შპს „რეტნ ჯი“-სთვის ადმინისტრაციული პასუხისმგებლობის დაკისრების შესახებ

შპს „რეტნ ჯი“-სთვის ადმინისტრაციული პასუხისმგებლობის დაკისრების შესახებ

ავტორიზებული პირი: შპს „რეტნ ჯი“.

სამართალდარღვევა: „ელექტრონული კომუნიკაციების   შესახებ“   საქართველოს   კანონის   მე-19 მუხლის მე-2 პუნქტის „ბ“ ქვეპუნქტისა და 21 პუნქტის „ე“ ქვეპუნქტის დარღვევა.

წარმოების დაწყების საფუძველი: საქართველოს სახელმწიფო უსაფრთხოების სამსახურის საჯარო სამართლის იურიდიული პირის - საქართველოს ოპერატიულ-ტექნიკური სააგენტოს წერილის (SSG 9 24 00172448; 02.08.2024).

კომისიის სხდომის თარიღი: 2024 წლის 15 აგვისტო.

I. აღწერილობითი ნაწილი

1.საქართველოს  სახელმწიფო  უსაფრთხოების  სამსახურის  საჯარო  სამართლის  იურიდიული პირის - საქართველოს  ოპერატიულ-ტექნიკური  სააგენტოს  წერილის   (SSG  9  24  00172448; 02.08.2024) საფუძველზე, „საქართველოს კომუნიკაციების ეროვნული კომისიის საქმიანობის მარეგულირებელი წესების“   36-ე   მუხლის   მე-14   პუნქტის   შესაბამისად,   საქართველოს კომუნიკაციების ეროვნულ      კომისიაში      (შემდგომში „კომისია“)      დაიწყო      მარტივი ადმინისტრაციული წარმოება შპს „რეტნ ჯი“-სთვის ადმინისტრაციული პასუხისმგებლობის დაკისრების საკითხის   განხილვის   თაობაზე,   მის   მიერ   „ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის „ბ“ ქვეპუნქტისა და 21 პუნქტის „ე“ ქვეპუნქტის დარღვევის გამო.

2.საქართველოს     სახელმწიფო  უსაფრთხოების  სამსახურის  საჯარო  სამართლის  იურიდიული პირის - საქართველოს  ოპერატიულ-ტექნიკური  სააგენტოს  წერილის   (SSG  9  24  00172448; 02.08.2024) მიხედვით, „ელექტრონული კომუნიკაციების შესახებ“ საქართველოს კანონის მე-19 მუხლის 21 პუნქტის „ე“ ქვეპუნქტის შესაბამისად, ელექტრონული კომუნიკაციების კომპანიას ეკისრება ვალდებულება ავტორიზაციით განსაზღვრული საქმიანობის დაწყებამდე  14 დღით ადრე უზრუნველყოს   ელექტრონული   კომუნიკაციისა   და   მისი   მაიდენტიფიცირებელი მონაცემების რეალურ      დროში      მოპოვების      და      ელექტრონული      კომუნიკაციის მაიდენტიფიცირებელ მონაცემთა    ბაზების    კოპირების    ტექნიკური    შესაძლებლობების საქართველოს კანონმდებლობით დადგენილ მოთხოვნებთან შესაბამისობა. აღნიშნული მოთხოვნები, „ელექტრონული კომუნიკაციების შესახებ საქართველოს კანონის“ 81 მუხლის მე-3 პუნქტის და 83 მუხლის მე-2 პუნქტების შესაბამისად განისაზღვრება სსიპ საქართველოს ოპერატიულ-ტექნიკური სააგენტოს ნორმატიული აქტებით, რომლებიც „სახელმწიფო საიდუმლოების შესახებ“ საქართველოს კანონის მე-6 მუხლის „დ“ ქვეპუნქტის საფუძველზე, განეკუთვნება სახელმწიფო საიდუმლოებას და არ არის საჯაროდ ხელმისაწვდომი. ამგვარად, კანონმდებლობით დადგენილ მოთხოვნებთან შესაბამისობის დადგენის მიზნით, ელექტრონული კომუნიკაციების კომპანიამ უნდა მომართოს სააგენტოს, „ელექტრონული კომუნიკაციების შესახებ“ საქართველოს კანონის მე-19 მუხლის 21 პუნქტის „ა.დ.“ ქვეპუნქტის შესაბამისად, მოიპოვეს სახელმწიფო საიდუმლოებაზე დაშვება და უზრუნველყოს მისი ინფრასტრუქტურის კანონმდებლობით განსაზღვრულ მოთხოვნებთან შესაბამისობაში მოყვანა.

3.    საქართველოს  სახელმწიფო  უსაფრთხოების  სამსახურის  სსიპ  -  საქართველოს  ოპერატიულ- ტექნიკური სააგენტოს ზემოაღნიშნული წერილის მიხედვით, შპს „რეტნ ჯი“-ს არ მოუმართავს სააგენტოსთვის ელექტრონული კომუნიკაციისა და მისი მაიდენტიფიცირებელი მონაცემების რეალურ დროში მოპოვების და ელექტრონული კომუნიკაციის მაიდენტიფიცირებელ მონაცემთა ბაზების კოპირების ტექნიკური შესაძლებლობების სააგენტოს ნორმატიული აქტებით განსაზღვრულ მოთხოვნებთან შესაბამობის განსაზღვრის მიზნით.

4.    საქართველოს  სახელმწიფო  უსაფრთხოების  სამსახურის  სსიპ  -  საქართველოს  ოპერატიულ- ტექნიკური სააგენტოს წერილის მიხედვით, სააგენტომ მომართა კომისიას, რამდენად ახორციელებს შპს „რეტნ ჯი“ ავტორიზაციით განსაზღვრულ საქმიანობას, ხოლო დადებითი პასუხის შემთხვევაში, კომისიამ უზრუნველყოს „ელექტრონული კომუნიკაციების შესახებ“ საქართველოს კანონით განსაზღვრული ზომების მიღება კომპანიის მიერ კანონმდებლობით გათვალისწინებული ვალდებულებების აღსრულების უზრუნველსაყოფად.

5.    შპს „რეტნ ჯი“-სთვის ადმინისტრაციული პასუხისმგებლობის დაკისრების თაობაზე საკითხის განხილვა დაინიშნა 2024 წლის 15 აგვისტოს, 15:00 საათზე, რის შესახებაც, კომპანიას ეცნობა წერილობითი შეტყობინებით (N გ-24-03/1710; 09/08/2024), რომელიც გაეგზავნა მის მიერ კომისიაში წარმოდგენილ და კომისიის უწყებრივ რეესტრში მითითებულ მისამართზე. შეტყობინება, ასევე, საჯაროდ გამოქვეყნდა კომისიის ოფიციალურ ვებგვერდზე (https://www.comcom.ge/ge/shetyobinebebi/shetyobineba-shps-retn-dji-s2.page). კომისიის სხდომის თაობაზე წერილობითი შეტყობინებით (N გ-24-03/1711; 09/08/2024), რომელიც საჯაროდ გამოქვეყნდა კომისიის ოფიციალურ ვებგვერდზე - https://www.comcom.ge/ge/shetyobinebebi/shetyobineba-saxelmwifo-usafrtxoebis-samsaxuris-sadjaro- samartlis-iuridiul-pirs-saqartvelos-operatiul-teqnikur-saagentos.page) ეცნობა და ასევე მოწვეულ იქნა საქართველოს სახელმწიფო უსაფრთხოების სამსახურის სსიპ - საქართველოს ოპერატიულ- ტექნიკური სააგენტო. ამავე შეტყობინებით, სააგენტოს განემარტა საქართველოს ზოგადი ადმინისტრაციული კოდექსის 98-ე და 99-ე მუხლებით გათვალისწინებული მტკიცებულებებისა და შუამდგომლობების წარმოდგენის, ადმინისტრაციულ წარმოებაში არსებული დოკუმენტებისა და სხვა მასალების გაცნობის უფლება.

6.    საქართველოს  სახელმწიფო  უსაფრთხოების  სამსახურის  სსიპ  -  საქართველოს  ოპერატიულ- ტექნიკური სააგენტოს 2024 წლის 14 აგვიტოს (SSG 5 24 00181381) კომისიაში წარმოდგენილი წერილის მიხედვით, სააგენტო 2024 წლის 15 აგვისტოს დაგეგმილ კომისიის სხდომასა და ადმინისტრაციულ წარმოებაში მონაწილეობასთან დაკავშირებით უთითებს, რომ კომისიამ საკითხი განიხილოს მათი მონაწილეობის გარეშე.

7.    კომისიის 2024 წლის 15 აგვისტოს სხდომას ესწრებოდა შპს „რეტნ ჯი“-ის წარმომადგენელი  ნ. ხავთასი, რომელმაც აღნიშნა, რომ სავარაუდოდ, როდესაც გაიხსნა ეს კომპანია, მათთვის არ იყო ცნობილი ამ ვალდებულების შესახებ. ეს არ ყოფილა მიზანმიმართულად გაკეთებული, შესაბამისად, მზად არიან, რაც შეიძლება მალე, თავიანთი საქმიანობა მოიყვანონ კანონმდებლობასთან შესაბამისობაში.

II. მარეგულირებელი კანონმდებლობა

8.    „ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის „ბ“ ქვეპუნქტის შესაბამისად, ავტორიზებული პირი ვალდებულია შეასრულოს ელექტრონული კომუნიკაციების სფეროში საქართველოს კანონმდებლობა, მათ შორის, საქართველოს მთავრობის დადგენილებები, აგრეთვე კომისიის დადგენილებები და გადაწყვეტილებები.

9.    „ელექტრონული   კომუნიკაციების  შესახებ“   საქართველოს   კანონის   მე-2   მუხლის   „ჰ60“ ქვეპუნქტის მიხედვით, ელექტრონული კომუნიკაციის კომპანია არის ავტორიზებული პირი, რომლის საქმიანობის     ან/და     მომსახურების სახეა  სატელეფონო ქსელებით ან/და ინტერნეტქსელებით უზრუნველყოფა ან/და მომსახურება.

10.  „ელექტრონული კომუნიკაციების შესახებ“ საქართველოს კანონის 81  მუხლის მე-3 პუნქტის მიხედვით, კომუნიკაციის რეალურ დროში მოპოვების სტაციონარული ტექნიკური შესაძლებლობის არქიტექტურა და ინტერფეისები განისაზღვრება უფლებამოსილი ორგანოს ნორმატიული აქტებით.

11.  „ელექტრონული კომუნიკაციების შესახებ“ საქართველოს კანონის 83 მუხლის პირველი პუნქტის მიხედვით, უფლებამოსილ ორგანოს უფლება აქვს, განახორციელოს ელექტრონული კომუნიკაციის მაიდენტიფიცირებელ მონაცემთა ბაზების კოპირება და შეინახოს ისინი ელექტრონული კომუნიკაციის მაიდენტიფიცირებელ მონაცემთა ცენტრალურ ბანკში „საჯარო სამართლის იურიდიული პირის – საქართველოს ოპერატიულ-ტექნიკური სააგენტოს შესახებ“ საქართველოს კანონის მე-15 მუხლის პირველი პუნქტით დადგენილი ვადით. ამ მუხლის პირველი პუნქტით გათვალისწინებული ელექტრონული კომუნიკაციის მაიდენტიფიცირებელ მონაცემთა ბაზების კოპირების განსახორციელებლად უფლებამოსილ ორგანოს უფლება აქვს, ჰქონდეს წვდომა ელექტრონული კომუნიკაციის კომპანიის შესაბამის მონაცემთა ბაზებზე. ელექტრონული კომუნიკაციის მაიდენტიფიცირებელ მონაცემთა ბაზების კოპირების ტექნიკური წესი და პროცედურა განისაზღვრება უფლებამოსილი ორგანოს ნორმატიული აქტით.

12.  „ელექტრონული კომუნიკაციების შესახებ“ საქართველოს კანონის მე-19 მუხლის 21 პუნქტის „ე“ ქვეპუნქტის მიხედვით, ელექტრონული კომუნიკაციის კომპანია ვალდებულია ავტორიზაციით განსაზღვრული საქმიანობის დაწყებამდე 14 დღით ადრე უზრუნველყოს ელექტრონული კომუნიკაციისა და მისი მაიდენტიფიცირებელი მონაცემების რეალურ დროში მოპოვების, ელექტრონული კომუნიკაციის მაიდენტიფიცირებელ მონაცემთა ბაზების კოპირების ტექნიკური შესაძლებლობების, ელექტრონული კომუნიკაციის კომპანიის საინფორმაციო- ტექნოლოგიური და სატელეკომუნიკაციო ინფრასტრუქტურის ტექნიკური მახასიათებლების საქართველოს კანონმდებლობით დადგენილ მოთხოვნებთან შესაბამისობა და ამ ინფორმაციის კომისიისთვის მიწოდება, ხოლო მობილური საკომუნიკაციო ქსელებითა და საშუალებებით უზრუნველყოფაზე ან/და მომსახურებაზე ავტორიზებულმა პირმა აგრეთვე უნდა უზრუნველყოს გეოლოკაციის რეალურ დროში განსაზღვრისა და მობილური საკომუნიკაციო აღჭურვილობის აქტივაციის ფაქტის დაფიქსირების ტექნიკური შესაძლებლობისა და მისი ფუნქციონირების   შეზღუდვის   (ბლოკირების)   ტექნიკური   შესაძლებლობის   საქართველოს კანონმდებლობით დადგენილ მოთხოვნებთან შესაბამისობა და ამ ინფორმაციის კომისიისთვის მიწოდება.

13.  „ელექტრონული კომუნიკაციების შესახებ“ საქართველოს კანონის მე-19 მუხლის 21  პუნქტის „ა.დ“ ქვეპუნქტის მიხედვით, ელექტრონული კომუნიკაციის კომპანია ვალდებულია უფლებამოსილი ორგანოს მიერ კომუნიკაციის რეალურ დროში მოპოვების სტაციონარული ტექნიკური შესაძლებლობის და ელექტრონული კომუნიკაციის მაიდენტიფიცირებელ მონაცემთა ბაზების კოპირების უზრუნველსაყოფად უფლებამოსილი ორგანოს მოთხოვნის შემთხვევაში უზრუნველყოს სახელმწიფო საიდუმლოებასთან დაშვების უფლების მოპოვება.

14. „ელექტრონული კომუნიკაციების შესახებ“ საქართველოს კანონის 45-ე მუხლის პირველი პუნქტის შესაბამისად, ავტორიზებული პირის მიერ ელექტრონული კომუნიკაციების სფეროში საქართველოს კანონმდებლობის, მათ შორის, კომისიის დადგენილებებითა და გადაწყვეტილებებით განსაზღვრული მოთხოვნებისა და ვალდებულებების, დარღვევის ან/და ლიცენზიის მფლობელის მიერ სალიცენზიო პირობების დარღვევის შემთხვევაში კომისია უფლებამოსილია დამრღვევი წერილობით გააფრთხილოს, ხოლო კომისიის გადაწყვეტილებით დადგენილ ვადაში დენადი ხასიათის დარღვევის აღმოუფხვრელობის ან 1 წლის განმავლობაში ახალი ერთჯერადი ხასიათის დარღვევის ჩადენის შემთხვევაში – დააკისროს ჯარიმა, რომლის ოდენობაა ავტორიზებული პირის ან/და ლიცენზიის მფლობელის ბოლო 12 კალენდარული თვის შემოსავლის (საქართველოს საგადასახადო კოდექსით განსაზღვრული ერთობლივი შემოსავალი დღგ-ის გარეშე) 0,5 პროცენტი, მაგრამ არანაკლებ 3000 და არაუმეტეს 30000 ლარისა.

III. სამოტივაციო ნაწილი

1. შესწავლილი მტკიცებულებები

15. საქართველოს სახელმწიფო უსაფრთხოების სამსახურის საჯარო სამართლის იურიდიული პირის  -      საქართველოს  ოპერატიულ-ტექნიკური  სააგენტოს  წერილი  (SSG  9  24  00172448; 02.08.2024).

16.  კომისიის  აპარატის  იურიდიული  დეპარტამენტის  სამსახურებრივი  ბარათი  (N  24-10-1524; 12.08.2024).

17.  კომისიის აპარატის კონკურენციის ხელშეწყობისა და ბაზრის რეგულირების დეპარტამენტის სამსახურებრივი ბარათი (N 24-10-1542; 13.08.2024).

18.  შპს  „რეტნ  ჯი“-სთვის  გაგზავნილი  წერილობითი  შეტყობინება (N გ-24-03/1710;  09/08/2024) კომისიის 2024 წლის 15 აგვისტოს სხდომაზე მოწვევის თაობაზე.

19. საქართველოს სახელმწიფო უსაფრთხოების სამსახურის სსიპ - საქართველოს ოპერატიულ- ტექნიკური    სააგენტოსთვის    გაგზავნილი    წერილობითი    შეტყობინება    (N  გ-24-03/1711; 09/08/2024) კომისიის 2024 წლის 15 აგვისტოს სხდომაზე მოწვევის თაობაზე.

20. საქართველოს სახელმწიფო უსაფრთხოების სამსახურის სსიპ - საქართველოს ოპერატიულ- ტექნიკური სააგენტოს 2024 წლის 14 აგვიტოს (SSG 5 24 00181381) წერილი.

21. შპს „რეტნ ჯი“-ის წარმომადგენლის მიერ კომისიის 2024 წლის 15 აგვისტოს სხდომაზე მიცემული ახსნა-განმარტება.

22. მეწარმეთა და არასამეწარმეო (არაკომერციული) იურიდიული პირების რეესტრიდან და კომისიის ავტორიზებულ პირთა უწყებრივი რეესტრიდან შპს „რეტნ ჯი“-ს შესახებ მონაცემები.

2. დადგენილი ფაქტობრივი გარემოებები

23. შპს   „რეტნ ჯი“ ელექტრონული კომუნიკაციების სფეროში ავტორიზებული პირია (ავტორიზაციის თარიღი: 12/12/2019).

მტკიცებულება:  მონაცემები   მეწარმეთა   და   არასამეწარმეო   (არაკომერციული)   იურიდიული პირების რეესტრიდან და ავტორიზებულ პირთა უწყებრივი რეესტრიდან.

24. შპს „რეტნ ჯი“-ის „ელექტრონული კომუნიკაციების შესახებ“ საქართველოს კანონის მე-19 მუხლის 21  პუნქტის „ე“ ქვეპუნქტით გათვალისწინებული ვალდებულება შესრულებული არ აქვს, რომლის მიხედვითაც, ელექტრონული კომუნიკაციების კომპანიას ეკისრება ვალდებულება ავტორიზაციით განსაზღვრული საქმიანობის დაწყებამდე 14 დღით ადრე უზრუნველყოს ელექტრონული კომუნიკაციისა და მისი მაიდენტიფიცირებელი მონაცემების რეალურ დროში მოპოვების და ელექტრონული კომუნიკაციის მაიდენტიფიცირებელ მონაცემთა  ბაზების  კოპირების  ტექნიკური  შესაძლებლობების  საქართველოს კანონმდებლობით დადგენილ მოთხოვნებთან შესაბამისობა და ამ ინფორმაციის კომისიისთვის მიწოდება.

მტკიცებულება:  საქართველოს  სახელმწიფო  უსაფრთხოების  სამსახურის  სსიპ  -  საქართველოს ოპერატიულ-ტექნიკური სააგენტოს წერილი (SSG 9 24 00172448; 02.08.2024).

25.  შპს „რეტნ ჯი“-ს არ მიუმართავს საქართველოს სახელმწიფო უსაფრთხოების სამსახურის სსიპ საქართველოს ოპერატიულ-ტექნიკური სააგენტოსთვის ელექტრონული კომუნიკაციისა და მისი მაიდენტიფიცირებელი მონაცემების რეალურ დროში მოპოვების და ელექტრონული კომუნიკაციის მაიდენტიფიცირებელ მონაცემთა ბაზების კოპირების ტექნიკური შესაძლებლობების სააგენტოს ნორმატიული აქტებით განსაზღვრულ მოთხოვნებთან შესაბამობის განსაზღვრის მიზნით და ამის შესახებ არ მიუწოდებია ინფორმაცია კომისიისთვის.

მტკიცებულება:  საქართველოს  სახელმწიფო  უსაფრთხოების  სამსახურის  სსიპ  -  საქართველოს ოპერატიულ-ტექნიკური სააგენტოს წერილი (SSG 9 24 00172448; 02.08.2024).

26.  კომისიის აპარატის კონკურენციის ხელშეწყობისა და ბაზრის რეგულირების დეპარტამენტის სამსახურებრივი ბარათის მიხედვით, შპს „რეტნ ჯი“ ახორციელებს ავტორიზაციით გათვალისწინებულ პრაქტიკულ საქმიანობას და კომპანიას ბოლო ერთი წლის განმავლობაში უფიქსირდება შემოსავალი.

მტკიცებულება:  კომისიის  აპარატის  კონკურენციის  ხელშეწყობისა  და  ბაზრის  რეგულირების დეპარტამენტის  სამსახურებრივი ბარათი (N 24-10-1542; 13.08.2024).

27.  შპს „რეტნ ჯი“-ის მიმართ ბოლო ერთი წლის განმავლობაში პასუხისმგებლობის არც ერთი სახე მსგავსი/ანალოგიური დარღვევისათვის გამოყენებული არ ყოფილა.

მტკიცებულება: მონაცემები შპს „რეტნ ჯი“-ის შესახებ კომისიის ავტორიზებულ პირთა უწყებრივი რეესტრიდან.

3. სამართლებრივი შეფასება

28.  „ელექტრონული კომუნიკაციების შესახებ“ საქართველოს კანონის მე-19 მუხლის მე-2 პუნქტის „ბ“ ქვეპუნქტის შესაბამისად, შპს „რეტნ ჯი“ როგორც ელექტრონული კომუნიკაციების სფეროში ავტორიზებული პირი ვალდებულია შეასრულოს ელექტრონული კომუნიკაციების სფეროში საქართველოს კანონმდებლობა, მათ შორის, საქართველოს მთავრობის დადგენილებები, აგრეთვე კომისიის დადგენილებები და გადაწყვეტილებები.

29.  „ელექტრონული კომუნიკაციების შესახებ“ საქართველოს კანონის მე-19 მუხლის 21 პუნქტის „ე“ ქვეპუნქტის შესაბამისად, ელექტრონული კომუნიკაციების კომპანიას ეკისრება ვალდებულება ავტორიზაციით განსაზღვრული საქმიანობის დაწყებამდე 14 დღით ადრე უზრუნველყოს ელექტრონული კომუნიკაციისა და მისი მაიდენტიფიცირებელი მონაცემების რეალურ დროში მოპოვების და ელექტრონული კომუნიკაციის მაიდენტიფიცირებელ მონაცემთა ბაზების კოპირების ტექნიკური შესაძლებლობების საქართველოს კანონმდებლობით დადგენილ მოთხოვნებთან შესაბამისობა და ამ ინფორმაციის კომისიისთვის მიწოდება. ვინაიდან ელექტრონული კომუნიკაციის კომპანია არის ავტორიზებული პირი, რომლის საქმიანობის ან/და მომსახურების სახეა სატელეფონო ქსელებით ან/და ინტერნეტქსელებით უზრუნველყოფა ან/და მომსახურება, შპს „რეტნ ჯი“, როგორც ელექტორნული კომუნიკაციების სფეროში ავტორიზებული პირი ვალდებულია შეასრულოს „ელექტრონული კომუნიკაციების შესახებ“ საქართველოს კანონით გათვალისწინებული აღნიშნული ვალდებულება.

30. შპს „რეტნჯი“-ს არ მოუმართავს სააგენტოსთვის ელექტრონული კომუნიკაციისა და მისი მაიდენტიფიცირებელი მონაცემების რეალურ დროში მოპოვების და ელექტრონული კომუნიკაციის მაიდენტიფიცირებელ მონაცემთა ბაზების კოპირების ტექნიკური შესაძლებლობების სააგენტოს ნორმატიული აქტებით განსაზღვრულ მოთხოვნებთან შესაბამობის განსაზღვრის მიზნით და ამის შესახებ არ მიუწოდებია ინფორმაცია კომისიისთვის, რითაც დარღვეულია „ელექტრონული კომუნიკაციების შესახებ“ საქართველოს კანონი.

4. პასუხისმგებლობა და ვალდებულებები

31. შპს „რეტნ ჯი“-ს ეკისრება ვალდებულება ავტორიზაციით განსაზღვრული საქმიანობის დაწყებამდე 14 დღით ადრე უზრუნველყოს ელექტრონული კომუნიკაციისა და მისი მაიდენტიფიცირებელი მონაცემების რეალურ დროში მოპოვების და ელექტრონული კომუნიკაციის მაიდენტიფიცირებელ მონაცემთა ბაზების კოპირების ტექნიკური შესაძლებლობების საქართველოს კანონმდებლობით დადგენილ მოთხოვნებთან შესაბამისობა და ამ ინფორმაციის კომისიისთვის მიწოდება.

32. შპს „რეტნ ჯი“-ს არ მიუმართავს სააგენტოსთვის ელექტრონული კომუნიკაციისა და მისი მაიდენტიფიცირებელი მონაცემების რეალურ დროში მოპოვების და ელექტრონული კომუნიკაციის მაიდენტიფიცირებელ მონაცემთა ბაზების კოპირების ტექნიკური შესაძლებლობების სააგენტოს ნორმატიული აქტებით განსაზღვრულ მოთხოვნებთან შესაბამობის განსაზღვრის მიზნით და ამის შესახებ არ მიუწოდებია ინფორმაცია კომისიისთვის, რაც „ელექტრონული კომუნიკაციების შესახებ“ საქართველოს კანონის 45-ე მუხლის პირველი პუნქტის მიხედვით, კომპანიის სანქცირების საფუძველია.

33. გამომდინარე   იქიდან,   რომ   ბოლო   ერთი   წლის   განმავლობაში   შპს   „რეტნ   ჯი“-ს იგივე/ანალოგიური   სამართალდარღვევისთვის   ადმინისტრაციული   პასუხისმგებლობა   არ დაკისრებია, კომპანიას უნდა მიეცეს წერილობითი გაფრთხილება. ამასთან, დარღვევის აღმოფხვრის მიზნით, კომპანიას უნდა დაევალოს „ელექტრონული კომუნიკაციების შესახებ“ საქართველოს კანონის მე-19 მუხლის 21 პუნქტის „ე“ ქვეპუნქტის შესაბამისად, უზრუნველყოს ელექტრონული კომუნიკაციისა და მისი მაიდენტიფიცირებელი მონაცემების რეალურ დროში მოპოვების და ელექტრონული კომუნიკაციის მაიდენტიფიცირებელ მონაცემთა ბაზების კოპირების ტექნიკური შესაძლებლობების საქართველოს კანონმდებლობით დადგენილ მოთხოვნებთან შესაბამისობა და ამ ინფორმაციის კომისიისთვის მიწოდება გადაწყვეტილების ჩაბარებიდან ერთი თვის ვადაში.

V. სარეზოლუციო ნაწილი

„ელექტრონული კომუნიკაციების შესახებ“ საქართველოს კანონის მე-2 მუხლის ჰ60 ქვეპუნქტი, მე-19 მუხლის მე-2 პუნქტის „ბ“ ქვეპუნქტი, 21 პუნქტის „ე“ და „ა.დ“ ქვეპუნქტი, 81 მუხლის მე-3 პუნქტი, 83 მუხლის პირველი პუნქტი, 45-ე მუხლის პირველი პუნქტი, საქართველოს ზოგადი ადმინისტრაციული კოდექსის 95-ე 98-ე და 99-ე მუხლების, VII თავისა და „საქართველოს კომუნიკაციების ეროვნული კომისიის საქმიანობის მარეგულირებელი წესების“ 36-ე მუხლის მე-14 პუნქტის შესაბამისად, კომისიამ, კენჭისყრის შედეგად ერთხმად,

გადაწყვიტა:

1.    შპს   „რეტნ   ჯი“-ს   მიეცეს   წერილობითი   გაფრთხილება   „ელექტრონული   კომუნიკაციების შესახებ“ საქართველოს კანონის მე-19 მუხლის მე-2 პუნქტის „ბ“ ქვეპუნქტისა და 21 პუნქტის „ე“ ქვეპუნქტის დარღვევის გამო.

2.    შპს „რეტნ ჯი“-მ „ელექტრონული კომუნიკაციების შესახებ“ საქართველოს მე-19 მუხლის 21 პუნქტის „ე“ ქვეპუნქტის შესაბამისად, უზრუნველყოს ელექტრონული კომუნიკაციისა და მისი მაიდენტიფიცირებელი მონაცემების რეალურ დროში მოპოვების და ელექტრონული კომუნიკაციის მაიდენტიფიცირებელ მონაცემთა ბაზების კოპირების ტექნიკური შესაძლებლობების საქართველოს კანონმდებლობით დადგენილ მოთხოვნებთან შესაბამისობა და ამ ინფორმაციის კომისიისთვის მიწოდება გადაწყვეტილების ჩაბარებიდან ერთი თვის ვადაში.

3.    გადაწყვეტილება ძალაში შედის გადაწყვეტილების შპს „რეტნ ჯი“-სთვის  ჩაბარების დღიდან.

4.    გადაწყვეტილება    შეიძლება   გასაჩივრდეს თბილისის  საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, №64) შპს „რეტნ ჯი“-სთვის  გადაწყვეტილების ჩაბარების დღიდან ერთი თვის ვადაში.

5. დაევალოს  კომისიის  აპარატის  ადმინისტრაციას  გადაწყვეტილების   შპს „რეტნ ჯი“-სთვის გაგზავნა და კომისიის ოფიციალურ ვებგვერდზე (www.comcom.ge) გამოქვეყნება (ო. ვოტ).

6.    დაევალოს კომისიის აპარატის იურიდიულ დეპარტამენტს (თ. კაველიძე) შპს „რეტნ ჯი“-სთვის ადმინისტრაციული პასუხისმგებლობის დაკისრების თაობაზე ინფორმაციის კომისიის შესაბამის უწყებრივ რეესტრში შეტანის უზრუნველყოფა.

7.    კონტროლი გადაწყვეტილების სარეზოლუციო ნაწილის მე-3 და მე-5 პუნქტების შესრულებაზე დაევალოს კომისიის აპარატის ადმინისტრაციას (ო. ვოტ).