„შპს „რადიო არტისთვის“ სიხშირეების მინიჭების შესახებ“ კომისიის 2007 წლის 30 მარტის №165/13 და „შპს „რადიო არტისთვის“რადიოსარელეო სიხშირის მინიჭების შესახებ“ კომისიის 2009 წლის პირველი მაისის №214/13 გადაწყვეტილებების ძალადაკარგულად გამოცხადების შესახებ

„შპს „რადიო არტისთვის“ სიხშირეების მინიჭების შესახებ“ კომისიის 2007 წლის 30 მარტის №165/13 და „შპს „რადიო არტისთვის“რადიოსარელეო სიხშირის მინიჭების შესახებ“ კომისიის 2009 წლის პირველი მაისის №214/13 გადაწყვეტილებების ძალადაკარგულად გამოცხადების შესახებ

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ შპს  „რადიო არტმა“   (რეგისტრირებული   მთაწმინდის რ-ნის  სასამართლოს   მიერ   1997   წლის 1 სექტემბერს, ს.კ. №203845054) კომისიას   მიმართა   განცხადებით   (კომისიაში   რეგისტრაციის №შ-7/2919-18, 19.06.18) და მოითხოვა კომისიის 2007 წლის 30 მარტის №165/13 და 2009 წლის პირველი მაისის №214/13 გადაწყვეტილებებით მინიჭებული სიხშირეების გაუქმება.

კომისია აღნიშნავს, რომ 2007 წლის 30 მარტის №165/13 და 2009 წლის პირველი მაისის №214/13 გადაწყვეტილებებით შპს „რადიო არტს“ მიენიჭა რადიოსარელეო სიხშირეები. კომისიის 2015 წლის 7 მაისის №249/7 გადაწყვეტილებით შევიდა ცვლილებები ზემოაღნიშნულ გადაწყვეტილებებში და შესაბამისად დღეის მდგომარეობით კომპანია ფლობს შემდეგ სიხშირულ რესურსს:

ა) რადიოსარელეო სიხშირე 7250.5მჰც ± 3.5 მჰც,  ქ.თბილისში,  სტუდიიდან (აბაშიძის ქ. №10), მთაწმინდის  სატელევიზიო ანძამდე და სიხშირე 7111.0მჰც ± 3.5 მჰც მობილური სადგურიდან  მთაწმინდის  სატელევიზიო ანძამდე  რადიოსამაუწყებლო სიგნალების მისაწოდებლად დამხმარე ტექნოლოგიური დანიშნულებით გამოყენებისთვის, №B52  ლიცენზიის  მოქმედების ვადით (ვადა 31.12.21);

ბ) რადიოსარელეო სიხშირე 13010.0მჰც ± 3.5 მჰც,  ქ.თბილისში,  სტუდიიდან (აბაშიძის ქ. №10), მთაწმინდის სატელევიზიო ანძამდე, რადიოსამაუწყებლო სიგნალის მისაწოდებლად, დამხმარე ტექნოლოგიური დანიშნულებით გამოყენებისთვის, №B52 ლიცენზიის მოქმედების ვადით (ვადა 31.12.21);  

„საქართველოს კომუნიკაციების ეროვნული კომისიის საქმიანობის მარეგულირებელი წესების“ 29-ე მუხლის მე-16 პუნქტის ა) ქვეპუნქტის შესაბამისად რადიოსიხშირული რესურსით სარგებლობის უფლების გაუქმების საფუძველია რადიოსიხშირული რესურსით სარგებლობის უფლების მქონე პირის მოთხოვნა.

ზემოაღნიშნულიდან გამომდინარე, საქართველოს ზოგადი ადმინისტრაციული კოდექსის 61-ე მუხლის პირველი ნაწილისა და „საქართველოს კომუნიკაციების ეროვნული კომისიის საქმიანობის მარეგულირებელი წესების“ 29-ე მუხლის მე-16 პუნქტის ა) ქვეპუნქტის თანახმად, კომისიამ, კენჭისყრის შედეგად ერთხმად

 გ ა დ ა წ ყ ვ ი ტ ა:

1. ძალადაკარგულად გამოცხადდეს “შპს „რადიო არტისთვის“ სიხშირეების მინიჭების შესახებ“ კომისიის 2007 წლის 30 მარტის №165/13 და “შპს „რადიო არტისთვის“ რადიოსარელეო სიხშირის მინიჭების შესახებ“ კომისიის 2009 წლის პირველი მაისის №214/13 გადაწყვეტილებები;

2. დაევალოს კომისიის  ადმინისტრაციას (ი. ხარებავა) გადაწყვეტილების დამოწმებული ასლის შპს „რადიო არტისთვის“ გაგზავნა და კომისიის ოფიციალურ ვებ გვერდზე (www.gncc.ge) გამოქვეყნება; 

3. აღნიშნული გადაწყვეტილება ძალაში შევიდეს კომისიის სხდომაზე გამოქვეყნებისთანავე;

4. დაევალოს რადიოსიხშირული სპექტრის მართვის (ს. შავგულიძე) და ლიცენზირების, ავტორიზაციის და ნებართვების დეპარტამენტებს (მ. ქადეიშვილი) შპს „რადიო არტისთვის“ ინფორმაციის კომისიის უწყებრივ რეესტრში აღრიცხვა;

5. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დავით აღმაშენებლის ხეივანი მე-12 კმ., №6) შპს  „რადიო არტისთვის“ ჩაბარებიდან ერთი თვის ვადაში;   

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის ლიცენზირების, ავტორიზაციის და ნებართვების დეპარტამენტს (მ. ქადეიშვილი).