საეთერო მაუწყებლობის მომსახურების ზონა №13-ში კერძო საერთო რადიომაუწყებლობის ლიცენზიის მოსაპოვებლად  კომისიის 2025  წლის 5 ივნისის №გ-25-10/285 გადაწყვეტილებით გამოცხადებულ კონკურსში გამარჯვებულის გამოვლენის შესახებ

განმცხადებელი: შპს „რადიო გურია“;

კომისიის სხდომის თარიღი: 2025 წლის 21 აგვისტო.

I. აღწერილობითი ნაწილი

საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიის 2025 წლის  5 ივნისის  №გ-25-10/285  გადაწყვეტილებით  გამოცხადდა  კონკურსი  საეთერო მაუწყებლობის მომსახურების ზონა  № 13-ში კერძო  საერთო  რადიომაუწყებლობის  ლიცენზიის მისაღებად  შემდეგი სალიცენზიო პირობებით:

ა) ლიცენზიის სახე: რადიომაუწყებლობა;

ბ) ლიცენზიის სახეობა: კერძო მაუწყებლობა;

გ) ლიცენზიის ქვესახეობა: საერთო მაუწყებლობა;

დ) გავრცელების გეოგრაფიული ზონა: საეთერო მაუწყებლობის მომსახურების ზონა №13;

ე) მაუწყებლობის მინიმალური ხანგრძლივობა დღე–ღამის განმავლობაში - 18 საათი; ვ) მაუწყებლობის გავრცელების ტექნოლოგია და ტექნიკური პარამეტრები:

შენიშვნა 1: გადამცემი სადგურის განთავსება შესაძლებელია მითითებული კოორდინატის მიმართ   500 მ რადიუსის ფარგლებში, ზღვის დონიდან გადამცემი ანტენის დაკიდების სიმაღლის შენარჩუნებით (ცდომილება  ±5მ). ასევე ქსელის ფორმირებისას გადამცემის სიმძლავრის და ანტენის ტექნიკური პარამეტრების მნიშვნელობების ცდომილება არ უნდა აღემატებოდეს 5%-ს;

შენიშვნა 2: ზონალური დაფარვის მიზნით გაცემული ლიცენზიის არსი მდგომარეობს იმაში, რომ მაუწყებლობის ზონის თითოეული გადამცემი სადგურიდან უნდა გავრცელდეს ერთი და იგივე კონტენტი დროში უცვლელად, შესაბამისად ტექნიკური დოკუმენტაციის წარმოდგენისას ყურადღება უნდა გამახვილდეს, როგორც გადამცემი სადგურების და საანტენო მეურნეობის, ასევე სადისტრიბუციო ქსელის მოწყობის აუცილებლობაზე;

შენიშვნა 3:  კომისიის თანხმობის შემთხვევაში ქსელის ფორმირებისას შესაძლებელია ტექნიკური პარამეტრების ცვლილება, ქსელის გამართული ფუნქციონირების მისაღწევად, მათ შორის სადგურების მდებარეობის.

2. კომისია აღნიშნავს, რომ განცხადება კონკურსში მონაწილეობის მისაღებად 2025 წლის 11 ივლისს წარმოადგინა (წერილის კომისიაში რეგისტრაციის №შ-25-11/2878) შპს ”რადიო გურიამ“ (ს/კ  405787224).

3. კომისიის 2025   წლის 5 ივნისის №გ-25-10/285 გადაწყვეტილების შესაბამისად 2025 წლის 16 ივლისს კომისიაში ჩატარდა მოსამზადებელი სხდომა, რომელზეც „მაუწყებლობის შესახებ“ საქართველოს კანონის 43-ე მუხლის მე-3 პუნქტის შესაბამისად ლიცენზიის მაძიებლის თანდასწრებით გაიხსნა კონკურსში მონაწილეობის მიღების მიზნით წარმოდგენილი დალუქული დოკუმენტაცია. სხდომას ესწრებოდა შპს „რადიო გურიას“ დირექტორი ჯაბა გველებიანი. კომისია აღნიშნავს, რომ  საეთერო მაუწყებლობის მომსახურების ზონა №13-ში კერძო საერთო რადიომაუწყებლობის ლიცენზიის მისაღებად შპს „რადიო გურიას“ მიერ წარმოდგენილ პროგრამების გავრცელებისათვის გამოსაყენებელი ტექნიკური საშუალებების თაობაზე დოკუმენტში დასაზუსტებელი იყო ინფორმაცია თუ რომელი ძირითადი საშუალებით და ტექნოლოგიით  მოხდებოდა  IP  ნაკადის  მიწოდება  ქსელის  გადამცემ  სადგურამდე,  ასევე  ფორმაში  - „ინფორმაცია განთავსებული კაპიტალისა და აქტივების საკუთრებისა და წარმოშობის შესახებ“ მითითებული მონაცემები არ შეესაბამებოდა აუდიტორული კომპანიის დასკვნაში მითითებულ ინფორმაციას.

4. მოსამზადებელ სხდომაზე აღინიშნა, რომ შპს „რადიო გურიის“ მიერ წარმოდგენილი, საკუთარი პასუხისმგებლობით შევსებული შესაბამისობის დეკლარაციის თანახმად, შპს „რადიო გურიას“ დირექტორი და 100%-იანი წილის მფლობელია ჯაბა გველებიანი (პ/ნ 33001066138). კომისია აღნიშნავს, რომ წარმოდგენილი შესაბამისობის დეკლარაციით კომპანიის დირექტორი ადასტურებს, რომ ლიცენზიის მაძიებელი ან/და მისი ბენეფიციარი მესაკუთრე არ წარმოადგენს: საქართველოს ან სხვა სახელმწიფოს ადმინისტრაციულ ორგანოს, ადმინისტრაციული ორგანოს თანამდებობის პირს, სხვა საჯარო მოხელეს, ადმინისტრაციულ ორგანოსთან ურთიერთდამოკიდებულების მქონე იურიდიულ პირს. საქართველოს ან სხვა სახელმწიფოს პოლიტიკურ პარტიას, პოლიტიკური პარტიის თანამდებობის პირს; ოფშორულ ზონაში რეგისტრირებულ იურიდიულ პირს; იურიდიულ პირს, რომლის წილს ან აქციებს პირდაპირ ან ირიბად ფლობს ოფშორულ ზონაში რეგისტრირებული პირი.

5. კომისიის მიერ უფლებამოსილებისა და შესაძლებლობების ფარგლებში, საჯაროდ ხელმისაწვდომი წყაროებიდან გადამოწმებულ იქნა დეკლარაციაში მითითებული ინფორმაციის  შესაბამისობა „მაუწყებლობის შესახებ“ საქართველოს კანონის 37-ე და 371 მუხლით გათვალისწინებულ მოთხოვნებთან, კერძოდ გადამოწმდა შპს „რადიო გურიის“ დირექტორის და 100%-იანი წილის მფლობელის ჯაბა გველებიანის  მონაცემები  თანამდებობის  პირთა  ქონებრივი  დეკლარაციების ვებ- გვერდზე (https://portal.acb.gov.ge). გადამოწმების შედეგად ზემოაღნიშნული ფიზიკური პირის მონაცემები მითითებულ ვებ-გვერდზე არ იძებნება. კომისია აღნიშნავს, რომ შპს „რადიო გურიას“ პარტნიორის მონაცემები გადამოწმდა მოქალაქეთა პოლიტიკური გაერთიანებების (პარტიების) რეესტრის ვებ-გვერდზე www.napr.gov.ge გადამოწმების შედეგად მონაცემები მითითებულ ვებ-გვერდზეც არ იძებნება.

6. კომისია აღნიშნავს, რომ ”მაუწყებლობის შესახებ” საქართველოს კანონის მე-60 მუხლის პირველი პუნქტის თანახმად პირს უფლება აქვს, დამოუკიდებლად ან მასთან ურთიერთდამოკიდებულების მქონე პირთან ერთად თითო მომსახურების ზონაში ფლობდეს არაუმეტეს 1 საერთო საეთერო სატელევიზიო არხს და 1 საერთო საეთერო რადიოარხს. ამავე კანონის მე-2 მუხლის ჰ11) პუნქტის თანახმად ურთიერთდამოკიდებულება ეს არის ურთიერთობა, რომელიც არსებობს, თუ ერთი პირი პირდაპირ ან ირიბად ფლობს მეორე პირის აქციებს ან საწესდებო კაპიტალის წილს, არის მისი თანამდებობის პირი, ან მისთვის ან მისი აქციონერის, პარტნიორის ან თანამდებობის პირისთვის ასრულებს რაიმე ანაზღაურებად სამუშაოს; აგრეთვე თუ ერთი მაუწყებელი ახორციელებს მაუწყებლობას მეორე მაუწყებლის მეშვეობით. მოსამზადებელ სხდომაზე აღინიშნა რომ  გადამოწმდა შპს „რადიო გურიას“ ურთიერთდამოკიდებულება მაუწყებლობის სფეროში ლიცენზიის მფლობელ სხვა პირებთან. გადამოწმების შედეგად ურთიერთდამოკიდებულება რადიომაუწყებლობის ლიცენზიის მფლობელ სხვა პირებთან არ დადგინდა. ასევე აღსანიშნავია, რომ შპს „რადიო გურია“ არ ფლობს ლიცენზიას მაუწყებლობის სფეროში. შესაბამისად შპს ”რადიო გურიას” კონკურსში გამარჯვების შემთხვევაში არ დაირღვევა ”მაუწყებლობის შესახებ” საქართველოს კანონის მე-60 მუხლით გათვალისწინებული მოთხოვნა მაუწყებლის საკუთრების კონცენტრაციის აკრძალვასთან დაკავშირებით.

7. კომისიის 2025 წლის 11 ივლისის სხდომაზე მიღებულ იქნა №გ-25-10/372 გადაწყვეტილება „საეთერო მაუწყებლობის მომსახურების ზონა №13-ში კერძო საერთო რადიომაუწყებლობის ლიცენზიის მოსაპოვებლად   კომისიის 2025   წლის 5 ივნისის №გ-25-10/285   გადაწყვეტილებით გამოცხადებულ კონკურსში მონაწილე ლიცენზიის მაძიებლისთვის დოკუმენტაციის წარმოდგენის დამატებითი   ვადის განსაზღვრის შესახებ“ რომლის შესაბამისად შპს „რადიო გურიას“ დოკუმენტაციის წარმოდგენის მიზნით მიეცა ვადა 2025 წლის 23 ივლისის 18:00 საათამდე. შპს „რადიო გურიას“ მიერ 2025 წლის 18 ივლისს (წერილის კომისიაში რეგისტრაციის №შ-25-6/2953) წარმოდგენილ იქნა კომისიის 2025 წლის 11 ივლისის №გ-25-10/372 გადაწყვეტილებით  განსაზღვრული დოკუმენტაცია.

8. ზეპირი მოსმენა საეთერო მაუწყებლობის მომსახურების ზონა №13-ში კერძო საერთო რადიომაუწყებლობის ლიცენზიის მოსაპოვებლად გამოცხადებულ კონკურსზე ჩატარდა 2025 წლის 14 აგვისტოს 13:00 საათზე. ზეპირი მოსმენის სხდომას ესწრებოდა შპს „რადიო გურიას“ დირექტორი ჯაბა გველებიანი. სხდომაზე აღინიშნა რომ კომპანიის მიერ წარმოდგენილი დოკუმენტაცია (მათ შორის განსახორციელებელი საქმიანობის დაფინანსების გეგმა და ინფორმაცია დაფინანსების წყაროების შესახებ; დოკუმენტაცია პროგრამების გავრცელებისათვის გამოსაყენებელი ტექნიკური საშუალებების თაობაზე; ცნობა ნებადართული კაპიტალისა და მისი განაღდებული ნაწილის შესახებ, ცნობა აქტივებისა და პასივების შესახებ, ინფორმაცია განთავსებული კაპიტალისა და აქტივების საკუთრებისა და წარმოშობის შესახებ, მნიშვნელოვანი  წილის  მფლობელ  პარტნიორთა/აქციონერთა  ქონებრივი  დეკლარაცია)  შესაბამისობაშია „მაუწყებლობის  შესახებ“  საქართველოს  კანონთან  და  კომისიის 2025  წლის  5  ივნისის  №გ-25-10/285 გადაწყვეტილებით გამოცხადებულ კონკურსის პირობებთან.

9. ზეპირი მოსმენის სხდომაზე წარმოდგენილ იქნა კომისიის აპარატის მედიამომსახურებების რეგულირების დეპარტამენტის დასკვნა (სამსახურებრივი ბარათი №25-10-1747, 11.08.2025) საეთერო მაუწყებლობის მომსახურების ზონა №13-ში კერძო საერთო რადიომაუწყებლობის ლიცენზიის მაძიებლის (შპს „რადიო გურიას“) მიერ საკონკურსოდ წარმოდგენილი სამაუწყებლო კონცეფციის შეფასების თაობაზე (შპს „რადიო გურიას“ მიერ წარმოდგენილი სამაუწყებლო კონცეფცია იხილეთ დანართის სახით). დასკვნაში აღნიშნულია, რომ საძიებელი ლიცენზიის სახეობაა კერძო საერთო რადიომაუწყებლობა. ”მაუწყებლობის შესახებ” საქართველოს კანონის მე–2 მუხლის „ლ“ პუნქტის შესაბამისად, კერძო მაუწყებლობა არის ამ კანონით დადგენილი წესით, კერძო სამართლის კომერციული ან არაკომერციული პირის მიერ განხორციელებული მაუწყებლობა, რომელიც არ არის არც საზოგადოებრივი მაუწყებლობა, არც სათემო მაუწყებლობა და არც საუნივერსიტეტო მაუწყებლობა. ამავე კანონის მე-2 მუხლის „ჯ“ პუნქტის შესაბამისად, საერთო მაუწყებლობა არის არანაკლებ 2 თემატიკის, მათ შორის, ახალი ამბებისა და საზოგადოებრივ-პოლიტიკური თემატიკის, პროგრამებით მაუწყებლობა.

სამაუწყებლო კონცეფციის შესწავლის საფუძველზე ირკვევა, შპს „რადიო გურია“ წარმოადგენს რეგიონულ მაუწყებელს, რომელიც ემსახურება გურიის მოსახლეობას - მათ შორის, ოზურგეთის, ჩოხატაურისა და ბახმაროს ტერიტორიაზე მცხოვრებ მოქალაქეებს. რადიომაუწყებლობა ხორციელდება საზოგადოებრივად მნიშვნელოვანი და მრავალფეროვანი შინაარსის პროგრამების წარმოებით. მაუწყებლობის მიზანია მოსახლეობის ინფორმირება, დემოკრატიული პროცესების მხარდაჭერა, ადგილობრივი კულტურის, ფოლკლორის, ისტორიის პოპულარიზაცია. შპს „რადიო გურიას“ სამაუწყებლო კონცეფცია ითვალისწინებს როგორც ახალი ამბებისა და საზოგადოებრივ-პოლიტიკური თემატიკის პროგრამებით მაუწყებლობას, ასევე - შემეცნებითი და საგანმანათლებლო პროგრამებით მაუწყებლობას. ზემოაღნიშნულიდან გამომდინარე, შპს "რადიო გურიას“ სამაუწყებლო კონცეფცია შესაბამისობაშია კომისიის 2024 წლის 11 ივლისის №გ-24-21/299 გადაწყვეტილებით დამტკიცებულ  რადიომაუწყებლობის  პრიორიტეტებთან   და  აკმაყოფილებს „მაუწყებლობის შესახებ” საქართველოს კანონით და კომისიის 2025 წლის 5 ივნისის №გ-25-10/285 გადაწყვეტილების მე-2 პუნქტით განსაზღვრულ პროგრამირების მინიმალურ მოთხოვნებს.

10. ”მაუწყებლობის შესახებ” საქართველოს კანონის 43-ე მუხლის  მე-11 პუნქტის შესაბამისად თუ კონკურსში მონაწილეობს 1 ლიცენზიის მაძიებელი, იგი გამარჯვებულად ცხადდება მის მიერ სალიცენზიო გადასახდელის გადახდის დადასტურების შემთხვევაში. ზეპირი მოსმენის სხდომაზე შპს „რადიო გურიას“ დირექტორმა ჯაბა გველებიანმა სალიცენზიო გადასახდელის - 6,642.00 (ექვსი ათას ექვსასორმოცდაორი ლარი) ლარის გადახდაზე თანხმობა განაცხადა.

11. კომისია აღნიშნავს, რომ საკონკურსო სხდომა საეთერო მაუწყებლობის მომსახურების ზონა №13-ში კერძო საერთო რადიომაუწყებლობის ლიცენზიის მოსაპოვებლად გამოცხადებულ კონკურსზე ჩატარდა 2025 წლის 21 აგვისტოს 13:00 საათზე. სხდომაზე აღინიშნა, რომ კომისიის მიერ შესწავლილ იქნა შპს ”რადიო გურიას“ მიერ წარმოდგენილი სამაუწყებლო კონცეფცია და კომისიის აპარატის მედიამომსახურებების რეგულირების დეპარტამენტის დასკვნის საფუძველზე კომისიამ მიიჩნია, რომ სამაუწყებლო კონცეფცია აკმაყოფილებს ”მაუწყებლობის შესახებ” საქართველოს კანონის მე–2 მუხლის ჯ) პუნქტის და კომისიის 2025 წლის 5 ივნისის №გ-25-10/285    გადაწყვეტილების მოთხოვნებს. ასევე შპ ”რადიო გურიას“ მიერ საკონკურსოდ წარმოდგენილი სხვა დოკუმენტაციაც შესაბამისობაშია კომისიის 2025  წლის 5 ივნისის №გ-25-10/285 გადაწყვეტილების მოთხოვნებთან. სხდომაზე ასევე აღინიშნა რომ ზეპირი მოსმენის სხდომაზე შპს ”რადიო გურიას“ დირექტორმა ჯაბა გველებიანმა სალიცენზიო გადასახდელის გადახდაზე თანხმობა განაცხადა.

II. სარეზოლუციო ნაწილი

ზემოაღნიშნულიდან გამომდინარე, ,,მაუწყებლობის შესახებ’’ საქართველოს კანონის მე-5 მუხლის მე-3 პუნქტის ჟ) ქვეპუნქტის, 43-ე მუხლისა და კომისიის 2025  წლის 5 ივნისის №გ-25-10/285 გადაწყვეტილების შესაბამისად, კომისიამ კენჭისყრის შედეგად, ერთხმად

გადაწყვიტა:

1. საეთერო მაუწყებლობის მომსახურების ზონა №13-ში კერძო საერთო რადიომაუწყებლობის ლიცენზიის მოსაპოვებლად   კომისიის 2025   წლის 5 ივნისის №გ-25-10/285 გადაწყვეტილებით გამოცხადებულ კონკურსში გამარჯვებულად გამოცხადდეს შპს ”რადიო გურია“ (ს/კ  405787224);

2.  უზრუნველყოს შპს ”რადიო გურიამ“ ერთი თვის ვადაში, სალიცენზიო გადასახდელის 20%-ის - 1,328.40 (ერთი ათას სამას ოცდარვა ლარი და 40 თეთრი) ლარის საქართველოს ცენტრალურ სახელმწიფო ბიუჯეტში გადახდა შემდეგი რეკვიზიტების მიხედვით:

მიმღები - ხაზინის ერთიანი ანგარიში - 200122900

ბანკი - სახელმწიფო ხაზინა მიმღების ბანკის კოდი  - TRESGE22 სახაზინო  კოდი - 300773062

3. კომისია გადაწყვეტილებას კონკურსში გამარჯვებულისათვის ლიცენზიის გაცემის თაობაზე მიიღებს სალიცენზიო   გადასახდელის   20%-ის   საქართველოს ცენტრალურ   სახელმწიფო   ბიუჯეტში  გადახდის დამადასტურებელი დოკუმენტების წარმოდგენიდან 7 სამუშაო დღის განმავლობაში.

4. კონკურსში გამარჯვებულის მიერ წინამდებარე გადაწყვეტილების მე–2 პუნქტით განსაზღვრული სალიცენზიო გადასახდელის 20%-ის ამავე გადაწყვეტილებით დადგენილ ვადაში გადაუხდელობის შემთხვევაში, კომისია მიიღებს გადაწყვეტილებას ლიცენზიის გაცემაზე უარის თქმის შესახებ. ამ შემთხვევაში ლიცენზიის მაძიებელს 2 წლით ეზღუდება  კონკურსში მონაწილეობის უფლება;

5.  სალიცენზიო გადასახდელის საწყისი ოდენობის დარჩენილი 70%-ის ანუ 4 649.40 (ოთხი ათას ექვსას ორმოცდაცხრა და 40 თეთრი) ლარის გადახდა განხორციელდეს ლიცენზიის მოქმედების ვადის პირველი წლის განმავლობაში კონკურსში გამარჯვებული პირისათვის ლიცენზიის გაცემის შესახებ კომისიის გადაწყვეტილებით განსაზღვრული წესით;

6. დაევალოს კომისიის აპარატის ადმინისტრაციის საფინანსო-საბიუჯეტო ჯგუფს (ნ. დევდარიანი) კონკურსში გამარჯვებული ლიცენზიის მაძიებლის მიერ კომისიის ანგარიშზე ჩარიცხული სალიცენზიო გადასახდელის 10%-ის საქართველოს ცენტრალური სახელმწიფო ბიუჯეტის ანგარიშზე დაუყოვნებლივ გადარიცხვა;

7. დაევალოს კომისიის აპარატის ადმინისტრაციას (ბ. გასვიანი) აღნიშნული გადაწყვეტილების კომისიის ოფიციალურ ვებ-გვერდზე (www.comcom.ge) გამოქვეყნება და შპს ”რადიო გურიასთვის” გაგზავნა;

8. გადაწყვეტილება ძალაში შევიდეს აღნიშნული გადაწყვეტილების შპს ”რადიო გურიასთვის” ჩაბარების დღიდან;

9. გადაწყვეტილება შეიძლება გასაჩივრდეს ქ.თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი №64) შპს ”რადიო გურიასთვის” ჩაბარებიდან ერთი  თვის ვადაში; 

10. კონტროლი აღნიშნული გადაწყვეტილების მე-2 პუნქტის შესრულებაზე დაევალოს კომისიის აპარატის ადმინისტრაციის საფინანსო-საბიუჯეტო ჯგუფს (ნ. დევდარიანი);

11. კონტროლი აღნიშნული გადაწყვეტილების შესრულებაზე (გარდა მე-2, მე-6 და მე-7 პუნქტებისა) დაევალოს კომისიის აპარატის იურიდიული დეპარტამენტის ავტორიზაციისა და ლიცენზირების ჯგუფს (მ. ქადეიშვილი).