საქართველოს კომუნიკაციების ეროვნული კომისიის 2019 წლის 28 ნოემბრის გ-19-21 / 671 გადაწყვეტილებაში ცვლილებების შეტანის შესახებ

საქართველოს კომუნიკაციების ეროვნული კომისიის  2019 წლის 28 ნოემბრის გ-19-21 / 671 გადაწყვეტილებაში ცვლილებების შეტანის შესახებ

I აღწერილობითი ნაწილი

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიის 2020 წლის 10 აპრილის სხდომაზე მოსმენილი იქნა   ადმინისტრაციის საფინანსო-საბიუჯეტო ჯგუფის უფროსის ნათია დევდარიანის ინფორმაცია 2020 წლის ბიუჯეტის ზოგიერთ მუხლში ცვლილების საჭიროების შესახებ.

კომუნიკაციების კომისია კორონა ვირუსთან  (COVID-19) დაკავშირებით საქართველოს სახელმწიფოსა და საზოგადოების წინაშე არსებულ გამოწვევებთან გასამკლავებლად 2020 წლის  ხარჯებს  ამცირებს  და COVID-19  ვირუსის წინააღმდეგ ბრძოლისთვის შექმნილ #StopCoV ფონდში  500,000  ლარს გადარიცხავს. კომუნიკაციების    კომისია სრულად აცნობიერებს სახელმწიფოს წინაშე არსებულ გამოწვევებს, რომელიც  ჩვენ ქვეყანას პანდემიასთან ბრძოლის პირობებში აქვს, სწორედ ამ მიზნით კომისიამ მნიშვნელოვნად შეამცირა 2020 წლის ხარჯები, კერძოდ,  გრძელვადიანი აქტივები, მივლინებები, ოფისის მუშაობასთან დაკავშირებული ხარჯები, კვალიფიკაციის ამაღლების ხარჯები, ავტომანქანების ხარჯები, ღონისძიებების ჩატარებასთან დაკავშირებული ხარჯები და სხვა.

 II სარეზოლუციო ნაწილი

საქართველოს ზოგადი ადმინისტრაციული კოდექსის 63-ე მუხლის და „ელექტრონული კომუნიკაციების შესახებ“ საქართველოს კანონის მე-12 მუხლის პირველი პრიმა პუნქტის შესაბამისად, კომისიამ, კენჭისყრის შედეგად, ერთხმად

გ ა დ ა წ ყ ვ ი ტ ა:

1.  შევიდეს ცვლილება საქართველოს კომუნიკაციების ეროვნული კომისიის 2019 წლის 28 ნოემბრის გ-19-21/671 გადაწყვეტილების 1-ლ პუნქტში და დამტკიცდეს კომისიის 2020 წლის ბიუჯეტი შემდეგი სახით:

2. დაევალოს კომისიის ადმინისტრაციის საფინანსო-საბიუჯეტო ჯგუფის უფროსს (ნ. დევდარიანი) 500,000 ლარის საქართველოს სახელმწიფო ბიუჯეტში გადარიცხვა შემდეგ ანგარიშზე: