"ფიქსირებული ფართოზოლოვანი ინტერნეტ მომსახურების ბაზრის სეგმენტზე კონკურენციის კვლევა და ანალიზის შესახებ” კომისიის 2024 წლის 8 აგვისტოს გ-24-9/ 361 გადაწყვეტილებაში ცვლილების შეტანის შესახებ

საქართველოს კომუნიკაციების ეროვნულმა კომისიამ (შემდგომში - კომისია) 2024 წლის 17 ოქტომბერს მიიღო გადაწყვეტილება Nგ-24-23/459 ,,ფიქსირებული ფართოზოლოვანი ინტერნეტ მომსახურების ბაზრის სეგმენტზე კონკურენციის კვლევა და ანალიზის შესახებ” 2024 წლის 8 აგვისტოს გ-24-9/361 გადაწყვეტილებაში ცვლილების შეტანის მიზნით საჯარო ადმინისტრაციული წარმოების დაწყების თაობაზე.

კომისიამ  2024  წლის  8  აგვისტოს  N  გ-24-9 /361  “ფიქსირებული  ფართოზოლოვანი  ინტერნეტ მომსახურების ბაზრის სეგმენტზე კონკურენციის კვლევა და ანალიზის შესახებ” გადაწყვეტილების ფარგლებში შეისწავლა  ფიქსირებული ფართოზოლოვანი ინტერნეტ  მომსახურების საცალო ბაზარი და საცალო სეგმენტზე გამოვლენილი კონკურენტული პრობლემების აღმოფხვრის მიზნით განსაზღვრა მარეგულირებელი ჩარჩო შესაბამის საბითუმო სეგმენტზე, რომელიც მოიცავს ფიქსირებულ  ლოკაციაზე ადგილობრივი და ცენტრალური საბითუმო დაშვების მომსახურებას და მასზე მნიშვნელოვანი საბაზრო  ძალაუფლების მქონე პირად განისაზღვრა შპს „მაგთიკომი“, რომელსაც, ამავე გადაწყვეტილების ფარგლებში განსაზღვრულ გეოგრაფიულ საზღვრებში, დაეკისრა სპეციფიკური ვალდებულებები, მათ შორის სატარიფო რეგულირებისა და ხარჯთაღრიცხვის ვალდებულება.

აღნიშნული ვალდებულების ფარგლებში ფიქსირებულ ლოკაციაზე ადგილობრივი და ცენტრალური დაშვების სერვისებზე ხარჯზე ორიენტირებული ზედა ზღვრული ტარიფის დათვლა განხორციელდა ევროკომისიის დაფინანსებით ევროკავშირსა და საქართველოს შორის ასოცირების შესახებ შეთანხმების განხორციელების დახმარების (AA Facility II) პროექტის ფარგლებში დაქირავებული საკონსულტაციო კომპანია გრანთ თორნთონის ექსპერტების მიერ. გადაწყვეტილების მიღების შემდეგ შპს „მაგთიკომის“ მომართვის საფუძველზე მოხდა ტარიფის გაანგარიშების მოდელის გარკვეული პარამეტრების გადამოწმება, რის შედეგადაც გამოიკვეთა ტექნიკური კორექტირებების საჭიროება, რაც იწვევს გ-24-9 / 361  გადაწყვეტილების დანართი 1-ის მე-4 და მე-5 პუნქტებით გათვალისწინებული ტარიფების ცვლილებას.

საჯარო ადმინისტრაციული წარმოების ფარგლებში გამართული საჯარო კონსულტაციების პროცესში შპს “მაგთიკომმა” 2024 წლის 18 ნოემბრის N ED-24/11/18-025 (კომისიაში რეგისტრაციის Nშ-24-6/4924, რეგისტრაციის თარიღი: 18.11.2024)  წერილით წარმოადგინა  კომენტარები „ფიქსირებული ფართოზოლოვანი ინტერნეტ მომსახურების ბაზრის სეგმენტზე კონკურენციის კვლევა და ანალიზის შესახებ” კომისიის 2024 წლის 8 აგვისტოს გ-24-9/361 გადაწყვეტილებაში ცვლილების შეტანის მიზნით დაწყებულ საჯარო ადმინისტრაციული წარმოების ფარგლებში გამოქვეყნებულ პროექტთან დაკავშირებით.

ამასთან, 2024 წლის 5 დეკემბერს გაიმართა ზეპირი მოსმენის სხდომა. საჯარო განხილვისას გაკეთდა შესაბამისი განმარტებები წარმოების ფარგლებში შპს „მაგთიკომის“ მიერ წარმოდგენილ კომენტარებზე. თითოეულ კომენტარზე კომისიის პოზიცია, ასევე, წარმოდგენილი იქნება კომისიის 2021 წლის 9  დეკემბრის N6 დადგენილებით დამტკიცებული ,,საჯარო კონსულტაციების მარეგულირებელი წესების“ შესაბამისად გამოსაქვეყნებელ კითხვა-პასუხების ცხრილში.

ყოველივე აღნიშნულის გათვალისწინებით, შესაბამისი კორექტირებით მიღებული განახლებული ტარიფები წარმოდგენილია წინამდებარე გადაწყვეტილების დანართი 1-ის პირველ და მე-2 პუნქტებში.

სარეზოლუციო ნაწილი

,,ელექტრონული კომუნიკაციების შესახებ“ საქართველოს კანონის მე-11 მუხლის მე-2 პუნქტის ,,ა“ და მე-3 პუნქტის ,,გ“ ქვეპუნქტების, მე-20-მუხლის, 21-ე მუხლის მე-3 პუნქტის, კომისიის 2024 წლის 22 თებერვლის №1 დადგენილებით დამტკიცებული ,,ბაზრის კონკურენტუნარიანობისა და მნიშვნელოვანი საბაზრო ძალაუფლების მქონე ავტორიზებული პირების განსაზღვრის მეთოდოლოგიისა და პროცედურების“ მე-17 მუხლის პირველი პუნქტის ,,ა“ ქვეპუნქტის, კომისიის 2003 წლის 27 ივნისის №1 დადგენილებით დამტკიცებული ,,საჯარო კონსულტაციების მარეგულირებელი წესის“ მე-9 მუხლისა და საქართველოს ზოგადი ადმინისტრაციული კოდექსის 59-ე და 63-ე მუხლების, VII და IX თავების შესაბამისად,

გადაწყვიტა

1."ფიქსირებული ფართოზოლოვანი ინტერნეტ მომსახურების ბაზრის სეგმენტზე კონკურენციის კვლევა და ანალიზის შესახებ“ კომისიის 2024 წლის 8 აგვისტოს გ-24-9/ 361 გადაწყვეტილების დანართი 1-ის მე-4 და მე-5 პუნქტები შეიცვალოს წინამდებარე გადაწყვეტილების დანართი 1-ის პირველი და მეორე პუნქტებით.

2.გადაწყვეტილება ძალაში შევიდეს კომისიის ოფიციალურ ვებ-გვერდზე გამოქვეყნებისთანავე.

3.გადაწყვეტილების  შპს ,,მაგთიკომისთვის“ გაგზავნა და კომისიის ოფიციალურ ვებ- გვერდზე (www.comcom.ge) გამოქვეყნება დაევალოს კომისიის აპარატის ადმინისტრაციას (ო.ვოტ).

4.გადაწყვეტილება შეიძლება გასაჩივრდეს ქ.  თბილისის  საქალაქო  სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, N64) გადაწყვეტილების დამოწმებული ასლის შპს ,,მაგთიკომისთვის“ ჩაბარებიდან ერთი თვის ვადაში.

5.კონტროლი აღნიშნული გადაწყვეტილების შესრულებაზე დაევალოს კომისიის აპარატის კონკურენციის ხელშეწყობისა და ბაზრის რეგულირების დეპარტამენტს (ე. სიჭინავა).

დანართი 1.

1.სერვისის ზედა ზღვრული ტარიფები ინტერნეტ ქსელზე დაშვების მომსახურებისთვის

2.ზედა ზღვრული ტარიფები ვირტუალური არხის სერვისებზე

კახი ბექაური               თავმჯდომარე

ვახტანგ  აბაშიძე          წევრი

ივანე მახარაძე             წევრი