კონტაქტი

საქართველოს კომუნიკაციების ეროვნული კომისია (შემდგომში “კომისია") აღნიშნავს, რომ კომისიას განცხადებით (კომისიაში რეგისტრაციის №შ-9/4156-16, 04.05.2016) მიმართა მოქალაქე ვახტანგ მუმლაძემ სამოყვარულო რადიოსადგურის გამოყენებისთვის სახმობის მინიჭების თაობაზე.

საქართველოს ზოგადი ადმინისტრაციული კოდექსის 83-ე მუხლის მე-2 და მე-3 ნაწილების შესაბამისად, მიმდინარე წლის 7 ივნისს კომისიამ წერილობით მიმართა განმცხადებელს 10 სამუშაო დღის ვადაში წარმოედგინა დამატებითი ინფორმაცია, კერძოდ განცხადება სამოყვარულო რადიოსადგურის გამოყენებაზე, მოქალაქის პირადობის დამადასტურებელი მოწმობის ასლი და ფოტოსურათი (წერილი № 06/1651-16, 07.06.2016 ჩაბარდა ვახტანგ მუმლაძეს 2016 წლის 13 ივნისს). კომისია აღნიშნავს, რომ მითითებულ ვადაში განმცხადებელს მოთხოვნილი დოკუმენტები არ წარმოუდგენია.

კომისია ასევე აღნიშნავს, რომ საქართველოს ზოგადი ადმინისტრაციული კოდექსის 83-ე მუხლის
მე-5 ნაწილის შესაბამისად, თუ დადგენილ ვადაში განმცხადებელი არ წარმოადგენს შესაბამის დოკუმენტს ან ინფორმაციას, ადმინისტრაციული ორგანო უფლებამოსილია გამოიტანოს გადაწყვეტილება განცხადების განუხილველად დატოვების შესახებ.

ზემოაღნიშნულიდან გამომდინარე საქართველოს ზოგადი ადმინისტრაციული კოდექსის 83-ე მუხლის მე-5 ნაწილის შესაბამისად, კომისიამ კენჭისყრის შედეგად, ერთხმად

გადაწყვიტა:

განუხილველად დარჩეს მოქალაქე ვახტანგ მუმლაძის განცხადება (№შ-9/4156-16, 04.05.2016) სამოყვარულო რადიოსადგურის გამოყენებისთვის სახმობის მინიჭების თაობაზე;

2. გადაწყვეტილება ძალაში შევიდეს ამ გადაწყვეტილების დამოწმებული ასლის მოქალაქე ვახტანგ მუმლაძისთვის ჩაბარებისთანავე (ნ. ჯავახიძე);

3. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დავით აღმაშენებლის ხეივანი მე-12 კმ. №6) ერთი თვის ვადაში;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის დეპარტამენტს (ს. შავგულიძე).

კომისიის თავმჯდომარე ვ. აბაშიძე

კომისიის წევრი კ. ბექაური

კომისიის წევრი გ. ფრუიძე

კომისიის წევრი მ. ქათამაძე