შპს ”რადიო იმედის” კერძო მაუწყებლობის №B50 ლიცენზიის მოდიფიცირებისა და კომისიის 2013 წლის 28 ოქტომბრის №641/6 გადაწყვეტილებაში ცვლილების შეტანის მიზნით საჯარო ადმინისტრაციული წარმოების დაწყების შესახებ

შპს ”რადიო იმედის” კერძო მაუწყებლობის №B50 ლიცენზიის მოდიფიცირებისა და კომისიის 2013 წლის 28 ოქტომბრის  №641/6 გადაწყვეტილებაში ცვლილების შეტანის მიზნით საჯარო ადმინისტრაციული წარმოების დაწყების შესახებ

საქართველოს  კომუნიკაციების  ეროვნული   კომისია  (შემდგომში   ,,კომისია”)  აღნიშნავს, რომ  კომისიას მიმართა შპს „რადიო იმედმა“ (№შ-19-6/3753, 18.09.2019), მისი კუთვნილი მაუწყებლობის №B50 ლიცენზიის მოდიფიცირების თხოვნით. კერძოდ, შპს „რადიო იმედი“ ითხოვს ქ. გორში და ქ. ზუგდიდში კუთვნილი კერძო მაუწყებლობის №B50 ლიცენზიით გათვალისწინებული სიხშირული რესურსის კენტი რიცხვით დაბოლოებული სიხშირეებით შეცვლას. როგორც წერილშია აღნიშნული ბოლო რამდენიმე წლის განმავლობაში საქართველოს ბაზარზე მოიმატა ამერიკის შეერთებულ შტატებში წარმოებული ავტომანქანების იმპორტმა. აღნიშნულ ავტომანქანებში რადიოსიგნალის მიღება ხდება კენტი რიცხვით დაბოლოებულ სიხშირეებზე. ეს გარემოება ლუწი სიხშირის მქონე რადიოსადგურისთვის წარმოადგენს სერიოზულ პრობლემას, კომპანია ექცევა არაჯანსაღ კონკურენტულ გარემოში, შესაბამისად იკლებს რადიოარხის რეიტინგი და კომპანიის შემოსავლები. ამდენად ობიექტურად შეიქმნა იმის აუცილებლობა, რომ მაუწყებელმა მოახდინოს სიხშირეების ცვლილება და ლიცენზიის მოდიფიცირება.

კომისია აღნიშნავს, რომ შპს ”რადიო იმედი” ფლობს კერძო მაუწყებლობის №B50 ლიცენზიას, კომისიის 2013 წლის 28 ოქტომბრის  №641/6 გადაწყვეტილებით განსაზღვრული შემდეგი სალიცენზიო პირობებით:

ა) ლიცენზიის სახე:  რადიომაუწყებლობა;

ბ) ლიცენზიის სახეობა: კერძო მაუწყებლობა;

გ) კერძო მაუწყებლობის ქვესახეობა: საერთო მაუწყებლობა; დ) მაუწყებლობის ენა/ენები: ქართული;

ე) მაუწყებლობის ტექნიკური პარამეტრები:

ზემოაღნიშნული გადამცემი სადგურების განთავსება შესაძლებელია მითითებული კოორდინატების მიმართ

500მ რადიუსის ფარგლებში, ზღვის დონიდან გადამცემი ანტენის დაკიდების სიმაღლის შენარჩუნებით (ცდომილება±5მ).

ზ) მაუწყებლობის გავრცელების გეოგრაფიული ზონა: გადამცემი სადგურების ტექნიკური პარამეტრების შესაბამისი მომსახურების სახმელეთო ტერიტორია, რომელიც პირობითად შემოსაზღვრულია ამ ტერიტორიაზე განთავსებული სადგურების მიერ შექმნილი სამაუწყებლო დონის სიგნალის ზღვრული მინიმალური მნიშვნელობის მქონე წერტილთა ერთობლიობის მომვლებით;”

კომისია აღნიშნავს, რომ კომისიის აპარატის სიხშირული სპექტრის მართვის დეპარტამენტის მიერ წარმოდგენილი სამსახურეობრივი ბარათის (№19-10-2171 11/11/2019) თანახმად სიხშირეების შეცვლა შესაძლებელია ქვემოთ მითითებულ ქალაქებში ლიცენზიაში განსაზღვრული ყველა სხვა ტექნიკური პარამეტრის შენარჩუნებით. კერძოდ: ქ. გორში 100.0 მჰც-ის ნაცვლად, შესაძლებელია 99.9 მჰც-ის გამოყენება, ხოლო ქ. ზუგდიდში 104.2 მჰც-ის ნაცვლად შესაძლებელია 104.1 მჰც-ის გამოყენება. სამსახურებრივ ბარათში ასევე აღნიშნულია, რომ ზემოაღნიშნული რადიოსიხშირეების კენტი რიცხვით დაბოლოებული რესურსით ჩანაცვლება არ ზღუდავს    კომისიის    2017    წლის    30    აპრილის  227/22  გადაწყვეტილებით  დამტკიცებულ „87.5მჰც÷108მჰც სიხშირულ დიაპაზონში რადიომაუწყებლობის თავისუფალი    სიხშირული რესურსის განაწილების შესახებ“ ამჟამად მოქმედ გეგმაში განსაზღვრული სიხშირული რესურსის გამოყენებას.

კომისია აღნიშნავს, რომ 2019 წლის 17 ოქტომბრის წერილით (Nგ-19-06/3095) კომისიამ შპს „რადიო იმედს“ ქ. გორში 100.0 მჰც სიხშირის ნაცვლად, შესთავაზა 99.9 მჰც-ის გამოყენება, ხოლო ქ. ზუგდიდში 104.2 მჰც-ის ნაცვლად 104.1 მჰც-ის გამოყენება; 2019 წლის 28 ოქტომბრის წერილით (№შ-19-6/4085), შპს „რადიო იმედმა“ თანხმობა განაცხადა ქ. გორში და ქ. ზუგდიდში კომისიის მიერ შეთავაზებული სიხშირეების გამოყენებაზე.

კომისია აღნიშნავს, რომ „მაუწყებლობის შესახებ“ საქართველოს კანონის 45-ე მუხლის პირველი პუნქტის შესაბამისად, ლიცენზიის მოდიფიცირების საფუძველი შეიძლება იყოს:

ა) საქართველოს კანონმდებლობაში ან მაუწყებლობის სფეროს პრიორიტეტებში ცვლილებების ან/და დამატებების შეტანა;

ბ) კომისიის ან ლიცენზიის მფლობელის დასაბუთებული მოთხოვნა ლიცენზიაში ცვლილებების ან/და დამატებების შეტანის თაობაზე.

ლიცენზიის, ამავე ლიცენზიის მფლობელის განცხადების საფუძველზე მოდიფიცირების მოთხოვნის შემთხვევაში, კომისია ხელმძღვანელობს „მაუწყებლობის შესახებ“ საქართველოს კანონის 45-ე მუხლის მე-3 პუნქტით, რომლის შესაბამისადაც, აკრძალულია საეთერო მაუწყებლობის ლიცენზიის იმგვარად მოდიფიცირება, რომელიც გამოიწვევს ლიცენზიის სახეობის შეცვლას ან ლიცენზიით განსაზღვრული სამოქმედო ზონის სიდიდის ცვლილებას.

ზემოაღნიშნულიდან გამომდინარე, კომისიას მიაჩნია, რომ ლიცენზიის მფლობელის მოთხოვნა არ ეწინააღმდეგება საქართველოს კანონმდებლობას. კერძოდ, სახეზეა ”მაუწყებლობის შესახებ” საქართველოს კანონის 45-ე მუხლის პირველი პუნქტის ბ) ქვეპუნქტით გათვალისწინებული შემთხვევა: კომისიის და ლიცენზიის მფლობელის დასაბუთებული მოთხოვნა ლიცენზიაში ცვლილებების ან/და დამატებების შეტანის თაობაზე; ამავე დროს, შპს „რადიო იმედის“ კერძო    მაუწყებლობის    №B50    ლიცენზიის    მოდიფიცირების    შემთხვევაში    არ    დაირღვევა „მაუწყებლობის შესახებ“ საქართველოს კანონის 45-ე მუხლის მე-3 პუნქტით დადგენილი შეზღუდვა.

„მაუწყებლობის შესახებ“ საქართველოს კანონის 38-ე მუხლის მე–9 პუნქტის შესაბამისად, მაუწყებლობის სფეროში ლიცენზიის მოდიფიცირება ხორციელდება საჯარო ადმინისტრაციული წარმოების წესით.

ყოველივე ზემოაღნიშნულის გათვალისწინებით, კომისიამ ,,მაუწყებლობის  შესახებ” საქართველოს     კანონის     38-ე   მუხლის   მე-9   პუნქტის,   45-ე   მუხლის   პირველი   პუნქტის   ბ) ქვეპუნქტის,  საქართველოს  ზოგადი  ადმინისტრაციული  კოდექსის  63-ე  და 115-ე მუხლების შესაბამისად, კენჭისყრის შედეგად, ერთხმად

გადაწყვიტა:

1. დაიწყოს საჯარო ადმინისტრაციული წარმოება შპს ”რადიო იმედის” კერძო მაუწყებლობის №B50 ლიცენზიის მოდიფიცირებისა და კომისიის 2013 წლის 28 ოქტომბრის №641/6 გადაწყვეტილებაში ცვლილებების შეტანის მიზნით;

2. ზეპირი მოსმენის სხდომა გაიმართოს 2019 წლის 12 დეკემბერს 15:00 სთ-ზე, ხოლო გადაწყვეტილების მიღება მოხდეს ზეპირი მოსმენის გამართვიდან 10 სამუშაო დღის ვადაში;

3. დაევალოს კომისიის აპარატის ადმინისტრაციას (ო. ვოტ):

ა) საჯარო გაცნობისათვის ცნობის გამოქვეყნება ინტერნეტში კომისიის ოფიციალურ ვებ-გვერდზე; ბ) აღნიშნული გადაწყვეტილების დამოწმებული ასლის შპს „რადიო იმედისთვის“ გაგზავნა;