“Van East LTD“-ს კუთვნილი სს “გლობალ ერთის“ აქციების სრული პაკეტის 50%-ის ფიზიკურ პირ გიორგი მაჩიტიძის და 50%-ის ფიზიკურ პირ რუსუდან მაჩიტიძის მიერ შეძენაზე თანხმობის მიცემის საკითხის განხილვის შესახებ

                WiFi.

       კომისია აღნიშნავს, რომ სს ”გლობალ ერთი” „ელექტრონული კომუნიკაციების შესახებ“ საქართველოს კანონის 64-ე მუხლის მე-18 პუნქტის საფუძველზე ფლობს შემდეგ ნუმერაციის რესურსებს:

2157XXX-2159XXX ფიქსირებული საკომუნიკაციო მომსახურების განსახორციელებლად; გეოგრაფიული ზონა:  ქ. თბილისი;    მოქმედების ვადა: 17. 08.2017;

1-0-1-8 (ერთი-ნული-ერთი-რვა), საქალაქთაშორისო და საერთაშორისო სატელეფონო კავშირის მომსახურების განსახორციელებლად; სარგებლობის გეოგრაფიული ზონა: საქართველო; მოქმედების ვადა: 30.03.2021;

900 800 800, 900 900 800 და 900 800 900 (სულ სამი სააბონენტო ნომერი) ინტელექტუალური ქსელებით დამატებული ფასიანი მომსახურების უზრუნველსაყოფად, ავტორიზებული საქმიანობისთვის; გეოგრაფიული ზონა: საქართველო; მოქმედების ვადა: 20.01.2021;

        კომისია აღნიშნავს, რომ სს ”გლობალ ერთი” ასევე ფლობს:

   ნუმერაციის რესურსით სარგებლობის №N105 ნებართვას შემდეგი სანებართვო პირობებით:  ნუმერაციის რესურსი: სულ 4000 (ოთხი ათასი) სააბონენტო ნომერი (995 32 243 60 00  - 995 32 243 99 99) ფიქსირებული ელექტრონული საკომუნიკაციო ქსელებით და საშუალებებით მომსახურების ორგანიზე-ბისათვის და ამ ქსელების აბონენტების ტერმინალური მოწყობილო­ბების იდენტიფიცირებისათვის, ავტორიზებული საქმიანობისთვის; გეოგრაფიული ზონა: ქ.თბილისი;

          ნუმერაციის რესურსით სარგებლობის № N243 ნებართვას შემდეგი სანებართვო პირობებით: ნუმერაციის რესურსი: 1-6-1-1-1 (ერთი-ექვსი-ერთი-ერთი-ერთი) ავტორიზებული საქმიანობისას, მობილური და ფიქსირებული ქსელის აბონენტების მიერ მომსახურების მიმწოდებელი ოპერატორის წინასწარი არჩევის დასაფიქსირებლად; გეოგრაფიული ზონა: საქართველო;

          ნუმერაციის რესურსით სარგებლობის №N8  ნებართვას შემდეგი სანებართვო პირობებით: ნუმერაციის რესურსი: 800 800 90X (სულ ათი სააბონენტო ნომერი) ინტელექტუალური ქსელებით (უფასო) მომსახურებისათვის და ამ ქსელების აბონენტების ტერმინალური მოწყობილობების იდენტიფიცირებისათვის, ავტორიზებული საქმიანობისთვის; გეოგრაფიული ზონა: საქართველო;

სს ”გლობალ ერთს” კომისიის 25.11.2011. №664/15 გადაწყვეტილებით მინიჭებული აქვს ნუმერაციის რესურსი - დამისამართების პრეფიქსი 7-4-7-3 (შვიდი-ოთხი-შვიდი-სამი), სააბონენტო ნომრების პორტაბელობის მონაცემთა ცენტრალურ  ბაზაში ზარის დამისამართებისა და იდენტიფიცირებისათვის.

კომისია ასევე აღნიშნავს, რომ სს ”გლობალ ერთი” ფლობს რადიოსიხშირული სპექტრით სარგებლობის შემდეგ ლიცენზიებს:

           №F57 ლიცენზია, შემდეგი სალიცენზიო პირობებით:

რადიოსიხშირული სპექტრი: 10260.0მჰც ÷ 10288.0მჰც   და   10610.0მჰც ÷ 10638.0 მჰც  წყვილი სიხშირული ზოლი  (თითოეული ზოლის სიგანე 28მჰც, გადამცემის სიმძლავრე არაუმეტეს 1.0 ვატისა);  გეოგრაფიული ზონა  ქ.თბილისი; მოქმედების ვადა: 2017 წლის 17 აგვისტომდე;

           №F74 ლიცენზია შემდეგი სალიცენზიო პირობებით:

რადიოსიხშირული სპექტრი - 5210 მჰც,  რადიოსიხშირული ზოლის სიგანე - 20 მჰც;  სიმძლავრე - 1 ვატი;  სადგურების რაოდენობა - 2 სადგური; გეოგრაფიული ზონა: ქ.თბილისი;  მოქმედების ვადა: 2019 წლის 16 ოქტომბრამდე;

          №F76 ლიცენზია შემდეგი სალიცენზიო პირობებით:

რადიოსიხშირული სპექტრი - 8363 მჰც ± 14 მჰც და 8482 მჰც ± 14 მჰც; რადიოსიხშირული ზოლის სიგანე - 28 მჰც; სიმძლავრე - 1 ვატი; სადგურების რაოდენობა - 2 სადგური; გეოგრაფიული ზონა: ქ.თბილისი; ლიცენზიის მოქმედების ვადა: 2019 წლის 11 დეკემბრამდე;

           “ელექტრონული კომუნიკაციების შესახებ“ საქართველოს კანონის 26-ე მუხლის შესაბამისად, შპს “გლობალ ერთის“  მიერ 2016 წლის 5 აპრილს №126 წერილით (კომისიაში რეგისტრაციის №6/3160-16 05.04.2016), წარმოდგენილ იქნა შემდეგი სახის ინფორმაცია:

- ინფორმაცია სს “გლობალ ერთის“ საფირმო სახელწოდების, საქმიანობის სახისა და სარეგისტრაციო მონაცემების შესახებ;

- ინფორმაცია სს “გლობალ ერთის“ შემოსავლების შესახებ საქართველოში და უცხო ქვეყნის ოპერატორებისათვის გაწეული მომსახურებიდან (2014-2015 წწ);

- სს “გლობალ ერთის“ ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან;

- ფასიანი ქაღალდების რეგისტრატორის “ეროვნული რეესტრის“ ამონაწერი  სს “გლობალ ერთის“ აქციათა რეესტრის მდგომარეობის შესახებ 2016 წლის 1 აპრილისათვის;

- სს “გლობალ ერთის“ აქციათა 100%-ის მფლობელის “Van East LTD“-ს სადამფუძნებლო დოკუმენტაციის ასლები და ნოტარიულად დამოწმებული ქართული თარგმანები.

- სს “გლობალ ერთის“  აქციათა შეძენის მსურველი ფიზიკური პირების,  გიორგი მაჩიტიძისა და რუსუდან მაჩიტიძის პირადი მონაცემები;

- სს “გლობალ ერთის“  წერილი №60 12.04.2016, სს “გლობალ ერთის“ აქციათა 100%-ის მფლობელის “Van East LTD“-ის მიერ კუთვნილი აქციების გასხვისების თაობაზე თანხმობის შესახებ.

ფასიანი ქაღალდების რეგისტრატორის “ეროვნული რეესტრის“ მიერ 2016 წლის 1 აპრილს გაცემული ამონაწერის თანახმად, სს “გლობალ ერთის“ აქციონერია “Van East Ltd“ (ბრიტანეთის ვირჯინიის კუნძულების კანონმდებლობის საფუძველზე რეგისტრირებული იურიდიული პირი), რომელიც ფლობს სს “გლობალ ერთის“ აქციების 100%-ს.

სს “გლობალ ერთის“ გენერალური დირექტორია გიორგი მაჩიტიძე (პ/ნ 01008013484).

კომისიის ავტორიზებულ პირთა უწყებრივი რეესტრიდან ამონაწერის თანახმად, სს “გლობალ ერთის“, სს “გლობალ ერთის“ გენერალური დირექტორის გიორგი მაჩიტიძის, სს “გლობალ ერთის“ აქციონერის “Van East Ltd“-ს, სს “გლობალ ერთის“ აქციების შეძენის მსურველი ფიზიკური პირების: გიორგი მაჩიტიძის (პ/ნ 01024029XXX), რუსუდან მაჩიტიძის (პ/ნ 01008032XXX), აფილირებულობა სხვა ავტორიზებულ პირებთან არ დგინდება.

კომისიის საერთო სტატისტიკურ ბაზაში არსებული ინფორმაციის თანახმად:

2015 წლის იანვრიდან 2016 წლის თებერვლის თვის ჩათვლით ქალაქ თბილისში სს „გლობალ ერთის“ მიერ ფიქსირებული საცალო სატელეფონო მომსახურებიდან მიღებულმა შემოსავლებმა შეადგინა 77917 ლარი (ხვედრითი წილი 0,2%), ხოლო  ფიქსირებული საცალო სატელეფონო აბონენტების რაოდენობამ 2016 წლის 1 მარტის მდგომარეობით შეადგინა 1616 აბონენტი (ხვედრითი წილი 0,45%).

2015 წლის იანვრიდან 2016 წლის თებერვლის თვის ჩათვლით ქალაქ თბილისში სს „გლობალ ერთის“ მიერ ფიქსირებული საცალო ინტერნეტ მომსახურებიდან მიღებულმა შემოსავლებმა შეადგინა 544946 ლარი (ხვედრითი წილი 0,4%), ხოლო  ფიქსირებული საცალო ინტერნეტ აბონენტების რაოდენობამ 2016 წლის 1 მარტის მდგომარეობით შეადგინა 527 აბონენტი (ხვედრითი წილი 0,17%).

ყოველივე ზემოაღნიშნულიდან გამომდინარე,  “Van East LTD“-ს კუთვნილი სს “გლობალ ერთის“  აქციების სრული პაკეტის ფიზიკური პირების  გიორგი მაჩიტიძის (პ/ნ 01024029XXX) და რუსუდან მაჩიტიძის (პ/ნ 01008032XXX) მიერ  შეძენის შემთხვევაში, აღნიშნული ტრანზაქცია ვერ მოახდენს რაიმე გავლენას ელექტრონულ საკომუნიკაციო ბაზარზე არსებულ კონკურენციაზე.

კომისიამ მიიჩნია, რომ არ არსებობს “Van East LTD“-ს კუთვნილი სს “გლობალ ერთის“ აქციების სრული პაკეტის ფიზიკური პირების გიორგი მაჩიტიძის (პ/ნ 01024029XXX) და რუსუდან მაჩიტიძის (პ/ნ 01008032XXX) მიერ  შეძენაზე წინასწარ თანხმობის მიცემის დამაბრკოლებელი გარემოებები.   

“ელექტრონული კომუნიკაციების შესახებ“ საქართველოს კანონის 25-ე, 26-ე და 27-ე მუხლების შესაბამისად, კომისიამ კენჭისყრის შედეგად, ერთხმად

გ ა დ ა წ ყ ვ ი ტ ა :

1. მიეცეს თანხმობა სს “გლობალ ერთს“, სს “გლობალ ერთის“  აქციების სრული პაკეტის 50%-ის ფიზიკურ პირ  გიორგი მაჩიტიძის (პ/ნ 01024029XXX) და 50%-ის ფიზიკურ პირ რუსუდან მაჩიტიძის (პ/ნ 01008032XXX) მიერ  შეძენაზე;

2. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი, ქ. თბილისი, დ. აღმაშენებლის ხეივანი, მე-12 კმ., №6), სს “გლობალ ერთისათვის“ ამ გადაწყვეტილების დამოწმებული ასლის ჩაბარების დღიდან, ერთი თვის ვადაში;

3.  გადაწყვეტილება ძალაში შედის გადაწყვეტილების დამოწმებული ასლის სს “გლობალ ერთისათვის“ ჩაბარების დღიდან;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის კონკურენციის ხელშეწყობის დეპარტამენტს (დ.გოგიჩაიშვილი). 

        კომისიის თავმჯდომარე                     ვახტანგ აბაშიძე

        კომისიის წევრი                                     ელისო ასანიძე

        კომისიის წევრი                                     გიორგი ფრუიძე

        კომისიის წევრი                                     მერაბ ქათამაძე