საქართველოს კომუნიკაციების ეროვნული კომისიის 2019 წლის 22 აგვისტოს № გ-19-7 / 490 გადაწყვეტილებაში ცვლილების შეტანის თაობაზე

საქართველოს კომუნიკაციების ეროვნული კომისიის 2019 წლის 22 აგვისტოს № გ-19-7 / 490 გადაწყვეტილებაში  ცვლილების შეტანის თაობაზე

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ შპს „Batumi car tour“-მა (რეგისტრირებულია საჯარო რეესტრის მიერ 2011 წლის 25 მაისს; ს.კ. №445397589) კომისიას მიმართა განცხადებებით (კომისიაში რეგისტრაციის №შ-19-7/4373, 14.11.19 და №შ-19-7/4384, 14.11.19) ქ.ბათუმში მეტრულ დიაპაზონში აპარატურული ხარვეზის გამო, მინიჭებული ორი სიხშირის 154.475 მჰც და 160.475 მჰც (თითოეული ზოლის სიგანით 25 კჰც) შეცვლის თაობაზე.

კომისია აღნიშნავს, რომ კომისიის 2019    წლის 22 აგვისტოს № გ-19-7/490 გადაწყვეტილებით    შპს „Batumi car tour“-ს მიეცა რადიოსიხშირული სპექტრით სარგებლობის № F 2141 უფლება და მიენიჭა სიხშირე 154.475 მჰც, 160.475 მჰც (თითოეული ზოლის სიგანით 25 კჰც) ქ. ბათუმში, ერთი წლის ვადით - 2019 წლის 23 აგვისტოდან 2020 წლის 23 აგვისტომდე.

კომისია ასევე აღნიშნავს, რომ კომისიის   აპარატის სპექტრის და ტექნოლოგიის დეპარტამენტის 2019 წლის 22 ნოემბრის №19-10-2151 სამსახურებრივი ბარათის თანახმად შპს „Batumi car tour“-ს შესაძლებელია მიენიჭოს სიხშირეები 154.675 მჰც და 160.425 მჰც (თითოეული ზოლის სიგანით 25 კჰც) 154.475 მჰც და 160.475 მჰც სიხშირეების ნაცვლად, ქ. ბათუმში.

საქართველოს ზოგადი ადმინისტრაციული კოდექსის 63-ე  მუხლის შესაბამისად, კომისიამ კენჭისყრის შედეგად, ერთხმად

გადაწყვიტა:

1. შევიდეს ცვლილება კომისიის 2019  წლის 22 აგვისტოს № გ-19-7/490 გადაწყვეტილებაში და მისი პირველი პუნქტი ჩამოყალიბდეს შემდეგი რედაქციით:

„1. მიენიჭოს შპს „Batumi car tour“-ს რადიოსიხშირული სპექტრით სარგებლობის უფლება № F 2141 შემდეგი პირობებით: სიხშირეები - 154.675 მჰც, 160.425 მჰც (თითოეული ზოლის სიგანით 25 კჰც) ქ. ბათუმში, ერთი წლის ვადით - 2019 წლის 23 აგვისტოდან 2020 წლის 23 აგვისტომდე, ოპერატიული რადიოკავშირისთვის, არაავტორიზებადი საქმიანობისთვის, დამხმარე ტექნოლოგიური დანიშნულებით;“;

2. დაევალოს კომისიის  ადმინისტრაციას გადაწყვეტილების დამოწმებული ასლის შპს „Batumi car tour“-სთვის გაგზავნა (ნ.ჯავახიძე) და კომისიის ოფიციალურ ვებ-გვერდზე (www.gncc.ge) გამოქვეყნება (ნ. შოვნაძე);