საქართველოს კომუნიკაციების ეროვნული კომისიის 2011 წლის 25 მარტის N144/22 გადაწყვეტილების ნაწილობრივ ძალადაკარგულად ცნობისა და  სტატისტიკური ანგარიშგების ფორმების დამტკიცების შესახებ“ საქართველოს კომუნიკაციების ეროვნული კომისიის 2016 წლის 11 თებერვლის N95/19 გადაწყვეტილებაში ცვლილების შეტანის შესახებ

საქართველოს კომუნიკაციების ეროვნული კომისიის (შემდგომში „კომისია“) 2016 წლის 11 თებერვლის N95/19 გადაწყვეტილებით ნაწილობრივ ძალადაკარგულად იქნა ცნობილი 2011 წლის 25 მარტის N144/22 გადაწყვეტილება და დამტკიცდა ელექტრონული კომუნიკაციებისა და მაუწყებლობის სფეროში ლიცენზიის მფლობელი ან/და ავტორიზებული პირების მიერ კომისიაში წარმოსადგენი სტატისტიკური ანგარიშგების ფორმები და ელექტრონული კომუნიკაციებისა და მაუწყებლობის სფეროში ლიცენზიის მფლობელ ან/და ავტორიზებულ პირებს დაევალათ ამავე გადაწყვეტილების დანართი N1- ით განსაზღვრული სტატისტიკური ანგარიშგების ფორმების შევსება და კომისიაში წარმოდგენა გადაწყვეტილებაში მითითებული პერიოდულობით.

როგორც ცნობილია, მომხმარებელთა ინტერესების საზოგადოებრივი დამცველის სამსახური   წლიურ ანგარიშში იყენებს კომისიის სტატისტიკური ანგარიშგების ფორმას 1.10 (ინფორმაცია საჩივრების შესახებ), სატელეკომუნიკაციო კომპანიებში შემოსული მომხმარებელთა საჩივრების/პრეტენზიების რაოდენობებისა და კატეგორიების ჭრილში გამოსატანად, ამასთან, კომისია აღნიშნული ფორმის მეშვეობით აკვირდება კომპანიების მიმართ მომხმარებელთა მომართვიანობის მიზეზებსა და მათ აღმოფხვრასთან დაკავშირებულ სტატისტიკას. შესაბამისად, მნიშვნელოვანია ფორმა ოპერატორების მიერ ივსებოდეს სწორად და იძლეოდეს მონაცემების გაანალიზების საშუალებას. 2024 წლის 12 აგვისტოს სს „სილქნეტისგან“ შემოვიდა წერილი (კომისიაში რეგისტრაციის Nშ-24-6/3482), რომლითაც კომპანიამ დააყენა საკითხი ავტორიზებული პირების მიერ ფორმების შევსებასთან დაკავშირებულ შესაძლო არაერთგვაროვნებაზე. კომისიამ დაიწყო საკითხის შესწავლა და გამართა არაერთი სამუშაო შეხვედრა შესაბამის ავტორიზებულ პირებთან.

რიგი შეხვედრებისა და კონსულტაციების შედეგად, შემუშავდა ფორმა 1.10-ის განახლებული   ვერსია.  ცვლილებების   შედეგად   უფრო   დეტალურად   ჩამოყალიბდა ფორმაში შემავალი მონაცემების რაობა შესაძლო გაურკვევლობის მაქსიმალურად აღმოსაფხვრელად. ამასთან, მომხმარებელთა ინტერესების საზოგადოებრივი დამცველის სამსახურის წარმომადგენლებთ ნკონსულტაციების შედეგად მიზანშეწონილად იქნა მიჩნეული გაზრდილიყო იმ ოპერატორების რაოდენობა, ვინც შეავსებდა განახლებულ ფორმა 1.10-ს. განისაზღვრა, რომ აღნიშნული ფორმის შევსება დაევალოთ ელექტრონული კომუნიკაციების სფეროში ავტორიზებული პირებს, რომელთა მობილური, ფიქსირებული ინტერნეტის, ფიქსირებული ტელეფონიისა ან/და მაუწყებლობის ტრანზიტის აბონენტთა ჯამური რაოდენობა საანგარიშო პერიოდში შეადგენს ან აღემატება ათას აბონენტს.

კომისიამ დაინტერესებულ პირებს გააცნო ცვლილებები და დეტალურად განუმარტა შევსების წესები. ფორმის განახლებაზე მუშაობის პროცესში ელექტრონულ კომუნიკაციების სფეროში ავტორიზებულ პირებს, ასევე, მიეცათ საშუალება დაეფიქსირებინათ დამატებითი კითხვები განხორციელებულ ცვლილებებთან დაკავშირებით, რაც იქნა განხილული და შესაბამისად გათვალისწინებული.

ზემოაღნიშნულიდან გამომდინარე, საქართველოს ზოგადი ადმინისტრაციული კოდექსის 63-ე მუხლის, „ელექტრონული კომუნიკაციების შესახებ“ საქართველოს კანონის მე-4, მე-11 მუხლის მე-2 პუნქტის ა) ქვეპუნქტის   შესაბამისად, კომისიამ კენჭისყრის შედეგად ერთხმად

გადაწყვიტა:

1. შევიდეს ცვლილება „საქართველოს კომუნიკაციების ეროვნული კომისიის 2011 წლის 25 მარტის N144/22 გადაწყვეტილების ნაწილობრივ ძალადაკარგულად ცნობისა და სტატისტიკური ანგარიშგების ფორმების დამტკიცების შესახებ“ კომისიის 2016 წლის 11 თებერვლის N95/19 გადაწყვეტილებაში და მისი დანართი-1-ის ფორმა 1.10 (ინფორმაცია აბონენტების მიერ მომსახურების მიღებასთან დაკავშირებული პრობლემის თაობაზე ოპერატორთან მომართვის შესახებ) ჩამოყალიბდეს თანდართული რედაქციით;

2. მიმდინარე გადაწყვეტილება ძალაში შევიდეს კომისიის ვებგვერდზე გამოქვეყნებისთანავე;

3. დანართი  N1-ით  განსაზღვრულ,  ელექტრონული  კომუნიკაციების  სფეროში ავტორიზებულ შესაბამის პირებს დაევალოთ 2025 წლის 20 დეკემბრამდე ვადაში, სტატისტიკური ანგარიშგების ფორმა 1.10 განახლებული სახით შევსებულ იქნას 2025 წლის პირველი ნოემბრის პერიოდიდან;

4. გადაწყვეტილება შეიძლება გასაჩივრდეს ქ. თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, დავით აღმაშენებლის ხეივანი მე-12 კმ, N6) ერთი თვის ვადაში;

5. დაევალოს კომისიის ადმინისტრაციას (ბ. გასვიანი) წინამდებარე გადაწყვეტილების კომისიის ვებ-გვერდზე (www.comcom.ge) გამოქვეყნება;

6. კონტროლი აღნიშნული გადაწყვეტილების შესრულებაზე დაევალოს კომისიის აპარატის კონკურენციის  ხელშეწყობისა  და  ბაზრის რეგულირების  დეპარტამენტს (ე. სიჭინავა).

დანართი 1

1.10 ინფორმაცია აბონენტების მიერ მომსახურების მიღებასთან დაკავშირებული პრობლემის თაობაზე ოპერატორთან მომართვის შესახებ

ივსება თვეში ერთხელ, შესაბამისი პერიოდის დასრულებიდან არაუგვიანეს 20 კალენდარული დღისა არ წარმოადგენს კომერციულ საიდუმლოს ავსებენ ავტორიზებული პირები, რომელთა მობილური, ფიქსირებული ინტერნეტის, ფიქსირებული ტელეფონიისა ან/და მაუწყებლობის ტრანზიტის აბონენტთა ჯამური რაოდენობა საანგარიშო პერიოდის ბოლოს შეადგენს ან აღემატება ათას აბონენტს ინფორმაცია აბონენტების მიერ მომსახურების მიღებასთან დაკავშირებული პრობლემის თაობაზე ოპერატორთან მომართვის შესახებ (მათ შორის, პრობლემის აღმოფხვრის მოთხოვნით განცხადების ან მომსახურების გაწევისას დარღვეული უფლების აღდგენის მოთხოვნით პრეტენზიის, საჩივრის შესახებ, რაც მოიცავს პრობლემებს, რომლებიც მომსახურების მიმწოდებელმა, მიუხედავად მომხმარებლის მომართვისა, არ ან ვერ აღმოფხვრა)

* - აღნიშნულია სავალდებულო ველები