შპს „სქაიტელის“ მიერ შპს „თრიალეთი-ნეტის“ წილის 100%-ის და შპს „MAXNET“-ის წილის 100%-ის შეძენაზე, შპს „სქაიტელის“ და შპს „თრიალეთი-ნეტის“, შპს სქაიტელის“ და შპს „MAXNET“-ის შერწყმაზე, ასევე შპს „სქაიტელის“ წილის 65%-ის შეძენაზე თანხმობის მიცემის საკითხის განხილვის შესახებ

შპს „სქაიტელის“ მიერ შპს „თრიალეთი-ნეტის“ წილის 100%-ის და შპს „MAXNET“-ის წილის 100%-ის  შეძენაზე, შპს „სქაიტელის“ და შპს „თრიალეთი-ნეტის“, შპს სქაიტელის“ და შპს „MAXNET“-ის შერწყმაზე, ასევე შპს „სქაიტელის“ წილის 65%-ის შეძენაზე თანხმობის მიცემის საკითხის განხილვის შესახებ

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ კომისიას 2020 წლის 2 დეკემბერს ერთობლივი განცხადებით მიმართეს შპს „სქაიტელმა“, შპს „MAXNET“-მა  და შპს „თრიალეთი-ნეტმა“ (განცხადების კომისიაში რეგისტრაციის Nშ-20-6/6067 02.12.2020), შპს „სქაიტელის“ მიერ შპს „თრიალეთი-ნეტის“ წილის 100%-ის და შპს„MAXNET“-ის წილის 100%-ის  შეძენაზე, შპს „სქაიტელის“ და შპს „თრიალეთი-ნეტის“, შპს„სქაიტელის“ და შპს „MAXNET“-ის შერწყმაზე, ასევე შპს „სქაიტელის“ წილის 15%-ის ფიზიკურ პირ ნინო თოთაძის და წილის 50%-ის ფიზიკურ პირ ლევან გაბუნიას მიერ შეძენაზე კომისიისაგან წინასწარი თანხმობის მიღების მოთხოვნით.

“ელექტრონული კომუნიკაციების შესახებ“ საქართველოს კანონის 26-ე მუხლის პირველი პუნქტის თანახმად, შერწყმის ან წილის, აქციების ან საოპერაციო აქტივის შეძენის განზრახვის შესახებ კომისიას უნდა ეცნობოს შეძენის განხორციელებამდე. შეტყობინების ვალდებულება ეკისრება ავტორიზებულ პირს, რომელიც მონაწილეობს შერწყმაში, ან რომლის წილის, აქციების, ან საოპერაციო აქტივის შეძენაც ხდება.

“ელექტრონული კომუნიკაციების შესახებ“ საქართველოს კანონის 27-ე მუხლის პირველი პუნქტის  შესაბამისად, კომისია უფლებამოსილია  შერწყმის ან შეძენის  თაობაზე ავტორიზებული პირის სრულყოფილი შეტყობინების მიღებიდან 15 დღის ვადაში გასცეს თანხმობა შერწყმაზე ან შეძენაზე ან ბაზრის შესაბამის სეგმენტზე არსებულ კონკურენციაზე შესაძლო გავლენის მოხდენის დადგენის მიზნით მიიღოს გადაწყვეტილება შერწყმის ან შეძენის გამოკვლევის თაობაზე ადმინისტრაციული წარმოების დაწყების შესახებ.

შპს „სქაიტელი“, შპს „MAXNET“ და შპს „თრიალეთი-ნეტი“ წარმოადგენენ ელექტრონული კომუნიკაციების სფეროში ავტორიზებულ პირებს.

შპს „სქაიტელს“  ავტორიზაცია გავლილი  აქვს ელექტრონული საკომუნიკაციო მომსახურების შემდეგ სახეებზე:

A.F.1   ადგილობრივი დაშვების (სადენიანი) ქსელითა და/ან (სადენიანი) ქსელის ტერმინალური საშუალებებით უზრუნველყოფა

ოპტიკურ-ბოჭკოვანი ადგილობრივი (სააბონენტო) დაშვების ქსელის ფუნქციური რესურსებითა და სიმძლავრეებით უზრუნველყოფა

ოპტიკურ-ბოჭკოვანი ადგილობრივი (სააბონენტო) დაშვების ქსელის ტერმინალური საშუალებების ფუნქციური რესურსებითა და სიმძლავრეებით უზრუნველყოფა

A.F.2   ადგილობრივი დაშვების (უსადენო) ქსელის შესაბამისი ელემენტებითა და საშუალებებით უზრუნველყოფა

რადიოსიხშირული, ადგილობრივი (სააბონენტო) დაშვების ქსელის შესაბამისი ელემენტებისა და საშუალებების ფუნქციური რესურსებითა და სიმძლავრეებით უზრუნველყოფა

A.F.3 ძირითადი საკომუტაციო ქსელის შესაბამისი ელემენტებითა და საშუალებებით უზრუნველყოფა

პაკეტური საკომუტაციო საშუალებების ფუნქციური რესურსებითა და სიმძლავრეებით უზრუნველყოფა

A.F.4   მაგისტრალური საკომუნიკაციო ციფრული სისტემის სახაზო (სადენიანი) გატარების საშუალებებითა და/ან მაგისტრალური საკომუნიკაციო ციფრული (სადენიანი) სისტემების ტერმინალური საშუალებებით უზრუნველყოფა

ოპტიკურ-ბოჭკოვანი მაგისტრალური  სახაზო საშუალებების ფუნქციური რესურსებითა და სიმძლავრეებით უზრუნველყოფა

ოპტიკურ-ბოჭკოვანი მაგისტრალური საკომუნიკაციო ციფრული სისტემების ტერმინალური საშუალებებს ფუნქციური რესურსებითა და სიმძლავრეებით უზრუნველყოფა

A.F.7 ელექტრონული საკომუნიკაციო ქსელის ელემენტების გაფართოებული რესურსებით უზრუნველყოფა

ძირითადი საკომუნიკაციო ქსელების ურთიერთჩართვის გარდამქმნელი ტერმინალური აღჭურვილობის (IP TV, IP ტელეფონია) ფუნქციური რესურსებითა და სიმძლავრეებით უზრუნველყოფა

B.F.1  ფიქსირებული საკომუნიკაციო სისტემის აბონენტების სატელეფონო ხმოვანი კავშირით მომსახურება

ადგილობრივი სატელეფონო (ხმოვანი) კავშირით მომსახურება

საერთაშორისო სატელეფონო (ხმოვანი) კავშირით მომსახურება საქალაქთაშორისო სატელეფონო (ხმოვანი) კავშირით მომსახურება

B.F.2   ინტერნეტ მომსახურება

WiFi

ოპტიკური ქსელით ინტერნეტ მომსახურება

B.F.4  მაუწყებლობის ტრანზიტი

ტელემაუწყებლობის ტრანზიტი

შპს „MAXNET“-ს ავტორიზაცია გავლილი აქვს ელექტრონული საკომუნიკაციო მომსახურების შემდეგ სახეებზე:

A.F.1   ადგილობრივი დაშვების (სადენიანი) ქსელითა და/ან (სადენიანი) ქსელის ტერმინალური საშუალებებით უზრუნველყოფა

კოაქსიალური (საკაბელო) ადგილობრივი (სააბონენტო) დაშვების ქსელის ფუნქციური რესურსებითა და სიმძლავრეებით უზრუნველყოფა

კოაქსიალური (საკაბელო) ადგილობრივი (სააბონენტო) დაშვების ქსელის ტერმინალური საშუალებების ფუნქციური რესურსებითა და სიმძლავრეებით უზრუნველყოფა

A.F.2   ადგილობრივი დაშვების (უსადენო) ქსელის შესაბამისი ელემენტებითა და საშუალებებით უზრუნველყოფა

რადიოსიხშირული, ადგილობრივი (სააბონენტო) დაშვების ქსელის შესაბამისი ელემენტებისა და საშუალებების ფუნქციური რესურსებითა და სიმძლავრეებით უზრუნველყოფა

B.F.2   ინტერნეტ მომსახურება

WiFi

B.F.4  მაუწყებლობის ტრანზიტი

ტელემაუწყებლობის ტრანზიტი

შპს„თრიალეთი-ნეტს“ ავტორიზაცია გავლილი  აქვს  ელექტრონული  საკომუნიკაციო მომსახურების შემდეგ სახეებზე:

A.F.2  ადგილობრივი დაშვების (უსადენო) ქსელის შესაბამისი ელემენტებითა და საშუალებებით უზრუნველყოფა

რადიოსიხშირული, ადგილობრივი (სააბონენტო) დაშვების ქსელის შესაბამისი ელემენტებისა და საშუალებების ფუნქციური რესურსებითა და სიმძლავრეებით უზრუნველყოფა

A.F.3 ძირითადი საკომუტაციო ქსელის შესაბამისი ელემენტებითა და საშუალებებით უზრუნველყოფა

პაკეტური საკომუტაციო საშუალებების ფუნქციური რესურსებითა და სიმძლავრეებით უზრუნველყოფა

B.F.2    ინტერნეტ მომსახურება

WiFi

მეწარმეთა და არასამეწარმეო  (არაკომერციული)  იურიდიული  პირების რეესტრიდან ამონაწერის თანახმად:

შპს  „სქაიტელის“  წილის  100%-ის  მფლობელია ფიზიკური პირი  ბესიკ მოსაშვილი. შპს„სქაიტელის“ დირექტორია არჩილ ხოჯაშვილი.

შპს  „MAXNET“-ის  წილის  100%-ის  მფლობელია  ფიზიკური  პირი  ლევან გაბუნია. შპს „MAXNET“-ის დირექტორია თეიმურაზ სარდაროვი.

შპს „თრიალეთი-ნეტის“ წილის 100%-ი მფლობელი და დირექტორია ფიზიკური პირი ნინო თოთაძე.

ფიზიკურ პირ ნინო თოთაძის და ფიზიკურ პირ ლევან გაბუნიას მიერ „სქაიტელის“ წილის 65%-ის შეძენის შემთხვევაში, პარტნიორებს შორის შპს „სქაიტელის“ წილები შემდეგნაირად გადანაწილდება: ბესიკ მოსაშვილი - 35%, ლევან გაბუნია - 50%, ნინო თოთაძე - 15%.

კომისიის ავტორიზებულ პირთა უწყებრივი რეესტრის თანახმად, შპს „სქაიტელი“, შპს „სქაიტელის“ წილის 100%-ის მფლობელი ბესიკ მოსაშვილი, შპს „სქაიტელის“ დირექტორი არჩილ ხოჯაშვილი, შპს „MAXNET“, შპს „MAXNET“-ის წილის 100%-ის მფლობელი ლევან გაბუნია, შპს „MAXNET“-ის დირექტორი თეიმურაზ სარდაროვი, შპს „თრიალეთი-ნეტი“, შპს „თრიალეთი-ნეტის“ წილის 100%-ი მფლობელი და დირექტორი ნინო თოთაძე სხვა ავტორიზებულ პირებთან აფილირებულნი არ არიან.

შპს  „სქაიტელი“,  შპს  „MAXNET“  და  შპს  „თრიალეთი-ნეტი“  ახორციელებენ ინტერნეტ მომსახურებას WiFi ტექნოლოგიის გამოყენებით.

კომისიის საერთო სტატისტიკური ბაზის მონაცემების თანახმად:

ფიქსირებული  საცალო  ინტერნეტ  აბონენტების  რაოდენობამ  2020  წლის  1 ნოემბრის მდგომარეობით, შესაბამის კომპანიებში შეადგინა:

შპს „სქაიტელი“ - 26 278 აბონენტი; შპს „MAXNET“ – 8 626 აბონენტი;

შპს „თრიალეთი-ნეტი“ – 3.447 აბონენტი.

შემოსავლებმა ავტორიზებული საქმიანობიდან 2020 წლის 10 თვეში, შესაბამის კომპანიებში შეადგინა:

შპს „სქაიტელი“ - 5 905 784 ლარი; შპს „MAXNET“ – 1 160 753 ლარი;

შპს „თრიალეთი-ნეტი“ – 675 257 ლარი.

მუნიციპალიტეტების ჭრილში ზემოაღნიშნული კომპანიების კუთვნილი ინტერნეტ აბონენტების რაოდენობის ხვედრითი წილი შესაბამის მუნიციპალიტეტში არსებულ ინტერნეტ მომხმარებლების საერთო რაოდენობასთან მიმართებაში შემდეგია:

ყოველივე  ზემოაღნიშნულიდან  გამომდინარე,  კომისია  მიიჩნევს,  რომ  შპს „სქაიტელის“ მიერ შპს „თრიალეთი-ნეტის“ წილის 100%-ისა და შპს „MAXNET“-ის წილის 100%-ის შეძენა, შპს „სქაიტელის“ და შპს „თრიალეთი-ნეტის“, შპს „სქაიტელის“ და შპს „MAXNET“-ის შერწყმა,  ასევე  შპს  „სქაიტელის“  წილის  15%-ის ფიზიკურ  პირ  ნინო  თოთაძის  და  შპს „სქაიტელის“ წილის 50%-ის ფიზიკურ პირ ლევან გაბუნიას მიერ შეძენა, ბაზრის შესაბამის სეგმენტზე გავლენას არ იქონიებს და აღნიშნული ტრანზაქციები შეიძლება მიჩნეულ იქნან თავსებადად ელექტრონულ საკომუნიკაციო ბაზარზე არსებულ კონკურენტულ გარემოსთან. შესაბამისად, არ არსებობს ამ ტრანზაქციებზე თანხმობის მიცემის დამაბრკოლებელი გარემოებები.

“ელექტრონული კომუნიკაციების შესახებ“ საქართველოს კანონის 25-ე, 26-ე და 27-ე მუხლების შესაბამისად, კომისიამ კენჭისყრის შედეგად, ერთხმად

გ ა დ ა წ ყ ვ ი ტ ა :

1.  მიეცეთ  თანხმობა  შპს „სქაიტელს“,  შპს  „თრიალეთი-ნეტს“  და  შპს „MAXNET“ს, შპს „სქაიტელის“ მიერ შპს „თრიალეთი-ნეტის“ წილის 100%-ისა და შპს „MAXNET“-ის წილის 100%-ის  შეძენაზე, შპს „სქაიტელის“ და შპს „თრიალეთი-ნეტის“, შპს „სქაიტელის“ და შპს„MAXNET“-ის შერწყმაზე, ასევე შპს „სქაიტელის“ წილის 15%-ის ფიზიკურ პირ ნინო თოთაძის და შპს „სქაიტელის“ წილის 50%-ის ფიზიკურ პირ ლევან გაბუნიას მიერ შეძენაზე.

2. განემარტოთ შპს „სქაიტელს“, შპს „თრიალეთი-ნეტს“ და შპს „MAXNET“-ს, რომ ამ გადაწყვეტილების  შესაბამისად,  შპს  „სქაიტელის“  მიერ  შპს  „თრიალეთი-ნეტის“ წილის 100%-ის  და  შპს  „MAXNET“-ის  წილის  100%-ის  შეძენის,  შპს „სქაიტელის“ და  შპს„თრიალეთი-ნეტის“,   შპს   „სქაიტელის“   და შპს   „MAXNET“-ის   შერწყმის,  ასევე   შპს„სქაიტელის“ წილის 15%-ის ფიზიკურ პირ ნინო თოთაძის და წილის 50%-ის ფიზიკურ პირ ლევან გაბუნიას მიერ შეძენის შემთხვევაში, შპს „სქაიტელი“, შპს „თრიალეთი-ნეტი“ და შპს „MAXNET“ ვალდებულნი არიან აღნიშნულის თაობაზე კომისიას აცნობონ შესაბამისი ცვლილების განხორციელებიდან 7 სამუშაო დღის ვადაში;