შპს „სქაიტელეკომი-Skytelecom LTD“-სთვის ადმინისტრაციული პასუხისმგებლობის დაკისრების თაობაზე

ავტორიზებული პირი: შპს „სქაიტელეკომი-Skytelecom LTD“

სამართალდარღვევა: „ბუღალტრული     აღრიცხვის,     ანგარიშგებისა     და     აუდიტის     შესახებ“ საქართველოს კანონის მე-9 მუხლის მე-2 პუნქტის დარღვევა

წარმოების   დაწყების    საფუძველი: ბუღალტრული   აღრიცხვის,   ანგარიშგებისა   და   აუდიტის ზედამხედველობის სამსახურის წერილი (საქართველოს კომუნიკაციების ეროვნულ კომისიაში რეგისტრაციის Nშ-24-6/5382; 16.12.2024)

კომისიის სხდომის თარიღი: 2024 წლის 26 დეკემბერი, 15:00 საათი

I. აღწერილობითი ნაწილი

1.ბუღალტრული აღრიცხვის, ანგარიშგებისა და აუდიტის ზედამხედველობის სამსახურის (შემდგომში „სამსახური“) წერილის (კომისიაში რეგისტრაციის Nშ-24-6/5382;16.12.2024) საფუძველზე საქართველოს კომუნიკაციების ეროვნულ კომისიაში (შემდგომში „კომისია“) დაიწყო მარტივი ადმინისტრაციული წარმოება შპს „სქაიტელეკომი-Skytelecom LTD“-ის მიერ „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონით გათვალისწინებული ვალდებულებების შეუსრულებლობის საკითხის განხილვის თაობაზე.

2.სამსახურის წერილის (კომისიაში რეგისტრაციის  Nშ-24-6/5382;  16.12.2024)  მიხედვით, კომისიის რეგულირებას დაქვემდებარებულ რიგ სუბიექტებს, მათ შორის, შპს„სქაიტელეკომი-Skytelecom LTD“-ს, სამსახურისთვის არ წარუდგინია 2023 წლის  საანგარიშგებო  პერიოდის ანგარიშგება „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მოთხოვნების შესაბამისად.

3.შპს  „სქაიტელეკომი-Skytelecom  LTD“-სთვის  ადმინისტრაციული  პასუხისმგებლობის  დაკისრების თაობაზე საკითხის განხილვის დღედ განისაზღვრა 2024 წლის 19 დეკემბერი, 15:00 საათი. აღნიშნულის შესახებ შპს „სქაიტელეკომი-Skytelecom LTD“-ს გაეგზავნა შეტყობინება (N გ-24-03/2875;16/12/2024) საფოსტო გზავნილისა და ელექტრონული ფოსტის მეშვეობით კომისიისთვის ცნობილ კომპანიის ფაქტობრივ, იურიდიულ და ელექტრონულ მისამართებზე, შეტყობინება ასევე საჯაროდ გამოქვეყნდა კომისიის ოფიციალურ ვებგვერდზე (https://comcom.ge/ge/shetyobinebebi/shetyobineba-shps-sqaitelekomi-skytelecom-ltd-s2.page). მოცემული  შეტყობინებით (N გ-24-03/2875; 16/12/2024) ავტორიზებული პირი მოწვეულ იქნა ადმინისტრაციულ წარმოებაში მონაწილეობის მისაღებად, მას განემარტა საქართველოს ზოგადი ადმინისტრაციული კოდექსის 98-ე და 99-ე მუხლებით გათვალისწინებული  მტკიცებულებებისა  და  შუამდგომლობების წარმოდგენის, აგრეთვე საქმის გარემოებათა გამოკვლევისა და ადმინისტრაციული წარმოების მასალების გამოთხოვის უფლების თაობაზე. შპს „სქაიტელეკომი-Skytelecom LTD“-ს კომისიის მიერ გაგზავნილი შეტყობინება (N გ-24-03/2875; 16/12/2024) არ ჩაბარდა, შესაბამისად, კომისიის ინიციატივით, 2024 წლის 19 დეკემბრის სხდომა გადაიდო და დაინიშნა 2024 წლის 26 დეკემბერს, 15:00 საათზე. შპს „სქაიტელეკომი- Skytelecom  LTD“-ს 2024 წლის  26  დეკემბრის  სხდომაზე  მოწვევის  შესახებ  შეტყობინება  (N გ-24-03/2944; 20/12/2024) გაეგზავნა საფოსტო გზავნილისა და ელექტრონული ფოსტის მეშვეობით კომისიისთვის ცნობილ კომპანიის ფაქტობრივ, იურიდიულ და ელექტრონულ მისამართებზე და მოწვეულ იქნა ადმინისტრაციულ წარმოებაში მონაწილეობის მისაღებად, ამავე შეტყობინებით ავტორიზებულ პირს განემარტა, საქართველოს ზოგადი ადმინისტრაციული კოდექსის 98-ე და 99-ე მუხლებით გათვალისწინებული მტკიცებულებებისა და შუამდგომლობების წარმოდგენის, აგრეთვე საქმის გარემოებათა გამოკვლევისა და ადმინისტრაციული წარმოების მასალების გამოთხოვის უფლება.  მიუხედავად  კომისიის  მიერ  შეტყობინების  სხვადასხვა საშუალებით  გაგზავნისა,  შპს „სქაიტელეკომი-Skytelecom LTD“-ს შეტყობინება (N გ-24-03/2944; 20/12/2024) კვლავ არ ჩაბარდა. 2024 წლის 26 დეკემბრის სხდომაზე მოწვევის შესახებ შეტყობინება (N გ-24-03/2944;20/12/2024) ასევე საჯაროდ გამოქვეყნდა კომისიის ოფიციალურ ვებგვერდზე (https://comcom.ge/ge/shetyobinebebi/shetyobineba-shps-sqaitelekomi-skytelecom-ltd-s3.page).

4.კომისიის 2024 წლის 26 დეკემბრის სხდომას არ ესწრებოდა შპს „სქაიტელეკომი-Skytelecom LTD“-ის წარმომადგენელი. ვინაიდან შპს „სქაიტელეკომი-Skytelecom LTD“-ს შეტყობინება გაეგზავნა სხვადასხვა საშუალების გამოყენებით, სხდომაზე მოწვევის შესახებ შეტყობინება საჯაროდ გამოქვეყნდა კომისიის ოფიციალურ ვებგვერდზე, კომისიის მიერ საკუთარი ინიციატივით ერთხელ გადაიდო წინამდებარე საქმის განხილვა (19 დეკემბერი, 2024 წელი),   ხოლო კომპანიას არ წარმოუდგენია შუამდგომლობა სხდომის სხვა დროისთვის გადადების თაობაზე, კომისიის მიერ შესრულდა საქართველოს ზოგადი ადმინისტრაციული კოდექსის 95-ე მუხლის მე-2 ნაწილით ადმინისტრაციული ორგანოსთვის დაკისრებული ვალდებულება - დაინტერესებული პირის ადმინისტრაციულ წარმოებაში მონაწილეობის უზრუნველყოფის თაობაზე. შესაბამისად, კომისიამ საკითხი განიხილა შპს „სქაიტელეკომი-Skytelecom LTD“-ის წარმომადგენლის დასწრების გარეშე.

5.კომისიის 2024 წლის 19 და 26 დეკემბრის სხდომებს ესწრებოდნენ სამსახურის წარმომადგენლები დ. დათუსანი და გ. ჯმუხაძე. კომისიის 2024 წლის 26 დეკემბრის სხდომაზე სამსახურის წარმომადგენელმა დ. დათუსანმა აღნიშნა, რომ შპს „სქაიტელეკომი-Skytelecom LTD“-ს, გადაწყვეტილების მიღების დღისთვის, სამსახურისთვის კვლავ არ წარუდგენია 2023 წლის საანგარიშგებო პერიოდის ანგარიშგება.

II. მარეგულირებელი კანონმდებლობა

6.„ბუღალტრული  აღრიცხვის,  ანგარიშგებისა  და  აუდიტის  შესახებ“  საქართველოს  კანონის  მე-9 მუხლის მე-2 პუნქტის თანახმად, სუბიექტი (გარდა არასამეწარმეო (არაკომერციული) იურიდიული პირისა)  ვალდებულია  მისთვის  ამ  კანონით  დადგენილი  ფინანსური  ანგარიშგება (მათ  შორის, კონსოლიდირებული ანგარიშგება), მმართველობის ანგარიშგება (მათ შორის, კონსოლიდირებული ანგარიშგება), სახელმწიფოს მიმართ განხორციელებული გადახდების შესახებ ანგარიშგება და ამ კანონით გათვალისწინებულ შემთხვევებში აუდიტორული დასკვნა ერთად, დაუყოვნებლივ, მაგრამ არაუგვიანეს საანგარიშგებო პერიოდის მომდევნო წლის 1 ოქტომბრისა,  წარუდგინოს  სამსახურს მის მიერ დადგენილი წესით;

7.„ბუღალტრული  აღრიცხვის,  ანგარიშგებისა  და  აუდიტის  შესახებ“  საქართველოს  კანონის  მე-3 მუხლის მე-8 პუნქტის „გ“ ქვეპუნქტის შესაბამისად, მეოთხე კატეგორიის საწარმოები და არასამეწარმეო (არაკომერციული) იურიდიული პირები ბუღალტრულ აღრიცხვასა და ფინანსურ ანგარიშგებას აწარმოებენ  სამსახურის  მიერ დადგენილი  სტანდარტების  შესაბამისად,  გარდა  ამ მუხლის მე-9 პუნქტით გათვალისწინებული შემთხვევისა;

8.„ბუღალტრული  აღრიცხვის,  ანგარიშგებისა  და  აუდიტის  შესახებ“  საქართველოს  კანონის  23-ე მუხლის მე-2 პუნქტის თანახმად, ამ კანონისა და მის საფუძველზე მარეგულირებელი/საზედამხედველო ორგანოს მიერ გამოცემული სამართლებრივი აქტის მოთხოვნების დარღვევისათვის მარეგულირებელი/საზედამხედველო ორგანოს რეგულირებისადმი/ზედამხედველობისადმი დაქვემდებარებული სუბიექტის მიმართ გამოსაყენებელ სანქციებს განსაზღვრავს შესაბამისი მარეგულირებელი/საზედამხედველო ორგანო;

9.„ბუღალტრული  აღრიცხვის,  ანგარიშგებისა  და  აუდიტის  შესახებ“  საქართველოს  კანონის  მე-2 მუხლის პირველი პუნქტის „ჯ“ ქვეპუნქტის მიხედვით, მარეგულირებელი ორგანო განმარტებულია როგორც „ეროვნული მარეგულირებელი ორგანოების  შესახებ“ საქართველოს კანონით განსაზღვრული, საქართველოში მოქმედი ეროვნული მარეგულირებელი ორგანო;

10.„ეროვნული მარეგულირებელი ორგანოების შესახებ“ საქართველოს კანონის მე-2 მუხლის მე-2 პუნქტის „ა“ ქვეპუნქტის შესაბამისად, საქართველოში მოქმედ ეროვნულ მარეგულირებელ ორგანოს მიეკუთვნება საქართველოს კომუნიკაციების ეროვნული კომისია;

11.„ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის 23-ე მუხლის პირველი პუნქტის „დ“ ქვეპუნქტის თანახმად, სამსახური ვალდებულია ამ კანონის, „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონისა და მათ საფუძველზე გამოცემული კანონქვემდებარე ნორმატიული აქტის მოთხოვნების დარღვევისათვის ერთდროულად ან/და ცალ-ცალკე, თანამიმდევრულად, ხოლო დარღვევისა და შესაძლო რისკის სერიოზულობიდან გამომდინარე – არათანამიმდევრულად, გარდა ამ კანონით გათვალისწინებული შემთხვევებისა, სდპ-ის, პირველი, მეორე, მესამე ან მეოთხე კატეგორიის საწარმოს მიმართ გამოიყენოს შემდეგი სანქციები: დ.ა) წერილობითი გაფრთხილება; დ.ბ) ფულადი ჯარიმა; დ.გ) სდპ-ის შემთხვევაში − მისი მმართველობითი ორგანოს წევრისთვის სდპ-ში ამ კანონით გათვალისწინებული თავისი ფუნქციების შესრულების დროებით, არაუმეტეს 3 წლით აკრძალვა;

12.„ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის 26-ე მუხლის პირველი პუნქტის თანახმად, ამ კანონის მე-3 მუხლის მე-8 პუნქტით გათვალისწინებული ბუღალტრული აღრიცხვისა და ფინანსური ანგარიშგების წარმოებისა და კონსოლიდაციის წესების, მე-7 მუხლის, მე-8 მუხლის, მე-9 მუხლის მე-2 და მე-4 პუნქტებისა და მე-16 მუხლის მე-11 პუნქტის მოთხოვნების შეუსრულებლობა ან/და აუდიტორული შემოწმების ჩატარებისათვის თავის არიდება გამოიწვევს სუბიექტის დაჯარიმებას: ა) მეოთხე კატეგორიის საწარმოსი – 500 ლარის ოდენობით; ბ) მესამე კატეგორიის საწარმოსი – 1 000 ლარის ოდენობით; გ) მეორე კატეგორიის საწარმოსი – 5 000 ლარის ოდენობით; დ) პირველი კატეგორიის საწარმოსი და სდპ-ისა – 10 000 ლარის ოდენობით;

13.„ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის 26-ე მუხლის მე-2 პუნქტის თანახმად, ამ მუხლის პირველი პუნქტით გათვალისწინებული სამართალდარღვევებისთვის სამსახურმა შეიძლება სუბიექტის მიმართ ფულადი ჯარიმის ნაცვლად წერილობითი გაფრთხილება გამოიყენოს. სამსახურის მიერ განსაზღვრულ ვადაში, რომელიც არ უნდა იყოს 1 თვეზე ნაკლები, სუბიექტის მიერ წერილობითი გაფრთხილებით დადგენილი მოთხოვნის შეუსრულებლობამ შესაძლებელია გამოიწვიოს სუბიექტის დაჯარიმება. სუბიექტის მიერ ფულადი ჯარიმის დაკისრებისას დადგენილი მოთხოვნის შეუსრულებლობამ შესაძლებელია გამოიწვიოს სუბიექტისთვის დაკისრებული ფულადი ჯარიმის ოდენობის გაორმაგება. სუბიექტის მიერ ზედიზედ ორ საანგარიშგებო პერიოდში ანგარიშგების წარუდგენლობის შემთხვევაში სამსახური უფლებამოსილია სუბიექტისთვის გაორმაგებული ფულადი ჯარიმის დაკისრების შემდეგ იგი დააჯარიმოს აგრეთვე საწარმოს კატეგორიისთვის განსაზღვრული ჯარიმის ხუთმაგი ოდენობით;

14.„ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის 27-ე მუხლის პირველი პუნქტის თანახმად, სამართალდარღვევის   საქმის   წარმოების  დაწყების საფუძველია ამ კანონით გათვალისწინებული სამართალდარღვევის გამოვლენა. ამ შემთხვევაში უფლებამოსილი პირი აღნიშნული საქმის განხილვის შედეგებზე დაყრდნობით გამოსცემს ინდივიდუალურ ადმინისტრაციულ-სამართლებრივ აქტს.

III. სამოტივაციო ნაწილი

1. შესწავლილი მტკიცებულებები

15.სამსახურის  წერილი  კომისიას  თანდართული  დოკუმენტაციით  (კომისიაში  შემოსვლის  N შ-24-6/5382; 16.12.2024);

16.შპს „სქაიტელეკომი-Skytelecom LTD“-სთვის გაგზავნილი შეტყობინება (N გ-24-03/2875; 16/12/2024) კომისიის 2024 წლის 19 დეკემბრის სხდომაზე მოწვევის შესახებ და შესაბამისი საფოსტო გზავნილები (გზავნილის კოდი: AP01009917070; AP01009917071). ასევე, აღნიშნული შეტყობინების კომისიის ვებგვერდზე გამოქვეყნების ბმული (https://comcom.ge/ge/shetyobinebebi/shetyobineba-shps-sqaitelekomi-skytelecom-ltd-s2.page);

17.კომისიის მიერ სამსახურისთვის გაგზავნილი შეტყობინება (N გ-24-03/2891; 17/12/2024) კომისიის 2024 წლის 19 დეკემბრის სხდომაზე მოწვევის შესახებ;

18.შპს „სქაიტელეკომი-Skytelecom LTD“-სთვის გაგზავნილი შეტყობინება (N გ-24-03/2944; 20/12/2024) კომისიის 2024 წლის 26 დეკემბრის სხდომაზე მოწვევის შესახებ და შესაბამისი საფოსტო გზავნილები (გზავნილის კოდი: AP01009917059; AP01009917060). ასევე, აღნიშნული შეტყობინების კომისიის ვებგვერდზე გამოქვეყნების ბმული (https://comcom.ge/ge/shetyobinebebi/shetyobineba-shps-sqaitelekomi-skytelecom-ltd-s3.page);

19.კომისიის მიერ სამსახურისთვის გაგზავნილი შეტყობინება (Nგ-24-03/2953;23/12/2024) კომისიის 2024 წლის 26 დეკემბრის სხდომაზე მოწვევის შესახებ;

20.მეწარმეთა და არასამეწარმეო (არაკომერციული) იურიდიული პირების რეესტრიდან და კომისიის ავტორიზებულ პირთა უწყებრივი რეესტრიდან შპს „სქაიტელეკომი-Skytelecom LTD“-ის შესახებ მონაცემები;

21.სამსახურის წარმომადგენლის დ. დათუსანის ახსნა-განმარტება გაკეთებული კომისიის 2024 წლის 26 დეკემბრის სხდომაზე.

2. დადგენილი ფაქტობრივი გარემოებები

22.შპს „სქაიტელეკომი-Skytelecom LTD“ ელექტრონული კომუნიკაციების სფეროში ავტორიზებული პირია.

მტკიცებულება: მონაცემი კომისიის უწყებრივი რეესტრიდან შპს „სქაიტელეკომი-Skytelecom LTD“-ის შესახებ.

23.შპს „სქაიტელეკომი-Skytelecom LTD“ არის მეოთხე კატეგორიის საწარმო.

მტკიცებულება: სამსახურის წერილი კომისიას თანდართული დოკუმენტაციით (კომისიაში რეგისტრაციის N შ-24-6/5382; 16.12.2024);

24.შპს „სქაიტელეკომი-Skytelecom LTD“-ს, 2024 წლის 1 ოქტომბრის ჩათვლით და არც გადაწყვეტილების მიღების დღისთვის, სამსახურისთვის არ წარუდგენია  „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონით გათვალისწინებული ანგარიშგება (2023 წლის საანგარიშგებო პერიოდის ანგარიშგება).

მტკიცებულება: სამსახურის წერილი კომისიას თანდართული დოკუმენტაციით (კომისიაში რეგისტრაციის  N შ-24-6/5382;  16.12.2024);  სამსახურის  წარმომადგენლის  დ.  დათუსანის  ახსნა- განმარტება მიცემული კომისიის 2024 წლის 26 დეკემბრის სხდომაზე.

3. სამართლებრივი შეფასება

25. „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-9 მუხლის მე-2 პუნქტის თანახმად, შპს „სქაიტელეკომი-Skytelecom LTD“ ვალდებულია ამ კანონით დადგენილი ფინანსური ანგარიშგება, დაუყოვნებლივ, მაგრამ არაუგვიანეს საანგარიშო პერიოდის მომდევნო წლის 1 ოქტომბრისა,  წარუდგინოს სამსახურს მის მიერ დადგენილი წესით. ამასთან, შპს „სქაიტელეკომი-Skytelecom LTD“ კომისიის რეგულირებას დაქვემდებარებული სუბიექტია, შესაბამისად, კომპანიის მიერ  „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მოთხოვნათა დარღვევაზე რეაგირებას ახორციელებს კომისია.

26.ზემოაღნიშნულიდან გამომდინარე, შპს „სქაიტელეკომი-Skytelecom LTD“-ის მიერ, სამსახურში „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონით გათვალისწინებული 2023 წლის საანგარიშო პერიოდის ანგარიშგების არაუგვიანეს 2024 წლის პირველ ოქტომბრამდე წარუდგენლობით, დარღვეულია „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-9 მუხლის მე-2 პუნქტი, რაც „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის 26-ე მუხლის შესაბამისად აღნიშნული სუბიექტის კომისიის მიერ სანქცირების საფუძველია.

4. პასუხისმგებლობა და ვალდებულებები

27.„ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის 23-ე მუხლის პირველი პუნქტის „დ“ ქვეპუნქტის თანახმად, „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მოთხოვნების დარღვევისთვის მეოთხე კატეგორიის საწარმოს მიმართ სანქციის სახით შესაძლოა გამოყენებულ იქნას, მათ შორის, წერილობითი გაფრთხილება.  ასევე,  ამავე  კანონის  26-ე  მუხლის  პირველი  პუნქტის  „ა“  ქვეპუნქტის  თანახმად, „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-9 მუხლის მე-2 პუნქტის შეუსრულებლობა გამოიწვევს მეოთხე კატეგორიის საწარმოს 500 ლარის ოდენობით დაჯარიმებას. ამავე კანონის 26-ე მუხლის მე-2 პუნქტის თანახმად კი „ამ მუხლის პირველი პუნქტით გათვალისწინებული სამართალდარღვევებისთვის სამსახურმა შეიძლება სუბიექტის მიმართ ფულადი ჯარიმის ნაცვლად წერილობითი გაფრთხილება გამოიყენოს“.

28.ვინაიდან შპს „სქაიტელეკომი-Skytelecom LTD“-ის მიერ დარღვეულია „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-9 მუხლის მე-2 პუნქტი (2023 წლის საანგარიშგებო პერიოდის ანგარიშგების არაუგვიანეს 2024 წლის 1 ოქტომბრამდე სამსახურისთვის წარუდგენლობა), კანონმდებლობის შესაბამისად, შპს „სქაიტელეკომი-Skytelecom LTD“-ის უნდა მიეცეს წერილობითი გაფრთხილება.

29.ამასთან, შპს „სქაიტელეკომი-Skytelecom LTD“-ს უნდა განესაზღვროს ერთთვიანი ვადა დარღვევის აღმოსაფხვრელად.

IV. სარეზოლუციო ნაწილი

ყოველივე ზემოაღნიშნულის გათვალისწინებით, საქართველოს ზოგადი ადმინისტრაციული კოდექსის 53-ე, 95-ე, 96-ე და 97-ე მუხლების, „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-3 მუხლის პირველი პუნქტისა და მე-8 პუნქტის, მე-9 მუხლის მე-2 პუნქტის, 23-ე მუხლის პირველი და მე-2 პუნქტების, 26-ე მუხლის პირველი და მე-2 პუნქტებისა და 27-ე მუხლის შესაბამისად, კომისიამ, კენჭისყრის შედეგად, ერთხმად,

გ ა დ ა წ ყ ვ ი ტ ა:

1.შპს   „სქაიტელეკომი-Skytelecom   LTD“-ს   მიეცეს   წერილობითი   გაფრთხილება   „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-9 მუხლის მე-2 პუნქტის დარღვევის გამო;

2.შპს „სქაიტელეკომი-Skytelecom LTD“-მა უზრუნველყოს ბუღალტრული აღრიცხვის, ანგარიშგებისა და აუდიტის ზედამხედველობის სამსახურში 2023 წლის საანგარიშო პერიოდის ანგარიშგების წარდგენა ამ გადაწყვეტილების ძალაში შესვლიდან ერთი თვის ვადაში;

3.დაევალოს კომისიის აპარატის ადმინისტრაციას (ო. ვოტ) გადაწყვეტილების შპს „სქაიტელეკომი- Skytelecom LTD“-სა და ბუღალტრული აღრიცხვის, ანგარიშგებისა და აუდიტის ზედამხედველობის სამსახურისთვის დაუყოვნებლივ გაგზავნა და კომისიის ოფიციალურ ვებგვერდზე (www.comcom.ge) გამოქვეყნება;