შპს „ქეი ენდ ქეი თივის“-ს (ს/კ 445463542) საოპერაციო აქტივების შპს  „გრინტვ“-ზე(ს/კ 445488712) გასხვისებაზე თანხმობის მიცემის საკითხის განხილვის შესახებ

საქართველოს კომუნიკაციების ეროვნული კომისიას (შემდგომში “კომისია“) 2025 წლის 17 იანვარს განცხადებით (კომისიაში რეგისტრაციის ნომერი შ.-25-6/161) მიმართა შპს „ქეი ენდ ქეი თივი“-ს (ს/კ 445463542)) დირექტორმა როსტომ ნაგერვაძემ საოპერაციო აქტივის, კერძოდ ქ. ბათუმში სს "სილქნეტის" საკომუნიკაციო საკანალიზაციო არხებში(ჭებში) განთავსებული მისი კუთვნილი ოპტიკური ბოჭკოვანი კაბელების შპს „გრინტვ“-ზე გასხვისებაზე   წინასწარი თანხმობის მიღების მოთხოვნით.

“ელექტრონული კომუნიკაციების შესახებ“ საქართველოს კანონის 26-ე მუხლის პირველი პუნქტის თანახმად, შერწყმის ან წილის, აქციების ან საოპერაციო აქტივის შეძენის განზრახვის შესახებ კომისიას უნდა ეცნობოს შეძენის განხორციელებამდე. შეტყობინების ვალდებულება ეკისრება ავტორიზებულ პირს, რომელიც მონაწილეობს შერწყმაში, ან რომლის წილის, აქციების, ან საოპერაციო აქტივის შეძენაც ხდება.

“ელექტრონული კომუნიკაციების შესახებ“ საქართველოს კანონის 27-ე მუხლის პირველი პუნქტის შესაბამისად, კომისია უფლებამოსილია შერწყმის ან შეძენის თაობაზე ავტორიზებული პირის სრულყოფილი შეტყობინების მიღებიდან 15 დღის ვადაში გასცეს თანხმობა შერწყმაზე ან შეძენაზე ან ბაზრის შესაბამის სეგმენტზე არსებულ კონკურენციაზე შესაძლო გავლენის მოხდენის დადგენის მიზნით მიიღოს გადაწყვეტილება შერწყმის ან შეძენის გამოკვლევის თაობაზე ადმინისტრაციული წარმოების დაწყების შესახებ.

შპს „ქეი ენდ ქეი თივი“ 2015 წლის 11 ივნისიდან წარმოადგენს ელექტრონული კომუნიკაციების სფეროში ავტორიზებულ პირს და მას ავტორიზაცია გავლილი აქვს ელექტრონული კომუნიკაციების მომსახურების შემდეგ სახეებზე:

A.F.1 ადგილობრივი დაშვების (სადენიანი) ქსელითა და/ან (სადენიანი) ქსელის ტერმინალური საშუალებებით უზრუნველყოფა

კოაქსიალური (საკაბელო) ადგილობრივი (სააბონენტო) დაშვების ქსელის ფუნქციური რესურსებითა და სიმძლავრეებით უზრუნველყოფა

კოაქსიალური (საკაბელო) ადგილობრივი (სააბონენტო) დაშვების ქსელის ტერმინალური საშუალებების ფუნქციური რესურსებითა და სიმძლავრეებით უზრუნველყოფა

A.F.4 მაგისტრალური საკომუნიკაციო ციფრული სისტემის სახაზო (სადენიანი)  გატარების საშუალებებითა და/ან მაგისტრალური საკომუნიკაციო ციფრული (სადენიანი) სისტემების ტერმინალური საშუალებებით უზრუნველყოფა

ოპტიკურ-ბოჭკოვანი მაგისტრალური  სახაზო საშუალებების ფუნქციური რესურსებითა და სიმძლავრეებით უზრუნველყოფა

ოპტიკურ-ბოჭკოვანი მაგისტრალური საკომუნიკაციო ციფრული სისტემების ტერმინალური საშუალებებს ფუნქციური რესურსებითა და სიმძლავრეებით უზრუნველყოფა

მეწარმეთა და არასამეწარმეო (არაკომერციული) იურიდიული პირების რეესტრიდან ამონაწერის და კომისიის ავტორიზებულ პირთა უწყებრივი რეესტრის მონაცემების თანახმად შპს „ქეი ენდ ქეი თივი“-ს პარტნიორები არიან:

შპს „ქეი ენდ ქეი თივი“ , მისი მფლობელები და მისი დირექტორი როსტომ ნაგერვაძე ელექტრონული კომუნიკაციების სფეროში ავტორიზებულ პირებში წილებს არ ფლობენ, შესაბამისად “ელექტრონული კომუნიკაციების შესახებ“ საქართველოს კანონის მე-2 მუხლის ჰ33 ქვეპუნქტის თანახმად ისინი საქართველოში სხვა ავტორიზებულ პირებთან ურთიერთდამოკიდებული (აფილირებული) არ არიან.

შპს „გრინტვ-ის“ 2016 წლის 1 აგვისტოდან წარმოადგენს ელექტრონული კომუნიკაციების სფეროში ავტორიზებულ პირს და მას ავტორიზაცია გავლილი აქვს ელექტრონული კომუნიკაციების მომსახურების შემდეგ სახეებზე:

A.F.1 ადგილობრივი დაშვების (სადენიანი) ქსელითა და/ან (სადენიანი) ქსელის ტერმინალური საშუალებებით უზრუნველყოფა

ოპტიკურ-ბოჭკოვანი ადგილობრივი (სააბონენტო) დაშვების ქსელის ფუნქციური რესურსებითა და სიმძლავრეებით უზრუნველყოფა

ოპტიკურ-ბოჭკოვანი ადგილობრივი (სააბონენტო) დაშვების ქსელის ტერმინალური საშუალებების ფუნქციური რესურსებითა და სიმძლავრეებით უზრუნველყოფა

A.F.3  ძირითადი საკომუტაციო ქსელის შესაბამისი ელემენტებითა და საშუალებებით უზრუნველყოფა

პაკეტური საკომუტაციო საშუალებების ფუნქციური რესურსებითა და სიმძლავრეებით უზრუნველყოფა

B.F.2  ინტერნეტ მომსახურება

ოპტიკური ქსელით ინტერნეტ მომსახურება

ბოლო მომხმარებლების ინტერნეტ ჰოსტინგის მომსახურება

B.F.4  მაუწყებლობის ტრანზიტი

ტელემაუწყებლობის ტრანზიტი

მეწარმეთა და არასამეწარმეო (არაკომერციული) იურიდიული პირების რეესტრიდან ამონაწერის და კომისიის  ავტორიზებულ  პირთა  უწყებრივი  რეესტრის  მონაცემების  თანახმად  „გრინტვ“-ის დამფუძნებელი და დირექტორი არის:

„გრინტვ“ და მისი დამფუძნებელი/დირექტორი გენადი ჩხაიძე ელექტრონული კომუნიკაციების სფეროში ავტორიზებულ პირებში წილებს არ ფლობენ, შესაბამისად “ელექტრონული კომუნიკაციების შესახებ“ საქართველოს კანონის მე-2 მუხლის ჰ33   ქვეპუნქტის თანახმად ისინი საქართველოში სხვა ავტორიზებულ პირებთან ურთიერთდამოკიდებული (აფილირებული) არ არიან.

კომისიის საერთო სტატისტიკური ბაზის მონაცემების თანახმად, შპს „ქეი ენდ ქეი თივი“ ახორციელებს საბითუმო საკომუნიკაციო მომსახურებას.    აღნიშნული მომსახურებებიდან მიღებულმა ჯამურმა შემოსავალმა 2023 წლის იანვრიდან 2024 წლის დეკემბრის ჩათვლით შეადგინა

16 984  ლარი  (დღგ-ს გარეშე), რაც  შესაბამის მომსახურების სეგმენტზე საბაზრო წილი შეადგენს 0,1%-ს.

შპს „გრინტვ“-ი კომისიის საერთო სტატისტიკური ბაზის მონაცემების თანახმად, ახორციელებს საბითუმო საკომუნიკაციო მომსახურებას   - ოპტიკური ბოჭკოვანი კაბელებით მომსახურება და ფიქსირებულ საცალო ინტერნეტ მომსახურებას ქ. ბათუმსა და ხელვაჩაურის რაიონში და აღნიშნული მომსახურებიდან ჯამურმა შემოსავალმა და აბონენტების რაოდენობამ 2023 წლის იანვრიდან 2024 წლის დეკემბრის ჩათვლით შეადგინა:

ყოველივე ზემოაღნიშნულიდან გამომდინარე, შპს „ქეი ენდ ქეი თივი“-ს საოპერაციო აქტივების, კერძოდ ქ. ბათუმში სს "სილქნეტი"-ს საკომუნიკაციო საკანალიზაციო არხებში განთავსებული ოპტიკური ბოჭკოვანი კაბელების   შპს „გრინტვ“-ზე გასხვისება ბაზრის შესაბამის სეგმენტზე გავლენას არ იქონიებს და აღნიშნული ტრანზაქცია შეიძლება მიჩნეულ იქნეს თავსებადად ელექტრონული კომუნიკაციების ბაზარზე არსებულ კონკურენტულ გარემოსთან და არ არსებობს თანხმობის მიცემის  დამაბრკოლებელი გარემოებები.

კომისია დამატებით აღნიშნავს, რომ სატელეკომუნიკაციო ბაზარზე არსებული კონკურენტული გარემო დინამიურობით გამოირჩევა, ამიტომ მიზანშეწონილია კომისიის მიერ გაცემული შესაბამისი თანხმობა ავტორიზებული პირის წილის შეძენაზე, ძალაში დარჩეს მაქსიმუმ 6 (ექვსი) თვის განმავლობაში. ეს არის სავარაუდოდ ის გონივრული ვადა, რა დროშიც არსებითად შეიძლება შეიცვალოს ბაზრის კონიუნქტურა, ავტორიზებული პირების ხვედრითი საბაზრო წილები და ა.შ. აღნიშნულ ვადაში ტრანზაქციის განუხორციელებლობის შემთხვევაში, სავალდებულო იქნება ხელახალი თანხმობის მიღება.

“ელექტრონული კომუნიკაციების შესახებ“ საქართველოს კანონის 25-ე, 26-ე და 27-ე მუხლების შესაბამისად, კომისიამ კენჭისყრის შედეგად, ერთხმად

გ ა დ ა წ ყ ვ ი ტ ა :

1.მიეცეს თანხმობა შპს „ქეი ენდ ქეი თივი“-ს მისი კუთვნილი საოპერაციო აქტივების, კერძოდ ქ. ბათუმში სს "სილქნეტის" საკომუნიკაციო საკანალიზაციო არხებში განთავსებული ოპტიკური ბოჭკოვანი კაბელების  შპს „გრინტვ“-ზე გასხვისებაზე;

2.განემარტოთ შპს „ქეი ენდ ქეი თივი“-ს, რომ ამ გადაწყვეტილების შესაბამისად, შპს „ქეი ენდ ქეი თივი“-ს კუთვნილი საოპერაციო აქტივის შპს „გრინტვ-ის“ მიერ შეძენის შემთხვევაში, კომპანიები ვალდებულნი არიან აღნიშნულის თაობაზე კომისიას აცნობონ შესაბამისი ტრანზაქციის განხორციელებიდან 7 სამუშაო დღის ვადაში;

3.ამ გადაწყვეტილებით  კომისიის მიერ გაცემული თანხმობა ძალაშია გადაწყვეტილების მიღებიდან      6 (ექვსი) თვის  განმავლობაში.  აღნიშნულ ვადაში  ტრანზაქციის განუხორციელებლობის შემთხვევაში, კომპანიები   ვალდებული არიან ხელახლა მიმართონ კომისიას თანხმობის მისაღებად;