კონტაქტი

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ შპს „ბეიკერ ჰიუს სერვის ინთერნეიშენალის ფილიალმა საქართველოში“ (რეგისტრირებულია სსიპ საჯარო რეესტრის ეროვნული სააგენტოს მიერ 2017 წლის 14 დეკემბერს; ს.კ. №404549306) კომისიას მიმართა განცხადებით (კომისიაში რეგისტრაციის №შ-7/4556-18, 10.09.18) ლანჩხუთის, ჭიათურის, მცხეთის და გარდაბნის მუნიციპალიტეტებში მინიჭებული 410.050 მჰც დეციმეტრული დოაპაზონის სიხშირის ნებისმიერი მეტრული დიაპაზონის სიხშირით შეცვლის თაობაზე.

კომისია აღნიშნავს, რომ კომისიის 2018 წლის 28 ივნისის №383/7 გადაწყვეტილებით შპს „ბეიკერ ჰიუს სერვის ინთერნეიშენალის ფილიალს საქართველოში“ მიეცა რადიოსიხშირული სპექტრით სარგებლობის № F 1828 უფლება და მიენიჭა 410.050 სიხშირე (ზოლის სიგანით 25 კჰც) ლანჩხუთის, ჭიათურის, მცხეთის და გარდაბნის მუნიციპალიტეტებში, ერთი წლის ვადით.

კომისია აღნიშნავს, რომ კომისიის აპარატის რადიოსიხშირული სპექტრის მართვის დეპარტამენტის სამსახურებრივი დასკვნის (№შ-10/4870-18, 24.09.18) საფუძველზე შესაძლებლია შპს „ბეიკერ ჰიუს სერვის ინთერნეიშენალის ფილიალს ლანჩხუთის, ჭიათურის, მცხეთის და გარდაბნის მუნიციპალიტეტებში მინიჭებული 410.050 სიხშირის ნაცვლად მიენიჭოს 153,600 მჰც სიხშირე.

საქართველოს ზოგადი ადმინისტრაციული კოდექსის 63-ე მუხლის შესაბამისად, კომისიამ კენჭისყრის შედეგად, ერთხმად

გ ა დ ა წ ყ ვ ი ტ ა:

1. შევიდეს ცვლილება კომისიის 2018 წლის 28 ივნისის №383/7 გადაწყვეტილებაში და მისი პირველი პუნქტი ჩამოყალიბდეს შემდეგი რედაქციით:

„1. მიენიჭოს შპს „ბეიკერ ჰიუს სერვის ინთერნეიშენალის ფილიალს საქართველოში“ რადიოსიხშირული სპექტრით სარგებლობის უფლება № F 1828 შემდეგი პირობებით: სიხშირე - 153.600 მჰც (ზოლის სიგანით 25 კჰც) ლანჩხუთის, ჭიათურის, მცხეთის და გარდაბნის მუნიციპალიტეტებში, ერთი წლის ვადით - 2018 წლის 28 ივნისიდან 2019 წლის 28 ივნისამდე, ოპერატიული რადიოკავშირისთვის, არაავტორიზებადი საქმიანობისთვის, დამხმარე ტექნოლოგიური დანიშნულებით“;

2. დაევალოს კომისიის ადმინისტრაციას (ი. ხარებავა) გადაწყვეტილების დამოწმებული ასლის შპს „ბეიკერ ჰიუს სერვის ინთერნეიშენალის ფილიალისთვის საქართველოში“ გაგზავნა და კომისიის ოფიციალურ ვებ გვერდზე (www.gncc.ge) გამოქვეყნება;

3. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ.თბილისი, დავით აღმაშენებლის ხეივანი მე-12 კმ., №6) შპს „ბეიკერ ჰიუს სერვის ინთერნეიშენალის ფილიალისთვის საქართველოში“ ჩაბარებიდან ერთი თვის ვადაში;

4.კონტროლი აღნიშნული გადაწყვეტილების შესრულებაზე დაევალოს კომისიის აპარატის ლიცენზირების, ავტორიზაციის და ნებართვების დეპარტამენტს (მ. ქადეიშვილი).

კომისიის თავმჯდომარე		კახი ბექაური
კომისიის წევრი		ელისო ასანიძე
კომისიის წევრი		გიორგი ფრუიძე
კომისიის წევრი		მერაბ ქათამაძე