის (131.725მჰც)  მინიჭების მოთხოვნით.

კომისია აღნიშნავს, რომ „ ელექტრონული კომუნიკაციების შესახებ“ საქართველოს კანონის 47¹ მუხლის მე-3 პუნქტის შესაბამისად არაავტორიზებად პირებს, რომელთა საქმიანობა არ არის დაკავშირებული საერთო სარგებლობის ელექტრონული საკომუნიკაციო ქსელებითა და საშუალებებით უზრუნველყოფასთან ან/და ამ ქსელებითა და საშუალებებით მომსახურების მიწოდებასთან, მაგრამ საქმიანობისას საჭიროებენ რადიოსიხშირეების გამოყენებას, კომისია მარტივი ადმინისტრაციული წარმოების წესით, ნებართვით ანიჭებს რადიოსიხშირეებს დამხმარე ტექნოლოგიური დანიშნულებით, დროებით − 1 წლის ვადით გამოყენებისათვის, რა დროსაც არაავტორიზებადი პირი იხდის სანებართვო მოსაკრებელს, ხოლო კომისია გასცემს სანებართვო მოწმობას.

„ სალიცენზიო და სანებართვო მოსაკრებლების შესახებ“ საქართველოს კანონის მე-7 მუხლის 29-ე პუნქტის თანახმად დადგენილია რადიოსიხშირული სპექტრით სარგებლობის სანებართვო მოსაკრებელი, რომელიც  ერთ სიხშირეზე შადგენს 500 ლარს და ირიცხება საქართველოს ცენტრალურ სახელმწიფო ბიუჯეტში.

„ ლიცენზიებისა და ნებართვების“ შესახებ საქართველოს კანონის 25-ე მუხლის მე-3 და მე-4  პუნქტების შესაბამისად, სანებართვო განცხადებას თან უნდა ერთვოდეს კერძო სამართლის იურიდიული პირის ამონაწერი სახელმწიფო რეესტრიდან და სანებართვო მოსაკრებლის გადახდის დამადასტურებელი საბუთი.

კომისია  აღნიშნავს, რომ  კოოპერატივი  აერონავტიკის  ტელეკომუნიკაციების   საერთაშორისო    საზოგადოების   ფილიალს  წარმოდგენილი   აქვს რადიოსიხშირული    სპექტრით   სარგებლობის   სანებართვო მოსაკრებლის (500 ლარის ოდენობით) საქართველოს ცენტრალურ სახელმწიფო ბიუჯეტში გადახდის დამადასტურებელი საბუთი.

კომისია ასევე აღნიშნავს, რომ მინიჭებული სიხშირე გამოყენებული უნდა იქნას მხოლოდ აღნიშნული ორგანიზაციის მიერ დამხმარე ტექნოლოგიური დანიშნულებით და არ უნდა იქნას გადაცემული სხვა პირზე.

„ელექტრონული კომუნიკაციების  შესახებ“  საქართველოს კანონის 47¹ მუხლის მე-3 პუნქტის, „ სალიცენზიო და სანებართვო მოსაკრებლების შესახებ“  საქართველოს კანონის მე-7 მუხლის 29-ე პუნქტისა და  „ საქართველოს კომუნიკაციების  ეროვნული  კომისიის საქმიანობის მარეგულირებელი წესების“ 29-ე მუხლის შესაბამისად,  კომისიამ კენჭისყრის შედეგად, ერთხმად

გადაწყვიტა:

1. მიეცეს კოოპერატივი  აერონავტიკის  ტელეკომუნიკაციების   საერთაშორისო    საზოგადოების   ფილიალს  რადიოსიხშირული სპექტრით    სარგებლობის № F 1298 ­­   ნებართვა და მიენიჭოს  131.725მჰც ± 12.5კჰც სიხშირე   ერთი წლის ვადით, საჰაერო ხომალდებთან რადიოკავშირის უზრუნველსაყოფად, არაავტორიზებადი  საქმიანობისთვის, დამხმარე ტექნოლოგიური დანიშნულებით;

2. კოოპერატივი  აერონავტიკის  ტელეკომუნიკაციების   საერთაშორისო    საზოგადოების    ფილიალის  მიერ წინამდებარე გადაწყვეტილების პირველი პუნქტით განსაზღვრული რადიოსიხშირული სპექტრი გამოყენებული უნდა იქნას დამხმარე ტექნოლოგიური დანიშნულებით და არ უნდა იქნას გადაცემული სხვა პირზე;

3.  აღირიცხოს კოოპერატივი  აერონავტიკის  ტელეკომუნიკაციების   საერთაშორისო    საზოგადოების   ფილიალისთვის  ნებართვით მინიჭებული სიხშირე კომისიის უწყებრივ რეესტრში (რ. ქურდაძე);

4.  დაევალოს კოოპერატივი  აერონავტიკის  ტელეკომუნიკაციების   საერთაშორისო    საზოგადოების   ფილიალს  გადაწყვეტილების მიღებიდან 20 სამუშაო დღის განმავლობაში, უზრუნველყოს კომისიის რადიოელექტრონული მოწყობილობების რეესტრში, ამავე რეესტრით  გათვალისწინებული ინფორმაციის ელექტრონული წესით ასახვა (ვებ მისამართი: http://reestri.gncc.ge/); რადიოელექტრონული მოწყობილობების რეესტრით გათვალისწინებული პარამეტრების ცვლილება რეესტრში ასახულ იქნას ცვლილების განხორციელებიდან 5 სამუშაო დღის ვადაში;

5. საქართველოს კანონმდებლობის ცვლილების შემთხვევაში კოოპერატივი  აერონავტიკის  ტელეკომუნიკაციების   საერთაშორისო    საზოგადოების   ფილიალისთვის   სიხშირის მინიჭების   საკითხი  შესაბამისობაში  იქნას  მოყვანილი საქართველოს კანონმდებლობასთან;

6. დაევალოს კომისიის  აპარატის რადიოსიხშირეთა მართვის დეპარტამენტს (ა. დაბრუნდაშვილი) სანებართვო მოწმობის გაცემის უზრუნველყოფა.

7. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დ.აღმაშენებლის ხეივანი მე-12 კმ., №6) გადაწყვეტილების  დამოწმებული  ასლის  კოოპერატივი  აერონავტიკის  ტელეკომუნიკაციების   საერთაშორისო    საზოგადოების   ფილიალისთვის  ჩაბარებიდან  ერთი თვის ვადაში;  

 8. გადაწყვეტილება ძალაში შევიდეს ამ გადაწყვეტილების დამოწმებული ასლის კოოპერატივი  აერონავტიკის  ტელეკომუნიკაციების   საერთაშორისო    საზოგადოების   ფილიალისთვის    ჩაბარებისთანავე.

9. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის დეპარტამენტს (ს. შავგულიძე). 

   კომისიის    თავმჯდომარე                             ვ.აბაშიძე                                                           

   კომისიის    წევრი                                             ე.ასანიძე

   კომისიის    წევრი                                             გ.ფრუიძე

   კომისიის    წევრი                                             მ.ქათამაძე