საქართველოს კომუნიკაციების ეროვნული კომისიის 2021 წლის 27 მაისის № გ-21-7/309 გადაწყვეტილების ძალადაკარგულად გამოცხადების შესახებ

საქართველოს კომუნიკაციების ეროვნული კომისიის 2021 წლის 27 მაისის № გ-21-7/309 გადაწყვეტილების ძალადაკარგულად გამოცხადების შესახებ

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ უცხოური საწარმოს ფილიალმა „სამხრეთ კავკასიის მილსადენის კომპანია ლიმიტედი საქართველომ“ (რეგისტრირებული ვაკე-საბურთალოს სასამართლოს მიერ 2003 წლის 25 აგვისტოს, რეგ. № 5ა/8-149; ს.კ. № 205011609) კომისიას მიმართა განცხადებით (კომისიაში რეგისტრაციის № შ-22-7/1891, 13.05.22) და მოითხოვა საქართველოს კომუნიკაციების ეროვნული კომისიის 2021 წლის 27 მაისის № გ-21-7/309 გადაწყვეტილებით მინიჭებული სიხშირეების - 408.500 მჰც და 415.300 მჰც (თითოეული ზოლის სიგანით 25 კჰც) ახალციხის, წალკისა და გარდაბნის მუნიციპალიტეტებში, № F 2551 რადიოსიხშირული სპექტრით სარგებლობის უფლების გაუქმება.

კომისია აღნიშნავს, რომ უცხოური საწარმოს ფილიალმა „სამხრეთ კავკასიის მილსადენის კომპანია ლიმიტედი საქართველო“ ფლობს რადიოსიხშირული სპექტრით სარგებლობის უფლებას № F 2551  შემდეგი პირობებით: სიხშირეები - 408.500  მჰც  და 415.300  მჰც  (თითოეული  ზოლის სიგანით 25 კჰც) ახალციხის, წალკისა და გარდაბნის მუნიციპალიტეტებში, ერთი წლის ვადით - 2021 წლის 27 მაისიდან 2022 წლის 27 მაისამდე, ოპერატიული რადიოკავშირისთვის, არაავტორიზებადი საქმიანობისთვის, დამხმარე ტექნოლოგიური დანიშნულებით, 2021 წლის 27 მაისის № გ-21-7/309 გადაწყვეტილებით.

„ელექტრონული კომუნიკაციების  შესახებ“ საქართველოს კანონის 54-ე მუხლის პირველი პუნქტის ა) ქვეპუნქტის და „საქართველოს კომუნიკაციების ეროვნული კომისიის საქმიანობის მარეგულირებელი წესების“ 29-ე მუხლის მე-16 პუნქტის ა) ქვეპუნქტის შესაბამისად რადიოსიხშირული რესურსით სარგებლობის უფლების გაუქმების საფუძველია რადიოსიხშირული რესურსით სარგებლობის უფლების მქონე პირის მოთხოვნა.

ზემოაღნიშნულიდან გამომდინარე, საქართველოს ზოგადი ადმინისტრაციული კოდექსის 61-ე მუხლის პირველი ნაწილის, „ელექტრონული კომუნიკაციების შესახებ“ საქართველოს კანონის 54-ე მუხლის პირველი პუნქტის ა) ქვეპუნქტისა   და „საქართველოს კომუნიკაციების ეროვნული კომისიის საქმიანობის მარეგულირებელი წესების“ 29-ე მუხლის მე-16 პუნქტის ა) ქვეპუნქტის თანახმად, კომისიამ, კენჭისყრის შედეგად ერთხმად

გადაწყვიტა:

1.გაუქმდეს რადიოსიხშირული სპექტრით სარგებლობის № F2551 უფლება და ძალადაკარგულად გამოცხადდეს უცხოური საწარმოს ფილიალმა „სამხრეთ კავკასიის მილსადენის კომპანია ლიმიტედი საქართველოსთვის“ რადიოსიხშირული სპექტრით სარგებლობის უფლების მინიჭების შესახებ  კომისიის 2021 წლის 27 მაისის № გ-21-7/309  გადაწყვეტილება;

2.დაევალოს კომისიის აპარატის ადმინისტრაციას გადაწყვეტილების „სამხრეთ კავკასიის მილსადენის კომპანია ლიმიტედი საქართველოსთვის“ გაგზავნა და კომისიის ოფიციალურ ვებ გვერდზე (www.comcom.ge) გამოქვეყნება;