კონტაქტი

საქართველოს კომუნიკაციების ეროვნულმა კომისიამ (შემდგომში“კომუნიკაციების კომისია”) განიხილა კომისიის 2022 წლის 28 აპრილის N18 სხდომაზე წარმოდგენილი დღის წესრიგის პროექტი და საქართველოს ზოგადი ადმინისტრაციული კოდექსის 177-ე მუხლის მე-4 ნაწილის,„საქართველოს კომუნიკაციების ეროვნული კომისიის საქმიანობის მარეგულირებელი წესების“ 121 მუხლის მე-2 პუნქტის შესაბამისად, კენჭისყრის შედეგად, ერთხმად

გადაწყვიტა:

1. გადატანილ იქნეს კომუნიკაციების კომისიის 2022 წლის 28 აპრილის N18 სხდომის დღის წესრიგის პროექტის მე-2 საკითხი (საქართველოს თავდაცვის სამინისტროსთვის რადიოსიხშირული ზოლების მინიჭების შესახებ) 2022 წლის 05 მაისის სხდომის დღის წესრიგის პროექტში, სახელმწიფო საიდუმლოებაზე დაშვების მქონე კომისიის წევრთა კვორუმის არარსებობის გამო;

2. კომუნიკაციების კომისიის 2022 წლის 28 აპრილის N18 სხდომის დღის წესრიგი დამტკიცდეს წარმოდგენილი სახით (თან ერთვის);

3. გადაწყვეტილება ცალკე გასაჩივრებას არ ექვემდებარება;

4. კონტროლი აღნიშნული გადაწყვეტილების შესრულებაზე დაევალოს კომისიის ადმინისტრაციას (ო.ვოტ).

ნათია კუკულაძე თავმჯდომარე - მ.შ.

ეკატერინე იმედაძე წევრი

ივანე მახარაძე წევრი

საქართველოს კომუნიკაციების ეროვნული კომისიის №18 სხდომის დღის წესრიგი

ქ. თბილისი 2022 წლის 28 აპრილი, 15:00 საათი

1. საქართველოს კომუნიკაციების ეროვნული კომისიის 2022 წლის N18 სხდომის დღის წესრიგის დამტკიცების შესახებ (მომხს. ნათია შოვნაძე - ადმინისტრაცია);

2. შპს „კავკასუს ონლაინის“ სპეციალური მმართველის მიერ წარმოდგენილი ანგარიშის ნაწილობრივ კომერციულ საიდუმლოებად ცნობის შესახებ (მომხს.მარიამ ლუკაშვილი - სატელეკომუნიკაციო ბაზრის რეგულირების დეპარტამენტი).

თანდართული დოკუმენტები:

გადაწყვეტილება_გ-22-17-194,_დანართი.pdf

გადაწყვეტილება_გ-22-17-194,_28.04_.22_.pdf