საქართველოს კომუნიკაციების ეროვნული კომისიის 2021 წლის 27 მაისის №გ-21-23/295 გადაწყვეტილებაში ტექნიკური შეცდომის გასწორების შესახებ

                        საქართველოს კომუნიკაციების ეროვნული კომისიის 2021 წლის 27 მაისის                        №გ-21-23/295 გადაწყვეტილებაში ტექნიკური შეცდომის გასწორების შესახებ

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიის    მიერ 2021 წლის 27  მაისს    მიღებულ    იქნა    გადაწყვეტილება №გ-21-23/295 „ააიპ„თავისუფალი მედია სივრცესთვის“ გურიის რეგიონში ციფრული მიწისზედა სატელევიზიო ქსელის უზრუნველსაყოფად რადიოსიხშირული სპექტრით სარგებლობის ლიცენზიის გაცემის შესახებ კომისიის  2017  წლის  17  იანვრის  N28/1  გადაწყვეტილებაში  ცვლილებების  შეტანისა  და ააიპ„თავისუფალი მედია სივრცის“ კუთვნილი რადიოსიხშირული სპექტრით სარგებლობის №MUX G ლიცენზიის მოდიფიცირების თაობაზე საჯარო ადმინისტრაციული წარმოების დაწყების შესახებ. კომისიის 2021 წლის 27 მაისის №გ-21-23/295 გადაწყვეტილებაში დაშვებულ იქნა ტექნიკური

შეცდომა,     კერძოდ,   გადაწყვეტილების   პირველ   პუნქტში   „ააიპ   „სამცხე-ჯავახეთის   მედიის ხელშეწყობის ფონდის“ და  „25 იანვრის N21/1“-ის ნაცვლად უნდა ეწეროს „ააიპ „თავისუფალი მედია სივრცესთვის“ და „17 იანვრის N28/1“.

საქართველოს ზოგადი ადმინისტრაციული კოდექსის 59-ე მუხლის შესაბამისად, ადმინისტრაციული ორგანო უფლებამოსილია მის მიერ გამოცემულ ინდივიდუალურ ადმინისტრაციულ-სამართლებრივ აქტში გაასწოროს ტექნიკური, აგრეთვე გამოთვლის დროს დაშვებული შეცდომები. ინდივიდუალურ     ადმინისტრაციულ-სამართლებრივ აქტში   არსებითი შესწორების შეტანა ნიშნავს ახალი ადმინისტრაციულ-სამართლებრივი აქტის გამოცემას. შეცდომების გასწორება უნდა გამოქვეყნდეს ან გადაეცეს ოფიციალური გაცნობისთვის იმავე წესით, რომელიც დადგენილია ინდივიდუალური ადმინისტრაციული-სამართლებრივი აქტის გამოქვეყნებისათვის ან გაცნობისათვის.

ზემოაღნიშნულიდან გამომდინარე, საქართველოს ზოგადი ადმინისტრაციული კოდექსის 59-ე მუხლის შესაბამისად კომისიამ, კენჭისყრის შედეგად, ერთხმად

გადაწყვიტა:

1. გასწორდეს კომისიის 2021 წლის 27 მაისის №გ-21-23/295 გადაწყვეტილებაში დაშვებული ტექნიკური შეცდომა და გადაწყვეტილების პირველი პუნქტი ჩამოყალიბდეს შემდეგი რედაქციით:

„1. დაიწყოს საჯარო ადმინისტრაციული წარმოება „ააიპ „თავისუფალი მედია სივრცესთვის“ გურიის რეგიონში ციფრული მიწისზედა სატელევიზიო ქსელის უზრუნველსაყოფად რადიოსიხშირული სპექტრით  სარგებლობის  ლიცენზიის  გაცემის  შესახებ  კომისიის  2017  წლის  17  იანვრის  N28/1 გადაწყვეტილებაში  ცვლილებების  შეტანისა  და  ააიპ  „თავისუფალი  მედია  სივრცის“  კუთვნილი რადიოსიხშირული სპექტრით სარგებლობის №MUX G ლიცენზიის მოდიფიცირების თაობაზე;“