შპს „ვი ჯი ეს ნეთვორქ“-ის (ს/კ 438724490) წილის 33%-ის შპს „დუბლლაინის“ (ს/კ 438727031) მიერ შეძენაზე თანხმობის მიცემის საკითხის განხილვის შესახებ

ოპტიკურ-ბოჭკოვანი ადგილობრივი (სააბონენტო) დაშვების ქსელის ფუნქციური რესურსებითა და სიმძლავრეებით უზრუნველყოფა

ადგილობრივი დაშვების (უსადენო) ქსელის შესაბამისი ელემენტებითა და საშუალებებით უზრუნველყოფა

ძირითადი საკომუტაციო ქსელის შესაბამისი ელემენტებითა და საშუალებებით უზრუნველყოფა

ინტერნეტ მომსახურება

მეწარმეთა და არასამეწარმეო იურიდიული პირების რეესტრიდან ამონაწერის თანახმად, შპს „ვი ჯი ეს ნეთვორქ“-ის წილის მფლობელები არიან: ფიზიკური პირი ვახტანგ ჩიგოგიძე (წილის 34%-ის მფლობელი), ფიზიკური პირი სერგო რუხაძე (წილის 33%-ის მფლობელი) და ფიზიკური პირი გია თევზაძე (წილის 33%-ის მფლობელი).  შპს „ვი ჯი ეს ნეთვორქ“-ის დირექტორია ვახტანგ ჩიგოგიძე.

მეწარმეთა და არასამეწარმეო იურიდიული პირების რეესტრიდან ამონაწერის თანახმად, შპს „დუბლლაინის“ წილის მფლობელები არიან: ფიზიკური პირი ვახტანგ ჩიგოგიძე (წილის 50%-ის მფლობელი) და ფიზიკური პირო სერგო რუხაძე (წილის 50%-ის მფლობელი). შპს “დუბლლაინის“ დირექტორია ვახტანგ ჩიგოგიძე.

შპს „ვი ჯი ეს ნეთვორქ“-ის წერილის თანახმად (კომისიაში რეგისტრაციის №6/1717-18 02.04.2018) შპს „დუბლლაინის“ მიერ შპს „ვი ჯი ეს ნეთვორქ“-ის წილის 33%-ის შეძენის შემთხვევაში, კომპანიის წილები პარტნიორებს შორის გადანაწილდება შემდეგნაირად:

სერგო რუხაძე - 33%;

ვახტანგ ჩიგოგიძე - 34%;

შპს “დუბლლაინი“ – 33%.

          კომისიის ავტორიზებულ პირთა უწყებრივი რეესტრის თანახმად, შპს „ვი ჯი ეს ნეთვორქ“-ის წილის 33%-ის შეძენის მსურველი შპს „დუბლლაინი“ ფლობს შპს „ტივიჯი“-ს წილის 15 %-ს. შესაბამისად, შპს „ვი ჯი ეს ნეთვორქ“-სა და  შპს „დუბლლაინთან აფილირებულ ავტორიზებულ პირს წარმოადგენს შპს „ტივიჯი“.

კომისიის საერთო სტატისტიკურ ბაზაში არსებული ინფორმაციის თანახმად, შპს „ვი ჯი ეს ნეთვორქ“ და  შპს “დუბლლაინი“ ახორციელებენ ფიქსირებულ საცალო ინტერნეტ მომსახურებას WiFi ტექნოლოგიის გამოყენებით. 2018 წლის 1 მარტის მდგომარეობით შპს „ვი ჯი ეს ნეთვორქის“ აბონენტების რაოდენობა შეადგენდა – 5502 აბონენტს, ხოლო შპს „დუბლლაინის“ აბონენტების რაოდენობა - 621 აბონენტს,  რომელთა ხვედრითი წილები შესაბამისი მუნიციპალიტეტების მიხედვით შემდეგია:

კომისიის საერთო სტატისტიკურ ბაზაში არსებული ინფორმაციის თანახმად, შპს “ტივიჯი“ ავტორიზაციით განსაზღვრულ საქმიანობას ამ ეტაპზე არ ახორციელებს.

ყოველივე ზემოაღნიშნულიდან გამომდინარე, შპს „ვი ჯი ეს ნეთვორქ“-ის  წილის 33%-ის შპს „დუბლლაინის“ მიერ შეძენა, ბაზრის შესაბამის სეგმენტზე მნიშვნელოვან გავლენას ვერ იქონიებს და აღნიშნული ტრანზაქცია შეიძლება მიჩნეულ იქნეს თავსებადად ელექტრონულ საკომუნიკაციო ბაზარზე არსებულ კონკურენტულ გარემოსთან.

შესაბამისად, კომისიამ მიიჩნია, რომ არ არსებობს შპს „ვი ჯი ეს ნეთვორქ“-ის  წილის 33%-ის შპს „დუბლლაინის“ მიერ შეძენაზე შეძენაზე თანხმობის მიცემის  დამაბრკოლებელი გარემოებები.

“ელექტრონული კომუნიკაციების შესახებ“ საქართველოს კანონის 25-ე, 26-ე და 27-ე მუხლების შესაბამისად, კომისიამ კენჭისყრის შედეგად, ერთხმად

გ ა დ ა წ ყ ვ ი ტ ა :

1. მიეცეს თანხმობა შპს „ვი ჯი ეს ნეთვორქ“-ს, შპს „ვი ჯი ეს ნეთვორქ“-ის  წილის 33%-ის შპს „დუბლლაინის“ მიერ შეძენაზე.

2. განემარტოს შპს „ვი ჯი ეს ნეთვორქ“-ს, რომ ამ გადაწყვეტილების შესაბამისად, წილის მფლობელის ცვლილების შემთხვევაში, შპს „ვი ჯი ეს ნეთვორქ“ ვალდებულია აღნიშნულის თაობაზე კომისიას აცნობოს ცვლილების განხორციელებიდან 7 სამუშაო დღის ვადაში;

3. დაევალოს კომისიის  ადმინისტრაციას ამ გადაწყვეტილების დამოწმებული ასლის შპს „ვი ჯი ეს ნეთვორქ“-ისათვის გაგზავნა (ნ. ჯავახიძე);

4. გადაწყვეტილება ძალაში შედის ამ გადაწყვეტილების დამოწმებული ასლის შპს „ვი ჯი ეს ნეთვორქ“-ისათვის ჩაბარების დღიდან;

5. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი, ქ. თბილისი, დავით აღმაშენებლის ხეივანი, მე-12 კმ., №6), შპს „ვი ჯი ეს ნეთვორქ“-ისათვის ამ გადაწყვეტილების დამოწმებული ასლის ჩაბარების დღიდან, ერთი თვის ვადაში;

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის სატელეკომუნიკაციო ბაზრის რეგულირების დეპარტამენტს (დ. გოგიჩაიშვილი).