„საქართველოს კომუნიკაციების ეროვნული კომისიის 2011 წლის 25 მარტის N144/22 გადაწყვეტილების ძალადაკარგულად ცნობისა და სტატისტიკური ანგარიშგების ფორმების დამტკიცების შესახებ“ საქართველოს კომუნიკაციების ეროვნული კომისიის 2016 წლის 11 თებერვლის N95/19 გადაწყვეტილებაში ცვლილებების შეტანის შესახებ

„საქართველოს კომუნიკაციების ეროვნული კომისიის 2011 წლის 25 მარტის N144/22 გადაწყვეტილების ძალადაკარგულად ცნობისა და სტატისტიკური ანგარიშგების ფორმების დამტკიცების შესახებ“ საქართველოს კომუნიკაციების ეროვნული კომისიის 2016 წლის 11 თებერვლის   N95/19 გადაწყვეტილებაში ცვლილებების შეტანის შესახებ

საქართველოს კომუნიკაციების ეროვნული კომისია აღნიშნავს, რომ “მაუწყებლობის შესახებ“ საქართველოს კანონის 12-ე მუხლის მე-5 პუნქტის შესაბამისად რეგულირების საფასურის ოდენობაა მაუწყებლის მიერ განხორციელებული და რეგულირებას დაქვემდებარებული საქონლის (მომსახურების) მიწოდების ან/და შესრულებული სამუშაოს მთლიანი ღირებულების (დღგ-ის გარეშე) 0,5 პროცენტი და „ელექტრონული კომუნიკაციების შესახებ“ საქართველოს კანონის მე-12 მუხლის მე-4 პუნქტის შესაბამისად  რეგულირების საფასურის ოდენობაა ავტორიზებული პირის მიერ განხორციელებული და რეგულირებას დაქვემდებარებული საქონლის (მომსახურების) მიწოდების ან/და შესრულებული სამუშაოს მთლიანი ღირებულების (დღგ-ის გარეშე) 0,75 პროცენტი.

ზემოაღნიშნულიდან გამომდინარე კომისიამ  მიზანშეწონილად ჩათვალა, რომ 2017 წლის 26 ოქტომბრის N6 დადგენილების „რეგულირების საფასურის განსაზღვრისა და გადახდის წესის შესახებ“ საქართველოს კომუნიკაციების ეროვნული კომისიის 2005 წლის 28 ოქტომბრის №12 დადგენილების ნაწილის ბათილად ცნობისა და ამავე დადგენილებაში ცვლილების შეტანის თაობაზე“ შესაბამისად შესატანია ცვლილება 2016 წლის 11 თებერვლის  N95/19 გადაწყვეტილების დანართი-1-ში და რეგულირების საფასურის გაანგარიშების ფორმა 1.9-ის განმარტების ნაწილში ამოსაღებია სიტყვა „აქციზი“.

საქართველოს ზოგადი ადმინისტრაციული კოდექსის 63-ე მუხლის, „ელექტრონული კომუნიკაციების შესახებ“ საქართველოს კანონის მე-4, მე-11 მუხლის მე-2 პუნქტის ა) ქვეპუნქტის  და მე-19 მუხლის მე-2 პუნქტის ა) ქვეპუნქტის,  “მაუწყებლობის შესახებ“ საქართველოს კანონის 70-ე მუხლის მე-5 პუნქტის შესაბამისად, კომისიამ კენჭისყრის შედეგად

გადაწვიტა:

1. შევიდეს ცვლილება „საქართველოს კომუნიკაციების ეროვნული კომისიის 2011 წლის 25 მარტის 144/22 გადაწყვეტილების ძალადაკარგულად ცნობისა და სტატისტიკური ანგარიშგების ფორმების დამტკიცების შესახებ“ კომისიის 2016 წლის 11 თებერვლის  N95/19 გადაწყვეტილების  დანართი-1ის რეგულირების საფასურის გაანგარიშების ფორმა 1.9-ის განმარტების ნაწილში და ფორმა 1.9 ჩამოყალიბდეს შემდეგი რედაქციით:

ფორმა 1.9. რეგულირების საფასურის გაანგარიშების ფორმა

ივსება ყოველთვიურად, შესაბამისი პერიოდის დასრულებიდან მომდევნო თვის 20 რიცხვამდე (ჩათვლით) 

2. გადაწყვეტილება ძალაში შევიდეს სხდომაზე გამოცხადებისთანავე;

3. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დავით აღმაშენებლის ხეივანი მე-12 კმ, N6) ერთი თვის ვადაში;

4 დაევალოს კომისიის აპარატის ადმინისტრაციას (ი. ხარებავა) წინამდებარე გადაწყვეტილების კომისიის ვებ-გვერდზე (www.gncc.ge) გამოქვეყნება;

5 კონტროლი აღნიშნული გადაწყვეტილების შესრულებაზე დაევალოს ბაზრის ანალიზისა და სტრატეგიული განვითარების დეპარტამენტს (ქ. რეხვიაშვილი).

კომისიის თავმჯდომარე                               კახი ბექაური    

კომისიის წევრი                                               ელისო ასანიძე

კომისიის წევრი                                               ვახტანგ აბაშიძე

კომისიის წევრი                                               გიორგი ფრუიძე