კონტაქტი

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ შპს „ბეიკერ ჰიუს სერვის ინთერნეიშენალის ფილიალმა საქართველოში“ (რეგისტრირებულია სსიპ საჯარო რეესტრის ეროვნული სააგენტოს მიერ 2017 წლის 14 დეკემბერს; ს.კ. №404549306) კომისიას მიმართა განცხადებით (კომისიაში რეგისტრაციის №შ-19-7/350, 31.01.19) და მოითხოვა საქართველოს კომუნიკაციების ეროვნული კომისიის 2018 წლის 28 ივნისის №383/7 გადაწყვეტილებით მინიჭებული სიხშირის - 153.600 მჰც (ზოლის სიგანით 25 კჰც) ლანჩხუთის, ჭიათურის, მცხეთის და გარდაბნის მუნიციპალიტეტებში, №F1828 რადიოსიხშირული სპექტრით სარგებლობის უფლების გაუქმება.

კომისია აღნიშნავს, რომ შპს „ბეიკერ ჰიუს სერვის ინთერნეიშენალის ფილიალი საქართველოში“ ფლობს რადიოსიხშირული სპექტრით სარგებლობის უფლებას №F1828 შემდეგი პირობებით: 153.600 მჰც (ზოლის სიგანით 25 კჰც) ლანჩხუთის, ჭიათურის, მცხეთის და გარდაბნის მუნიციპალიტეტებში, ერთი წლის ვადით - 2018 წლის 28 ივნისიდან 2019 წლის 28 ივნისამდე, ოპერატიული რადიოკავშირისთვის, არაავტორიზებადი საქმიანობისთვის, დამხმარე ტექნოლოგიური დანიშნულებით, საქართველოს კომუნიკაციების ეროვნული კომისიის 2018 წლის 28 ივნისის №383/7 და 2018 წლის 4 ოქტომბრის №578/19 გადაწყვეტილებებით.

„ელექტრონული კომუნიკაციების შესახებ“ საქართველოს კანონის 54-ე მუხლის პირველი პუნქტის ა) ქვეპუნქტის და „საქართველოს კომუნიკაციების ეროვნული კომისიის საქმიანობის მარეგულირებელი წესების“ 29-ე მუხლის მე-16 პუნქტის ა) ქვეპუნქტის შესაბამისად რადიოსიხშირული რესურსით სარგებლობის უფლების გაუქმების საფუძველია რადიოსიხშირული რესურსით სარგებლობის უფლების მქონე პირის მოთხოვნა.

ზემოაღნიშნულიდან გამომდინარე, საქართველოს ზოგადი ადმინისტრაციული კოდექსის 61-ე მუხლის პირველი ნაწილის, „ელექტრონული კომუნიკაციების შესახებ“ საქართველოს კანონის 54-ე მუხლის პირველი პუნქტის ა) ქვეპუნქტისა და „საქართველოს კომუნიკაციების ეროვნული კომისიის საქმიანობის მარეგულირებელი წესების“ 29-ე მუხლის მე-16 პუნქტის ა) ქვეპუნქტის თანახმად, კომისიამ, კენჭისყრის შედეგად ერთხმად

გადაწყვიტა:

1. გაუქმდეს რადიოსიხშირული სპექტრით სარგებლობის №F1828 უფლება და ძალადაკარგულად გამოცხადდეს შპს „ბეიკერ ჰიუს სერვის ინთერნეიშენალის ფილიალისთვის საქართველოში“ რადიოსიხშირული სპექტრით სარგებლობის უფლების მინიჭების შესახებ კომისიის 2018 წლის 28 ივნისის №383/7 გადაწყვეტილება;

2. დაევალოს კომისიის ადმინისტრაციას გადაწყვეტილების დამოწმებული ასლის შპს „ბეიკერ ჰიუს სერვის ინთერნეიშენალის ფილიალისთვის საქართველოში“ გაგზავნა (ნ. ჯავახიძე) და კომისიის ოფიციალურ ვებ გვერდზე (www.gncc.ge) გამოქვეყნება (ნ. შოვნაძე);

3. აღნიშნული გადაწყვეტილება ძალაში შევიდეს შპს „ბეიკერ ჰიუს სერვის ინთერნეიშენალის ფილიალისთვის საქართველოში“ ჩაბარების დღეს;

4. დაევალოს რადიოსიხშირული სპექტრის მართვის (ლ. ლაშქარავა) და ლიცენზირების, ავტორიზაციის და ნებართვების დეპარტამენტებს (მ.ქადეიშვილი) ინფორმაციის კომისიის უწყებრივ რეესტრში აღრიცხვა;

5. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, დავით აღმაშენებლის ხეივანი მე-12 კმ., №6) შპს „ბეიკერ ჰიუს სერვის ინთერნეიშენალის ფილიალისთვის საქართველოში“ ჩაბარებიდან ერთი თვის ვადაში;

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის ლიცენზირების, ავტორიზაციის და ნებართვების დეპარტამენტს (მ. ქადეიშვილი).

კომისიის თავმჯდომარე		კახი ბექაური
კომისიის წევრი		ვახტანგ აბაშიძე
კომისიის წევრი		ელისო ასანიძე
კომისიის წევრი		გიორგი ფრუიძე
კომისიის წევრი		მერაბ ქათამაძე