შპს „სეზონი ტვ“-ის მაუწყებლობის ავტორიზაციის მოდიფიცირებისა და კომისიის 2021 წლის 22 აპრილის №გ-21-1/242 გადაწყვეტილებაში ცვლილების შეტანის შესახებ

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიას განცხადებით  მიმართა  შპს „სეზონი  ტვ“-იმ (კომისიაში რეგისტრაციის №შ-22-7/2196, 02/06/2022) მაუწყებლობის ავტორიზაციის (BR-5114, 22/04/2021) მოდიფიცირების შესახებ. კერძოდ, შპს „სეზონი ტვ“-ის სურს გავრცელდეს შპს „ტელე-რადიო კომპანია თრიალეთის“ გორის მულტიპლექსპლატფორმის და შპს „ტელეკომპანია ეგრისის“ სენაკის მულტიპლექსპლატფორმის საშუალებით.   ხელმისაწვდომობა   ორივე მულტიპლექსპლატფორმით   გავრცელებისას   იქნება უფასო.  კომპანიის  მიერ  წარმოდეგნილია შპს  „ტელე-რადიო  კომპანია  თრიალეთის“ და  შპს „ტელეკომპანია ეგრისის“ წერილები შპს „სეზონი ტვ“-ის სატელევიზიო კონტენტის გავრცელების მზაობის შესახებ.

კომისია აღნიშნავს, რომ შპს „სეზონი ტვ“ კომისიის 2021 წლის 22 აპრილის №გ-21-1/242 გადაწყვეტილებით ფლობს მაუწყებლობის სფეროში ავტორიზაციას (BR-5114, 22/04/2021), შემდეგი საავტორიზაციო პირობებით:

ა) მაუწყებლობის სახე: ტელემაუწყებლობა;

ბ) მაუწყებლობის სახეობა: კერძო მაუწყებლობა;

გ) მაუწყებლობის ქვესახეობა: საერთო ტელემაუწყებლობა; დ) მაუწყებლობის ენა/ენები: ქართული;

ე) მაუწყებლობის მინიმალური ხანგრძლივობა დღე-ღამის განმავლობაში: 6 საათი;

ვ)   მაუწყებლობის   გავრცელების   ტექნოლოგია  და  აღნიშნულის შესაბამისად  მაუწყებლობის გავრცელების გეოგრაფიული არეალი:

ვ.ა) მაუწყებლობის გავრცელების სხვა ტექნოლოგიები (საქართველო);

ზ) მაუწყებლობის ხელმისაწვდომობა:

ზ.ა) მაუწყებლობის გავრცელების სხვა ტექნოლოგიები - უფასო;

თ) მაუწყებლობის დაწყების ვადა: ავტორიზაციის გავლიდან 40 სამუშაო დღე;

კომისის აღნიშნავს, რომ მაუწყებლობის შესახებ საქართველოს კანონის 451  მუხლის მე-2 პუნქტის ე) ქვეპუნქტის შესაბამისად საეთერო ტელემაუწყებლობის შემთხვევაში დღე-ღამის განმავლობაში მაუწყებლობის მინიმალური ხანგრძლივობა 12 საათი უნდა იყოს.

კომისია ასევე აღნიშნავს, რომ ”მაუწყებლობის შესახებ” საქართველოს კანონის 38-ე მუხლის მე-10  პუნქტის   შესაბამისად   ავტორიზაცია,   ავტორიზაციის   პირობების   მოდიფიცირება   და მაუწყებლის ინიციატივით ავტორიზაციის შეჩერება ან გაუქმება ხორციელდება მარტივი ადმინისტრაციული წარმოების წესით.

კომისია 2022 წლის 9 ივნისის სხდომაზე არ გამოვლენილა მოდიფიცირების დამაბრკოლებელი გარემოება, შესაბამისად ზემოაღნიშნულის გათვალისწინებით, კომისიას მიაჩნია, რომ უნდა განხორციელდეს შპს „სეზონი ტვ“-ის მაუწყებლობის ავტორიზაციის BR-5114, 22/04/2021) მოდიფიცირება, კერძოდ მაუწყებლობის  გავრცელების  ტექნოლოგიას უნდა დაემატოს ციფრული  მიწისზედა  სატელევიზიო  ქსელი  (შპს  „ტელე-რადიო  კომპანია  თრიალეთის“ გორის მულტიპლექსი და შპს „ტელეკომპანია ეგრისის“ სენაკის მულტიპლექსი) და მაუწყებლობის მინიმალურ ხანგრძლივობად უნდა განისაზღვროს 12 საათი.

ყოველივე ზემოაღნიშნულის გათვალისწინებით, კომისიამ, „მაუწყებლობის შესახებ“ საქართველოს კანონის 38-ე მუხლის მე-10 პუნქტის შესაბამისად, კენჭისყრის შედეგად, ერთხმად

გადაწყვიტა:

1.  მოდიფიცირდეს  შპს  „სეზონი  ტვ“-ის  (ს/კ  417897253)  მაუწყებლობის  ავტორიზაცია  (BR-5114, 22/04/2021), შევიდეს ცვლილება კომისიის 2021 წლის 22 აპრილის №გ-21-1/242 გადაწყვეტილებაში და:

ა) გადაწყვეტილების პირველი პუნქტის ე) ქვეპუნქტი ჩამოყალიბდეს შემდეგი რედაქციით:

„ე) მაუწყებლობის მინიმალური ხანგრძლივობა დღე-ღამის განმავლობაში: 12 საათი;“

ბ) გადაწყვეტილების პირველი პუნქტის ვ) ქვეპუნქტს დაემატოს ვ.ბ) ქვეპუნქტი:

„ვ.ბ) ციფრული მიწისზედა სატელევიზიო ქსელი (შპს „ტელე-რადიო კომპანია თრიალეთის“ გორის მულტიპლექსი და შპს „ტელეკომპანია ეგრისის“ სენაკის მულტიპლექსი);“

გ) გადაწყვეტილების პირველი პუნქტის ზ) ქვეპუნქტს დაემატოს ზ.ბ) ქვეპუნქტი:

„ზ.ბ) ციფრული მიწისზედა სატელევიზიო ქსელი - ღია (უფასო);“ 

დ) გადაწყვეტილების პირველი პუნქტის თ) ქვეპუნქტი ჩამოყალიბდეს შემდეგი რედაქციით: 

„თ) მაუწყებლობის დაწყების ვადა: მაუწყებლობის გავრცელების სხვა ტექნოლოგიებით ვტორიზაციის გავლიდან 40 სამუშაო დღე, ხოლო ციფრული მიწისზედა სატელევიზიო ქსელით 2022 წლის პირველ ივლისამდე;“

2. შპს „სეზონი ტვ“ ვალდებულია:

ა) დაიცვას მაუწყებლობის სფეროში მოქმედი კანონმდებლობა, მათ შორის, კომისიის დადგენილებები და გადაწყვეტილებები; მაუწყებლობის სფეროში მოქმედ კანონმდებლობაში ცვლილებების შეტანის შემთხვევაში უზრუნველყოს ავტორიზებული საქმიანობის მათთან შესაბამისობა;

ბ) დაიცვას ავტორიზაციის ყველა პირობა, რომლებიც მის საავტორიზაციო განცხადებაშია ასახული; გ) თავის საქმიანობაში დაიცვას პირთა უფლებები, თავისუფლებები და კანონიერი ინტერესები, წინასწარ აცნობოს მომხმარებელს მომსახურების პირობების შესაძლო ცვლილების შესახებ;

დ) ყოველკვირეულად გამოაქვეყნოს და კომისიას მიაწოდოს მომდევნო კვირის პროგრამების განრიგი, პროგრამების დასახელებისა და მოკლე ანოტაციის მითითებით;

ე) გამოყენებული ტექნიკური საშუალებები და განხორციელებული მომსახურების ხარისხი შეუსაბამოს საქართველოს ტერიტორიაზე მოქმედ ნორმატივებსა და სტანდარტებს, იქონიოს შესაბამისობის სერტიფიკატი; დაიცვას გამოყენებული ტექნიკური საშუალებების ექსპლუატაციის წესი;

ვ) კომისიას წარუდგინოს მაუწყებლობის პროცესში ტელეპროგრამების გავრცელების უფლებამოსილების დამადასტურებელი დოკუმენტაცია; უზრუნველყოს ავტორიზაციით განსაზღვრული საქმიანობის დაწყებამდე 10 დღით ადრე კომისიისთვის მის მიერ მაუწყებლობის პროცესში ტელეპროგრამების გავრცელების  უფლებამოსილების დამადასტურებელი დოკუმენტაციის წარდგენა;