შპს „სისტემ ნეტისათვის“ ადმინისტრაციული პასუხისმგებლობის დაკისრების თაობაზე

შპს „სისტემ ნეტისათვის“ ადმინისტრაციული პასუხისმგებლობის დაკისრების თაობაზე

I.  საქმის აღწერა

საქართველოს კომუნიკაციების ეროვნული კომისიის (შემდგომში     „კომისია“) ადმინისტრაციის საფინანსო-საბიუჯეტო ჯგუფის მოხსენებითი ბარათის (07/12/2021; N21-10-2197) საფუძველზე კომისიაში დაიწყო ადმინისტრაციული წარმოება შპს „სისტემ ნეტის“  მიერ   „ბუღალტრული   აღრიცხვის,   ანგარიშგებისა   და   აუდიტის   შესახებ“ საქართველოს    კანონით   გათვალისწინებული   ვალდებულებების   შეუსრულებლობის საკითხის განხილვის თაობაზე.

აღნიშნული მოხსენებითი ბარათის თანახმად, 2021 წლის 30 ნოემბერს ბუღალტრული აღრიცხვის, ანგარიშგებისა და აუდიტის ზედამხედველობის სამსახურმა კომისიას წერილობით (N16/141519) აცნობა, რომ კომისიის რეგულირებას დაქვემდებარებული სუბიექტების გარკვეულ ნაწილს, მათ შორის შპს „სისტემ ნეტს“ ბუღალტრული აღრიცხვის, ანგარიშგებისა და აუდიტის ზედამხედველობის სამსახურისათვის არ წარუდგენია ფინანსური ანგარიშგება „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონით დადგენილი წესით. კერძოდ, აღნიშნული წერილის მიხედვით, ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-9 მუხლის მე-2 პუნქტის თანახმად, „სუბიექტი (გარდა არასამეწარმეო (არაკომერციული) იურიდიული პირისა) ვალდებულია მისთვის ამ კანონით დადგენილი ფინანსური ანგარიშგება (მათ შორის, კონსოლიდირებული ანგარიშგება), მმართველობის ანგარიშგება (მათ შორის, კონსოლიდირებული ანგარიშგება), სახელმწიფოს მიმართ განხორციელებული გადახდების შესახებ ანგარიშგება და ამ კანონით გათვალისწინებულ შემთხვევებში აუდიტორული დასკვნა ერთად, დაუყოვნებლივ, მაგრამ არაუგვიანეს საანგარიშგებო პერიოდის მომდევნო წლის 1 ოქტომბრისა, წარუდგინოს სამსახურს მის მიერ დადგენილი წესით.“ ამავე კანონის მე-9 მუხლის მე-3 პუნქტის თანახმად, „სამსახური ვალდებულია სუბიექტების მიერ წარდგენილი ანგარიშგებები (მათ შორის, კონსოლიდირებული ანგარიშგებები) და აუდიტორული დასკვნები, გარდა მეოთხე კატეგორიის საწარმოების ანგარიშგებებისა, გამოაქვეყნოს მათი წარდგენიდან 1 თვის ვადაში. პირს უფლება აქვს, სამსახურის მიერ დადგენილი წესით მოითხოვოს მეოთხე კატეგორიის საწარმოს ანგარიშგება. სამსახური უზრუნველყოფს სუბიექტების მიერ წარდგენილი ანგარიშგებების ამ კანონითა და მის საფუძველზე მიღებული ნორმატიული აქტებით დადგენილ მოთხოვნებთან შესაბამისობის შერჩევით გადამოწმებას რისკზე დაფუძნებული მიდგომის საფუძველზე. ამ პუნქტით გათვალისწინებულ შემთხვევაში სამსახური უფლებამოსილია სუბიექტს მოსთხოვოს გამოვლენილი ხარვეზების აღმოფხვრა.“ ასევე, ამავე კანონის 23-ე მუხლის მე-2 პუნქტის თანახმად, „ამ კანონისა და მის საფუძველზე მარეგულირებელი/საზედამხედველო ორგანოს მიერ გამოცემული სამართლებრივი აქტის მოთხოვნების დარღვევისათვის მარეგულირებელი/ საზედამხედველო ორგანოს რეგულირებისადმი/ზედამხედველობისადმი დაქვემდებარებული სუბიექტის მიმართ გამოსაყენებელ სანქციებს განსაზღვრავს შესაბამისი მარეგულირებელი/საზედამხედველო ორგანო.”

აღნიშნულიდან გამომდინარე, კომისიის აპარატის ადმინისტრაციის საფინანსო- საბიუჯეტო ჯგუფის მოხსენებითი ბარათის (07/12/2021; N21-10-2197) საფუძველზე, კომისიაში დაიწყო ადმინისტრაციული წარმოება შპს „სისტემ ნეტისათვის“ ადმინისტრაციული პასუხისმგებლობის დაკისრების თაობაზე, მის მიერ „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის თანახმად, დადგენილ ვადაში ფინანსური ანგარიშგების წარმოუდგენლობის გამო.

შპს „სისტემ ნეტის“ მიერ „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონით გათვალისწინებული ვალდებულებების შესრულების საკითხის განხილვა დაინიშნა 2021 წლის 16 დეკემბერს, 15:00 საათზე. კომპანიას გაეგზავნა შეტყობინება და განემარტა საქართველოს ზოგადი ადმინისტრაციული კოდექსის 98-ე და 99-ე მუხლებით გათვალისწინებული მტკიცებულებებისა და შუამდგომლობების წარმოდგენის, ადმინისტრაციულ წარმოებაში არსებული დოკუმენტებისა და სხვა მასალების გაცნობის უფლება. კომისიის 2021 წლის 16 დეკემბრის სხდომაზე კომისიის შეტყობინებით ასევე მოწვეულ იქნა ბუღალტრული აღრიცხვის, ანგარიშგებისა და აუდიტის ზედამხედველობის სამსახური.

კომისიის 2021 წლის 16 დეკემბრის სხდომას ესწრებოდა ბუღალტრული აღრიცხვის, ანგარიშგებისა და აუდიტის ზედამხედველობის სამსახურის წარმომადგენელი, ი. კობახიძე და შპს „სისტემ ნეტის“ წარმომადგენელი მ. კილაძე. ი. კობახიძემ დაადასტურა, რომ     შპს   „შონი   ტვ“-ის   ბუღალტრული   აღრიცხვის,   ანგარიშგებისა   და   აუდიტის ზედამხედველობის  სამსახურისათვის  კვლავ  არ  წარუდგენია  ფინანსური  ანგარიშგება „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად და დარღვევა არ არის აღმოფხვრილი. შპს „სისტემ ნეტის“ წარმომადგენელმა, მ. კილაძემ აღნიშნა, რომ დაქირავებული ჰყავთ აუდიტორული კომპანია, პროცესი რეალურად დასრულებულია, ანგარიშები მზად არის, დარჩენილია ერთი ღია საკითხი, რომლის დადასტურებასაც სახელმწიფო აუდიტორი ითხოვს მესამე მხარისგან. ეს არის ანარიცხების დარიცხვის საკითხი. მესამე მხარე არის სახელმწიფო ქონების ეროვნული სააგენტო. სამჯერ მიმართეს წერილობით სააგენტოს, რომ დაედასტურებინა ის მონაცემი, რასაც აუდიტორი ითხოვდა, თუმცა პასუხი დღემდე არ მიუღიათ. წერილები გაგზავნილი აქვთ 2021 წლის 11 ივნისს, პირველ ივლისს, 13 დეკემბერს, მას შემდეგ, რაც საკითხის განხილვის შესახებ მიიღეს შეტყობინება. შპს „სისტემ ნეტის“ ფინანსურ ანგარიშგებაში ეს მონაცემი იმდენად მნიშვნელოვანია, რომ თუ დადასტურებული არ იქნა, აუდიტი ამ მიმართულებით აძლევთ კვალიფიკაციას. ვინაიდან ეს მოცემულობაა, ფაქტია, რომ სააგენტოსგან წერილს ვერ მიიღებენ და აზრი არ აქვს ლოდინს. შესაბამისად, ანგარიში იქნება აღნიშნული კვალიფიკაციით.  მათი სურვილი იყო, რომ ეს გარემოება თავიდან აეცილებინათ და ანგარიში ყოფილიყო ისეთი, რომელიც ასახავდა რეალობას, მაგრამ ის იქნება კვალიფიკაციით და ამ სახით ატვირთავენ სამსახურის საიტზე. დარჩა ტექნიკური დეტალები, რათა ააწყონ ანგარიში და ატვირთონ, რისთვისაც დაახლოებით 2 კვირა სჭირდებათ.

II. კომისიის  მიერ შესწავლილი მტკიცებულებები;

1.   კომისიის  ადმინისტრაციის  საფინანსო-საბიუჯეტო  ჯგუფის  მოხსენებითი  ბარათი (07/12/2021; N21-10-2197) თანდართული დოკუმენტაციით.

2. ბუღალტრული  აღრიცხვის,  ანგარიშგებისა  და  აუდიტის  ზედამხედველობის სამსახურის მიერ კომისიაში გამოგზავნილი წერილი (30/11/2021; N 16/141519).

3. ბუღალტრული  აღრიცხვის,  ანგარიშგებისა  და  აუდიტის  ზედამხედველობის სამსახურის მიერ კომისიაში გამოგზავნილი წერილი (13/12/2021; N 16/146756).

4. მეწარმეთა    და   არასამეწარმეო    (არაკომერციული)    იურიდიული    პირების რეესტრიდან და კომისიის ავტორიზებულ პირთა უწყებრივი რეესტრიდან შპს „სისტემ ნეტის“ შესახებ მონაცემები.

5.  შპს „სისტემ ნეტისათვის“ გაგზავნილი შეტყობინება კომისიის სხდომაზე მოწვევის თაობაზე.

6. ბუღალტრული  აღრიცხვის,  ანგარიშგებისა  და  აუდიტის  ზედამხედველობის სამსახურისათვის გაგზავნილი შეტყობინება კომისიის სხდომაზე მოწვევის თაობაზე.

7. შპს „სისტემ ნეტის“ წარმომადგენლის ახსნა-განმარტება გაკეთებული კომისიის სხდომაზე.

8. ბუღალტრული  აღრიცხვის,  ანგარიშგებისა  და  აუდიტის  ზედამხედველობის სამსახურის წარმომადგენლის ახსნა-განმარება გაკეთებული კომისიის სხდომაზე.

III. კომისიის  მიერ დადგენილი ფაქტობრივი გარემოებები

1. შპს „სისტემ ნეტი“ (ს/კ 205267423) წარმოადგენს ელექტრონული კომუნიკაციების სფეროში ავტორიზებულ პირს.

2. ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ კომისიისთვის    მოწოდებული    ინფორმაციის    შესაბამისად,  შპს  „სისტემ  ნეტი“ მიეკუთვნება  მეორე   ზომითი   კატეგორიის   საწარმოს   („ბუღალტრული   აღრიცხვის, ანგარიშგების და აუდიტის შესახებ“ საქართველოს კანონის მე-2 მუხლის პირველი პუნქტის „ფ“ ქვეპუნქტით განსაზღვრულ მეორე კატეგორიის საწარმოს).

3. „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის მე-9 მუხლის მე-2 პუნქტის თანახმად, შპს „სისტემ ნეტი“ ვალდებულია ამ კანონით დადგენილი ფინანსური ანგარიშგება (მათ შორის, კონსოლიდირებული ანგარიშგება), მმართველობის ანგარიშგება     (მათ     შორის,     კონსოლიდირებული     ანგარიშგება), სახელმწიფოს მიმართ განხორციელებული გადახდების შესახებ ანგარიშგება და ამ კანონით           გათვალისწინებულ      შემთხვევებში  აუდიტორული  დასკვნა ერთად, დაუყოვნებლივ, მაგრამ არაუგვიანეს საანგარიშგებო პერიოდის მომდევნო წლის 1 ოქტომბრისა,   წარუდგინონ   ბუღალტრული   აღრიცხვის,   ანგარიშგების   და   აუდიტის სამსახურს მის მიერ დადგენილი წესით.

4. „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-3 მუხლის მე-8 პუნქტის შესაბამისად, „მეორე და მესამე კატეგორიების საწარმოები ბუღალტრულ აღრიცხვასა და ფინანსურ ანგარიშგებას აწარმოებენ მცირე და საშუალო საწარმოების ფინანსური ანგარიშგების საერთაშორისო სტანდარტების (IFRS for SMEs) შესაბამისად. ამასთანავე, მათ უფლება აქვთ, გამოიყენონ ფინანსური ანგარიშგების საერთაშორისო სტანდარტები (IFRS)“.

5. შპს „სისტემ ნეტის“ მიერ ბუღალტრული აღრიცხვის, ანგარიშგების და აუდიტის სამსახურისთვის არ წარმოუდგენია „ბუღალტრული აღრიცხვის, ანგარიშგების და აუდიტის შესახებ“ საქართველოს კანონით გათვალისწინებული ანგარიშგება.

IV. სამართლებრივი საფუძველი და დასაბუთება

1.  „ბუღალტრული  აღრიცხვის,  ანგარიშგების  და  აუდიტის  შესახებ“  საქართველოს კანონის მე-9 მუხლის მე-2 პუნქტის თანახმად, სუბიექტი (გარდა არასამეწარმეო (არაკომერციული) იურიდიული პირისა) ვალდებულია მისთვის ამ კანონით დადგენილი ფინანსური ანგარიშგება (მათ შორის, კონსოლიდირებული ანგარიშგება), მმართველობის ანგარიშგება (მათ შორის, კონსოლიდირებული ანგარიშგება), სახელმწიფოს მიმართ განხორციელებული გადახდების შესახებ ანგარიშგება და ამ კანონით გათვალისწინებულ შემთხვევებში აუდიტორული დასკვნა ერთად, დაუყოვნებლივ, მაგრამ არაუგვიანეს საანგარიშგებო პერიოდის მომდევნო წლის 1 ოქტომბრისა,  წარუდგინოს  სამსახურს მის მიერ დადგენილი წესით.

2. „ბუღალტრული  აღრიცხვის,  ანგარიშგების  და  აუდიტის  შესახებ“  საქართველოს კანონის მე-3 მუხლის პირველი პუნქტის შესაბამისად, ბუღალტრული აღრიცხვა და ფინანსური ანგარიშგება რეგულირდება ამ კანონითა და საქართველოს სხვა ნორმატიული აქტებით. ბუღალტრული აღრიცხვა და ფინანსური ანგარიშგება უნდა შეესაბამებოდეს ბუღალტრული აღრიცხვისა და ფინანსური ანგარიშგების საერთაშორისო სტანდარტებს.

3. „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის მე-3 მუხლის მე-8 პუნქტის „ბ“ ქვეპუნქტის შესაბამისად, მეორე და მესამე კატეგორიების საწარმოები ბუღალტრულ აღრიცხვასა და ფინანსურ ანგარიშგებას აწარმოებენ მცირე და საშუალო საწარმოების ფინანსური ანგარიშგების საერთაშორისო სტანდარტების (IFRS for SMEs) შესაბამისად. ამასთანავე, მათ უფლება აქვთ, გამოიყენონ ფინანსური ანგარიშგების საერთაშორისო სტანდარტები (IFRS).

4.  „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის 23-ე მუხლის  მე-2 პუნქტის შესაბამისად, ამ  კანონისა  და  მის საფუძველზე მარეგულირებელი/საზედამხედველო ორგანოს მიერ გამოცემული სამართლებრივი აქტის მოთხოვნების დარღვევისათვის მარეგულირებელი/საზედამხედველო ორგანოს რეგულირებისადმი/ზედამხედველობისადმი დაქვემდებარებული სუბიექტის მიმართ გამოსაყენებელ სანქციებს განსაზღვრავს შესაბამისი მარეგულირებელი/საზედამხედველო ორგანო.

5.      „ბუღალტრული  აღრიცხვის,  ანგარიშგების  და  აუდიტის  შესახებ“  საქართველოს კანონის 26- ე   მუხლის   პირველი   პუნქტის   თანახმად,   ამ   კანონის   მე-3   მუხლის   მე-8      პუნქტით    გათვალისწინებული     ბუღალტრული     აღრიცხვისა     და    ფინანსური ანგარიშგების წარმოებისა და კონსოლიდაციის წესების, მე-7 მუხლის, მე-8 მუხლის, მე-9 მუხლის  მე-2  და  მე-4  პუნქტებისა  და  მე-16  მუხლის  მე-11  პუნქტის  მოთხოვნების შეუსრულებლობა  ან/და   აუდიტორული  შემოწმების  ჩატარებისათვის  თავის  არიდება გამოიწვევს სუბიექტის დაჯარიმებას:  ა)  მეოთხე  კატეგორიის  საწარმოსი  –  500  ლარის ოდენობით;   ბ)   მესამე  კატეგორიის  საწარმოსი  –  1  000  ლარის  ოდენობით;  გ)  მეორე კატეგორიის საწარმოსი – 5 000 ლარის  ოდენობით;  დ)  პირველი  კატეგორიის  საწარმოსი და  სდპ-ისა  –  10  000  ლარის ოდენობით.   ხოლო    მეორე    პუნქტის    თანახმად,    ამ მუხლის      პირველი      პუნქტით   გათვალისწინებული    სამართალდარღვევებისათვის სამსახურმა  შესაძლებელია  ფულადი ჯარიმის  ნაცვლად  წერილობითი  გაფრთხილება გამოიყენოს.    სამსახურის    წერილობითი   გაფრთხილების    შეუსრულებლობის    ან/და პასუხისმგებლობის     დაკისრებიდან     1     თვის    ვადაში     შესაბამისი     მოთხოვნის შეუსრულებლობის    შემთხვევაში    სუბიექტს    უორმაგდება   დაკისრებული   ჯარიმის ოდენობა.

 6.  „ბუღალტრული  აღრიცხვის,  ანგარიშგების  და  აუდიტის  შესახებ“  საქართველოს კანონის   27-ე მუხლის   პირველი   პუნქტის   თანახმად,   სამართალდარღვევის   საქმის წარმოების  დაწყების  საფუძველია ამ  კანონით გათვალისწინებული სამართალდარღვევის  გამოვლენა.  ამ შემთხვევაში უფლებამოსილი  პირი აღნიშნული საქმის განხილვის   შედეგებზე    დაყრდნობით    გამოსცემს    ინდივიდუალურ ადმინისტრაციულ-სამართლებრივ  აქტს, ამავე   მუხლის   მე-3  პუნქტის  თანახმად,   ამ კანონის   23-ე   მუხლის   მე-2   პუნქტით გათვალისწინებული       სამართალდარღვევის გამოვლენისას    ინდივიდუალურ   ადმინისტრაციულ-სამართლებრივ   აქტს   გამოსცემს შესაბამისი მარეგულირებელი/საზედამხედველო ორგანო.

ყოველივე ზემოაღნიშნულიდან გამომდინარე, კომისია აღნიშნავს, რომ შპს „სისტემ ნეტის“ მიერ ბუღალტრული აღრიცხვის, ანგარიშგებისა და აუდიტის ზედამხედველობის სამსახურში „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონით გათვალისწინებული ანგარიშგების 2021 წლის პირველ ოქტომბრამდე წარუდგენლობით, დარღვეულია „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-9 მუხლის მე-2 პუნქტი, რაც „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის 26-ე მუხლის შესაბამისად სანქცირების საფუძველია. „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის 23-ე მუხლის მე-2 პუნქტის შესაბამისად, ამ  კანონისა  და  მის საფუძველზე მარეგულირებელი/საზედამხედველო ორგანოს მიერ გამოცემული სამართლებრივი აქტის მოთხოვნების  დარღვევისათვის მარეგულირებელი/საზედამხედველო ორგანოს რეგულირებისადმი/ზედამხედველობისადმი დაქვემდებარებული სუბიექტის მიმართ გამოსაყენებელ სანქციებს განსაზღვრავს შესაბამისი მარეგულირებელი/საზედამხედველო ორგანო. შესაბამისად, გამომდინარე იქიდან, რომ შპს „სისტემ ნეტის“ მიერ ბოლო ერთი წლის განმავლობაში მსგავსი/ანალოგიური დარღვევისთვის ადმინისტრაციული პასუხისმგებლობა არ დაკისრებია, კომპანიას უნდა მიეცეს წერილობითი გაფრთხილება. ამასთან, უნდა განესაზღვროს ერთთვიანი ვადა დარღვევის აღმოსაფხვრელად.

V. სარეზოლუციო ნაწილი

ყოველივე  ზემოაღნიშნულის გათვალისწინებით, საქართველოს ზოგადი ადმინისტრაციული კოდექსის 53-ე, 95-ე, 96-ე და 97-ე მუხლების, „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის მე-3 მუხლის პირველი პუნქტისა და მე-8 პუნქტის „ბ“ ქვეპუნქტის, მე-9 მუხლის მე-2 პუნქტის, 23-ე მუხლის მე-2 პუნქტის, 26-ე მუხლის პირველი და მე-2 პუნქტების შესაბამისად, კომისიამ, კენჭისყრის შედეგად, ერთხმად,

გ ა დ ა წ ყ ვ ი ტ ა:

 1.   შპს „სისტემ ნეტს“ მიეცეს წერილობითი გაფრთხილება „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის მე-9 მუხლის მე-2 პუნქტის დარღვევის გამო.

2.  უზრუნველყოს შპს „სისტემ ნეტმა“ „ბუღალტრული აღრიცხვის, ანგარიშგების და აუდიტის  შესახებ“ საქართველოს    კანონის    მე-3  მუხლის მე-8  პუნქტის „ბ“ განსაზღვრული სტანდარტების შესაბამისად 2020 წლის ანგარიშგების, ბუღალტრული აღრიცხვის, ანგარიშგებისა და აუდიტის ზედამხედველობის სამსახურში წარდგენა, ერთი თვის ვადაში.

3.   დაევალოს კომისიის აპარატის ადმინისტრაციას აღნიშნული გადაწყვეტილების შპს „სისტემ ნეტისათვის“ და ბუღალტრული აღრიცხვის, ანგარიშგებისა და აუდიტის ზედამხედველობის სამსახურისთვის გაგზავნა და კომისიის ოფიციალურ ვებგვერდზე (www.comcom.ge) გამოქვეყნება.

4.   დაევალოს  კომისიის  აპარატის  სამართლებრივ  დეპარტამენტს  (თ.  კაველიძე)  შპს „სისტემ ნეტისათვის“ ადმინისტრაციული პასუხისმგებლობის დაკისრების თაობაზე ინფორმაციის კომისიის შესაბამის უწყებრივ რეესტრში შეტანის უზრუნველყოფა.

5.   გადაწყვეტილება ძალაში შედის გადაწყვეტილების დამოწმებული ასლის შპს „სისტემ ნეტისათვის“ ჩაბარების დღიდან.

6. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, №64) შპს „სისტემ ნეტისათვის“ გადაწყვეტილების დამოწმებული ასლის ჩაბარების დღიდან ერთი თვის ვადაში.