სამოყვარულო რადიოსადგურით სამოყვარულო რადიოკავშირის განსახორციელებლად რადიომოყვარულ მანფრედ ფაბიშისთვის რადიოელექტრონული საშუალებებისა და მაღალსიხშირული მოწყობილობების გამოყენებისთვის სახმობის მინიჭების შესახებ

სამოყვარულო რადიოსადგურით სამოყვარულო რადიოკავშირის განსახორციელებლად რადიომოყვარულ მანფრედ ფაბიშისთვის რადიოელექტრონული საშუალებებისა და მაღალსიხშირული მოწყობილობების გამოყენებისთვის სახმობის მინიჭების შესახებ  

საქართველოს კომუნიკაციების ეროვნული კომისია (შემდეგში “კომისია”) აღნიშნავს, რომ კომისიას განცხადებით (კომისიაში რეგისტრაციის №შ-9/5286-16, 08.06.2016) მიმართა გერმანიის ფედერაციული რესპუბლიკის მოქალაქე მანფრედ ფაბიშმა, საქართველოში მისი ვიზიტის (2016 წლის 18 ივნისი - 3 ივლისი) პერიოდში, სამოყვარულო რადიოსადგურით სამოყვარულო რადიოკავშირის განსახორციელებლად სახმობის დროებით მინიჭების თაობაზე.

კომისია აღნიშნავს, რომ მანფრედ ფაბიშს, გერმანიის ფედერაციული რესპუბლიკის მიერ გაცემული სარეგისტრაციო დოკუმენტის შესაბამისად, შეუძლია გამოიყენოს სამოყვარულო რადიოსადგური, იგი არის  „C“  კატეგორიის რადიომოყვარული და მინიჭებული აქვს სახმობი DD0HQ.

„ელექტრონული კომუნიკაციების შესახებ“ საქართველოს კანონის 47¹-ე მუხლის პირველი პუნქტისა და „საქართველოს კომუნიკაციების ეროვნული კომისიის საქმიანობის მარეგულირებელი წესების“ 51⁵-ე მუხლის პირველი და მე-7 პუნქტების და  51⁸-ე მუხლის მე-3 პუნქტის გ) ქვეპუნქტის შესაბამისად, კენჭისყრის შედეგად კომისიამ, ერთხმად 

გადაწყვიტა:

1. მიენიჭოს რადიომოყვარულ მანფრედ ფაბიშს  სამოყვარულო რადიოსადგურის გამოყენებისათვის დანართში (თან ერთვის) სამოყვარულო რადიოსადგურის გამოყენებისათვის მითითებული სიხშირული დიაპაზონები და სახმობი ცხრილში აღნიშნული მონაცემების შესაბამისად 2016 წლის 18 ივნისიდან 3 ივლისის ჩათვლით:

2. რადიომოყვარული მანფრედ ფაბიში, რადიომოყვარულთა საერთაშორისო გაერთიანების (IARU) მოქმედი ინსტრუქციების შესაბამისად, ვალდებულია დაიცვას  ტელეკომუნიკაციების საერთაშორისო კავშირის (ITU) მიერ განსაზღვრული რადიოსამოყვარულო სამსახურის  რეგულირების ზოგადი  პრინციპები და ასევე სამოყვარულო რადიოსადგურით სამოყვარულო რადიოკავშირის განხორციელების წესები;

3. გადაწყვეტილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (ქ . თბილისი,  დავით აღმაშენებლის ხეივანი, მე-12  კმ., № 6) ერთი თვის ვადაში;

4. გადაწყვეტილება ძალაში შევიდეს ამ გადაწყვეტილების დამოწმებული ასლის მოქალაქე მანფრედ ფაბიშისთვის ჩაბარებისთანავე (ნ.ჯავახიძე);

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის დეპარტამენტს (ს. შავგულიძე).

კომისიის თავმჯდომარე                                              ვ. აბაშიძე

კომისიის წევრი                                                                ე. ასანიძე

კომისიის წევრი                                                                კ. ბექაური

კომისიის წევრი                                                                გ. ფრუიძე

კომისიის წევრი                                                                მ. ქათამაძე

საქართველოს კომუნიკაციების ეროვნული კომისიის 2016 წლის  16 ივნისის  № 395/7  გადაწყვეტილების

 დანართი