საქართველოს კომუნიკაციების ეროვნული კომისიის 2021 წლის 23 დეკემბრის № გ-21-19/688 გადაწყვეტილებაში ტექნიკური შეცდომის გასწორების შესახებ

საქართველოს კომუნიკაციების ეროვნული კომისიის 2021 წლის 23 დეკემბრის № გ-21-19/688 გადაწყვეტილებაში ტექნიკური შეცდომის გასწორების შესახებ

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიის მიერ 2021 წლის 23 დეკემბერს მიღებულ  იქნა  გადაწყვეტილება № გ-21-19/688, შპს „მაგთიკომის“ 2019 წლის 14 ნოემბრის № გ-19-13/643 გადაწყვეტილებაში ცვლილების შეტანის თაობაზე.

კომისიის 2021 წლის 23 დეკემბრის № გ-21-19/688 გადაწყვეტილებაში დაშვებულ იქნა ტექნიკური შეცდომა, კერძოდ, გადაწყვეტილების სამოტივაციო ნაწილის მე-6 აბზაცსა და სარეზოლუციო ნაწილის მე-2 და მე-3 პუნქტებში რადიოსიხშირული   რესურსით  სარგებლობის საფასურში -14,312.24 ლარის ნაცვლად უნდა ეწეროს 14,311.53 ლარი.

საქართველოს ზოგადი ადმინისტრაციული კოდექსის 59-ე მუხლის შესაბამისად, ადმინისტრაციული ორგანო უფლებამოსილია მის მიერ გამოცემულ ინდივიდუალურ ადმინისტრაციულ-სამართლებრივ აქტში გაასწოროს ტექნიკური, აგრეთვე გამოთვლის დროს დაშვებული შეცდომები. ინდივიდუალურ ადმინისტრაციულ-სამართლებრივ აქტში არსებითი შესწორების შეტანა ნიშნავს ახალი ადმინისტრაციულ-სამართლებრივი აქტის გამოცემას. შეცდომების გასწორება უნდა გამოქვეყნდეს ან გადაეცეს ოფიციალური გაცნობისთვის იმავე წესით, რომელიც დადგენილია ინდივიდუალური ადმინისტრაციული-სამართლებრივი აქტის გამოქვეყნებისათვის ან გაცნობისათვის.

ზემოაღნიშნულიდან გამომდინარე, საქართველოს ზოგადი ადმინისტრაციული კოდექსის 59-ე მუხლის შესაბამისად კომისიამ, კენჭისყრის შედეგად, ერთხმად

გადაწყვიტა:

1. გასწორდეს კომისიის 2021 წლის 23 დეკემბრის № გ-21-19/688 გადაწყვეტილებაში დაშვებული ტექნიკური შეცდომა, კერძოდ გადაწყვეტილების სამოტივაციო ნაწილის მე-6 აბზაცში და სარეზოლუციო ნაწილის მე-2 და მე-3 პუნქტებში რადიოსიხშირული რესურსით სარგებლობის საფასური - 14,312.24 (თოთხმეტი ათას სამასთორმეტი ლარი და 24 თეთრი) ლარის ნაცვლად ჩაიწეროს 14,311.53 (თოთხმეტი ათას სამას თერთმეტი ლარი და 53 თეთრი) ლარი“;

2. გადაწყვეტილება ძალაში შევიდეს მიღებისთანავე;

3.  დაევალოს  კომისიის  აპარატის ადმინისტრაციის საბუღალტრო ჯგუფს  (ნ.  დევდარიანი) საფასურის აღრიცხვა შესაბამის საბუღალტრო პროგრამაში;