შპს „ბათუმი ტვ 2“-ისთვის მაუწყებლობის სფეროში ავტორიზაციაზე უარის თქმის შესახებ

შპს „ბათუმი ტვ 2“-ისთვის მაუწყებლობის სფეროში ავტორიზაციაზე უარის თქმის შესახებ

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიას წერილით მიმართა შპს „ბათუმი ტვ 2“-მა (ს/ნ 445498337) (კომისიაში რეგისტრაციის №შ-19-6/1173, 06.03.2020) ”მაუწყებლობის შესახებ” საქართველოს კანონის შესაბამისად ავტორიზაციის გავლის თაობაზე. კერძოდ, წერილის თანახმად კომპანიას სურდა ავტორიზაციის გავლა ინტერნეტითა და მაუწყებლობის გავრცელების სხვა ტექნოლოგიებით უფასო გასართობ ტელემაუწყებლობაზე. წერილს თან ახლდა:

ა) ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან; ბ) განსახორციელებელი სამაუწყებლო კონცეფცია;

გ) აუდიტორული კომპანიის მიერ დაუდასტურებელი ცნობა განცხადებული საწესდებო კაპიტალის მისი განაღდებული ნაწილის, აქტივებისა და პასივების შესახებ;

დ) ინფორმაცია საწესდებო კაპიტალისა და აქტივების საკუთრებისა და წარმოშობის შესახებ;

ე) მნიშვნელოვანი წილის მფლობელ პარტნიორთა/აქციონერთა ქონებრივი დეკლარაციის ერთი ფურცელი;

ვ) შესაბამისობის დეკლარაცია;

ზ)   განსახორციელებელი   საქმიანობის   დაფინანსების   გეგმა   და   ინფორმაცია  დაფინანსების წყაროების შესახებ.

კომისიამ ”მაუწყებლობის შესახებ” საქართველოს კანონის 451  მუხლის მე-5 პუნქტის საფუძველზე განმცხადებელს 2020 წლის 9 მარტს გაუგზავნა წერილი და განუმარტა, რომ მაუწყებლობის სფეროში ავტორიზაციის გასავლელად კომპანიამ უნდა შეავსოს კომისიის 2012 წლის 22 ივნისის №431/22 გადაწყვეტილებით დამტკიცებული განცხადების ფორმის დანართი №2. განცხადებას უნდა დაურთოს მასში მითითებული თანდართული დოკუმენტაცია სრულყოფილად. კომისიამ ზემოაღნიშნული ინფორმაციის წარმოდგენისთვის შპს „ბათუმი ტვ 2“-ს განუსაზღვრა 5 სამუშაო დღის ვადა (წერილი №გ-20-03/853, 09.03.2020წ.).

კომპანიამ 2020 წლის 12 მარტს კომისიაში წარმოადგინა დაზუსტებული განცხადებები (წერილი №გ-20-6/1313 და №გ-20-6/1314). დაზუსტებული განცხადებების თანახმად კომპანიას სურს ავტორიზაცია გაიაროს შემდეგი პირობებით:

ა) მაუწყებლობის სახე: ტელემაუწყებლობა;

ბ) მაუწყებლობის სახეობა: კერძო მაუწყებლობა;

გ)  მაუწყებლობის  ქვესახეობა:  საერთო  ტელემაუწყებლობა  და  სპეციალიზებული  (გასართობი) ტელემაუწყებლობა;

დ) მაუწყებლობის ენა/ენები: ქართული;

ე) მაუწყებლობის მინიმალური ხანგრძლივობა დღე-ღამის განმავლობაში: 6-24 საათი;

ვ)   მაუწყებლობის   გავრცელების   ტექნოლოგია   და   აღნიშნულის   შესაბამისად   მაუწყებლობის გავრცელების გეოგრაფიული არეალი:

ვ.ა) ინტერნეტი (საქართველო);

ვ.ბ) მაუწყებლობის გავრცელების სხვა ტექნოლოგიები  - საკაბელო ქსელები, ქ. ბათუმი; ზ) მაუწყებლობის ხელმისაწვდომობა:

ზ.ა) ციფრული მიწისზედა სატელევიზიო ქსელი - ღია (უფასო); ზ.ბ) ინტერნეტი - უფასო;

ზ.გ) მაუწყებლობის გავრცელების სხვა ტექნოლოგიები  - უფასო;

თ) მაუწყებლობის დაწყების ვადა - 01.04.2020;

კომისია აღნიშნავს, რომ 2020 წლის 12 მარტს წარმოდგენილი განცხადების მე-6 და მე-8 პუნქტები შეუსაბამოდ არის შევსებული, კერძოდ მე-8 პუნქტში მითითებულია ციფრული მიწისზედა სატელევიზიო ქსელი - ღია (უფასო) მაუწყებლობა, მაშინ როდესაც აღნიშნული ტექნოლოგია არ წერია განცხადების მე-6 პუნქტში.

განცხადებაზე თანდართულ დოკუმენტებში არ არის წარმოდგენილი მნიშვნელოვანი წილის მფლობელ პარტნიორთა/აქციონერთა ქონებრივი დეკლარაცია და საერთო ტელემაუწყებლობის კონცეფცია. ხარვეზით არის წარმოდგენილი:

ა) შესაბამისობის დეკლარაცია. მასში მითითებული ინფორმაცია არ ემთხვევა მეწარმეთა და არასამეწარმეო (არაკომერციული) იურიდიული პირების რეესტრიდან ამონაწერში არსებულ ინფორმაციას;

ბ)   ცნობა განცხადებული საწესდებო კაპიტალის, მისი განაღდებული ნაწილის, აქტივებისა და პასივების შესახებ არ არის  დადასტურებელი აუდიტორული კომპანიის მიერ;

გ)  ინფორმაცია  საწესდებო  კაპიტალისა  და  აქტივების  საკუთრებისა  და  წარმოშობის  შესახებ; ფორმაში შეტანილია 2010-2016 წლის ინფორმაცია, მაშინ  როდესაც კომპანია დაარსდა 2017 წელს. დ)   განსახორციელებელი   საქმიანობის  დაფინანსების   გეგმა   და   ინფორმაცია   დაფინანსების წყაროების შესახებ; არ არის მითითებული რა პერიოდზეა გაწერილი გეგმა ასევე მასში არ არის ასახული მაუწყებლობის დაწყებისთვის საჭირო ხარჯები.

კომისიის 2020 წლის 19 მარტის სხდომას არ ესწრებოდა შპს „ბათუმი ტვ 2“-ს წარმომადგენელი.  კომპანიამ შეტყობინება სხდომის გამართვის თაობაზე გაეგზავნა 2020 წლის 16 მარტს ელექტრონულ მისამართზე (წერილი Nგ-20-03/1004). 2020 წლის 18 მარტს შპს „ბათუმი ტვ 2“- მა გვაცნობა, რომ შეტყობინება სხდომის გამართვის თაობაზე მიიღო თუმცა სხდომას კომპანიის წარმომადგენელი ვერ დაესწრება (წერილი N შ-20-6/1451).

კომისიის სხდომაზე აღინიშნა, რომ ”მაუწყებლობის შესახებ” საქართველოს კანონის 451 მუხლის მე-5 პუნქტის შესაბამისად თუ საავტორიზაციო განცხადება და თანდართული დოკუმენტაცია არასრულყოფილადაა წარმოდგენილი, კომისია ავტორიზაციის მსურველ პირს დოკუმენტაციის სრულყოფილად წარმოდგენისათვის განუსაზღვრავს 5 სამუშაო დღის ვადას. ამ ვადაში დოკუმენტაციის წარმოუდგენლობის შემთხვევაში ავტორიზაცია არ განხორციელდება. ავტორიზაციის განუხორციელებლობა არ ართმევს პირს უფლებას, განმეორებით მიმართოს კომისიას ავტორიზაციისათვის. სხდომაზე ასევე აღინიშნა, რომ შპს „ბათუმი ტვ 2“-ს განსაზღვრულ ვადაში კომისიაში სრულყოფილად არ წარმოუდგენია საავტორიზაციო განცხადება და მასზე თანდართული დოკუმენტაცია.

ყოველივე ზემოაღნიშნულის გათვალისწინებით, კომისიამ „მაუწყებლობის შესახებ“ საქართველოს კანონის 451 მუხლის მე-5 ქვეპუნქტის და 38-ე მუხლის, ასევე საქართველოს ზოგადი ადმინისტრაციული კოდექსის 53-ე, 95-ე, 98-ე და 99-ე მუხლებისა და VII თავის შესაბამისად, კენჭისყრის შედეგად, ერთხმად

გადაწყვიტა:

1.  უარი  ეთქვას  შპს  „ბათუმი  ტვ  2“  (ს/ნ  445498337)  მაუწყებლობის  სფეროში ავტორიზაციაზე”მაუწ ყებლობის  შესახებ” საქართველოს კანონით  განსაზღვრული  დოკუმენტაციის არასრულყოფილად წარმოდგენის გამო;

2. განემარტოს შპს „ბათუმი ტვ 2“-ს, რომ ავტორიზაციის განუხორციელებლობა არ ართმევს პირს უფლებას, განმეორებით მიმართოს კომისიას ავტორიზაციისათვის;