კონტაქტი

სს “პროგრეს ბანკისთვის” სიხშირეების მინიჭების გაუქმებისა და საქართველოს კომუნიკაციების ეროვნული კომისიის 2015 წლის 26 ნოემბრის №724/7 გადაწყვეტილების ძალადაკარგულად გამოცხადების შესახებ

საქართველოს კომუნიკაციების ეროვნული კომისია (შემდგომში “კომისია") აღნიშნავს, რომ სს “პროგრეს ბანკმა” (რეგისტრირებული ქ. თბილისის საგადასახადო ინსპექციის მიერ, ს.კ. №204544323) კომისიას მიმართა განცხადებით (კომისიაში რეგისტრაციის №6/10044-16, 21.09.16) ქ. თბილისში 412.800 მჰც და 417.950 მჰც სიხშირეების მინიჭების გაუქმების თაობაზე, რომელიც მინიჭებული ჰქონდა კომისიის 2015 წლის 26 ნოემბრის № 724/7 გადაწყვეტილებით.

საქართველოს ზოგადი ადმინისტრაციული კოდექსის 61-ე მუხლის პირველი ნაწილისა და „საქართველოს კომუნიკაციების ეროვნული კომისიის საქმიანობის მარეგულირებელი წესების“ 29-ე მუხლის მე-12 პუნქტის ა) ქვეპუნქტის თანახმად, კომისიამ, კენჭისყრის შედეგად ერთხმად

გადაწყვიტა:

კომისიის 2015 წლის 26 ნოემბრის №724/7 გადაწყვეტილება ცნობილ იქნას ძალადაკარგულად და გაუქმდეს სს “პროგრეს ბანკისთვის“ ქ. თბილისში 412.800 მჰც და 417.950 მჰც სიხშირეების მინიჭება;
გადაწყვეტილება ძალაში შევიდეს ამ გადაწყვეტილების დამოწმებული ასლის სს “პროგრეს ბანკისთვის“ ჩაბარებისთანავე.
გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დავით აღმაშენებლის ხეივანი მე-12 კმ., №6) სს “პროგრეს ბანკისთვის“ ჩაბარებიდან ერთი თვის ვადაში;
კონტროლი წინამდებარე გადაწყვეტილების შესრულებაზე დაევალოს კომისიის აპარატის რადიოსიხშირეთა მართვის დეპარტამენტს (ს. შავგულიძე);