„ადგილობრივი მაუწყებლობის ზონალური დაყოფის შესახებ“ საქართველოს კომუნიკაციების ეროვნული კომისიის 2006 წლის 5 დეკემბრის №10 დადგენილებაში ცვლილებების შეტანის შესახებ“ საქართველოს კომუნიკაციების ეროვნული კომისიის დადგენილების მიღების მიზნით საჯარო ადმინისტრაციული წარმოების დაწყების შესახებ

„ადგილობრივი მაუწყებლობის ზონალური დაყოფის შესახებ“ საქართველოს კომუნიკაციების ეროვნული კომისიის 2006 წლის 5 დეკემბრის №10 დადგენილებაში ცვლილებების შეტანის შესახებ“ საქართველოს კომუნიკაციების ეროვნული კომისიის დადგენილების მიღების მიზნით საჯარო ადმინისტრაციული წარმოების დაწყების შესახებ

კომისიის სხდომის თარიღი: 2025 წლის 25 დეკემბერი, 15:00 სთ

I.აღწერილობითი  ნაწილი

1.საქართველოს კომუნიკაციების ეროვნული კომისია (შემდგომში - „კომისია“) აღნიშნავს, რომ კომისიის 2006 წლის 5 დეკემბრის №10 დადგენილება   „ადგილობრივი   მაუწყებლობის ზონალური დაყოფის შესახებ“ საჭიროებს ცვლილებების შეტანას. რადიო მაუწყებლებისთვის რადიოსიხშირეების მინიჭებისას, კონკურსის გამოცხადებისას კომისია ხელმძღვანელობს „ადგილობრივი მაუწყებლობის ზონალური დაყოფის შესახებ“  2006 წლის  5 დეკემბრის  N10 დადგენილებით. კომისია, როგორც სამაუწყებლო დარგში მოქმედი მარეგულირებელი ორგანო ფლობს ინფორმაციას  რადიო   სამაუწყებლო   სექტორში  არსებული მდგომარეობისა და გამოწვევების შესახებ.  შედეგად, რადიო  მაუწყებლების  საქმიანობასთან დაკავშირებული სოციალური და ეკონომიკური  ზეგავლენის  შეფასების  საფუძველზე, კომისიამ მიზანშეწონილად მიიჩნია გადაეხედა  „ადგილობრივი მაუწყებლობის ზონალური დაყოფის შესახებ“  2006 წლის 5 დეკემბრის №10 დადგენილებით განსაზღვრული ადგილობრივი ზონალური მაუწყებლობის საზღვრებისათვის. განახლებული ზონალური დაყოფის პროექტი ითვალისწინებს საქართველოს ტერიტორიის 32 სამაუწყებლო ზონად დაყოფას.

2.ამდენად, შემუშავებულია „ადგილობრივი მაუწყებლობის ზონალური დაყოფის შესახებ“ საქართველოს კომუნიკაციების ეროვნული კომისიის 2006 წლის  5 დეკემბრის    №10 დადგენილებაში ცვლილებების შეტანის შესახებ“ კომისიის დადგენილების პროექტი, რომელიც ითვალისწინებს განხორციელებულ ცვლილებებს.

II.მარეგულირებელი კანონმდებლობა

3.  „მაუწყებლობის შესახებ“ საქართველოს კანონის მე-8 მუხლის მე-2 პუნქტის თანახმად, კომისიის დადგენილება არის  ნორმატიული  სამართლებრივი  აქტი,  რომელიც  მიიღება  ამ კანონის, „ეროვნული მარეგულირებელი ორგანოების შესახებ“ და „ელექტრონული კომუნიკაციების შესახებ“    საქართველოს  კანონებისა  და  სხვა  საკანონმდებლო  აქტების საფუძველზე, „ნორმატიული აქტების შესახებ“ საქართველოს კანონით დადგენილი წესით. ასევე, ამავე მუხლის მე-3 პუნქტის თანახმად, კომისიის გადაწყვეტილება არის ინდივიდუალური სამართლებრივი აქტი, რომელიც მიიღება კანონმდებლობით კომისიისთვის მინიჭებული უფლებამოსილების ფარგლებში.

4.    „ეროვნული მარეგულირებელი ორგანოების შესახებ“ საქართველოს კანონის მე-9 მუხლის მე-2 პუნქტის თანახმად, ეროვნული მარეგულირებელი ორგანოს ნორმატიული აქტია ეროვნული კომისიის დადგენილება, ხოლო ამავე მუხლის მე-3 პუნქტის თანახმად, ეროვნული მარეგულირებელი ორგანო ნორმატიულ აქტებს იღებს „ნორმატიული აქტების შესახებ“ საქართველოს კანონის შესაბამისად.

5.  „ნორმატიული    აქტების    შესახებ“    საქართველოს    ორგანული    კანონის    მე-20    მუხლი ითვალისწინებს ნორმატიული აქტის მიღების წესს. ამასთან, ამავე მუხლის მე-4 პუნქტის თანახმად, ნორმატიულ აქტში ცვლილების (ცვლილების (ცვლილებების) ან/და დამატების (დამატებების)) შეტანა ხდება მხოლოდ იმავე სახის ნორმატიული აქტით. იგი იმ ნორმატიული აქტის განუყოფელი ნაწილია, რომელშიც შეტანილ იქნა ცვლილება.

6.    საქართველოს ზოგადი ადმინისტრაციული კოდექსის 103-ე მუხლის 11 ნაწილის თანახმად, თუ კანონით სხვა რამ არ არის დადგენილი, კოლეგიური ადმინისტრაციული ორგანოს მიერ ნორმატიული ადმინისტრაციულ-სამართლებრივი აქტის მიღებისას გამოიყენება საჯარო ადმინისტრაციული წარმოებისათვის დადგენილი წესები. ამავე კოდექსის 1061 მუხლის პირველი ნაწილის თანახმად კი, ნორმატიული ადმინისტრაციულ-სამართლებრივი აქტის მიღების უფლების მქონე კოლეგიური ადმინისტრაციული ორგანოს მიერ ნორმატიული ადმინისტრაციულ-სამართლებრივი აქტის მისაღებად ადმინისტრაციული წარმოება დაიწყება ამავე ორგანოს გადაწყვეტილებით.

7.  საქართველოს  ზოგადი  ადმინისტრაციული  კოდექსის  116-ე  მუხლის  პირველი  ნაწილის მიხედვით, ადმინისტრაციული ორგანო ვალდებულია ამ კოდექსით დადგენილი წესით გამოაქვეყნოს ცნობა საჯარო გაცნობისათვის დოკუმენტების წარდგენის შესახებ.

8. საქართველოს  ზოგადი  ადმინისტრაციული  კოდექსის  118-ე  მუხლის  პირველი  ნაწილის მიხედვით, ყველას აქვს უფლება, წარადგინოს თავისი წერილობითი მოსაზრება 20 დღის განმავლობაში  ინდივიდუალური  ადმინისტრაციულ-სამართლებრივი  აქტის  გამოცემის შესახებ განცხადების ან ინდივიდუალური ადმინისტრაციულ-სამართლებრივი აქტის პროექტის საჯარო გაცნობისათვის წარდგენის დღიდან.

9. საქართველოს ზოგადი ადმინისტრაციული კოდექსის 177-ე მუხლის მე-4 ნაწილის თანახმად, ცალკე   გასაჩივრებას  არ  ექვემდებარება ადმინისტრაციული  წარმოების  საკითხთან დაკავშირებით მიღებული ადმინისტრაციული ორგანოს გადაწყვეტილება, გარდა იმ შემთხვევისა, თუ ეს პირდაპირ არის გათვალისწინებული კანონით ან შესაბამისი ადმინისტრაციულ-სამართლებრივი აქტისაგან დამოუკიდებლად არღვევს პირის უფლებას ან კანონიერ ინტერესს.

III.       სამოტივაციო ნაწილი

10.  დადგენილების მიღება მიზნად ისახავს ადგილობრივი სამაუწყებლო ზონების განახლებას და ხელახალი ზონალური საზღვრების დადგენას.

11. ამრიგად, მიზანშეწონილია დაიწყოს საჯარო ადმინისტრაციული წარმოება „ადგილობრივი მაუწყებლობის ზონალური დაყოფის შესახებ“ საქართველოს კომუნიკაციების ეროვნული კომისიის 2006 წლის 5 დეკემბრის №10 დადგენილებაში ცვლილებების შეტანისა შესახებ“ საქართველოს კომუნიკაციების ეროვნული კომისიის დადგენილების მიღების მიზნით.

IV.       სარეზოლუციო ნაწილი

12. ყოველივე ზემოაღნიშნულიდან გამომდინარე, საქართველოს ზოგადი ადმინისტრაციული კოდექსის 103-ე, 1061 და 1065 მუხლების, ამავე კოდექსის VII და IX თავების, 177-ე მუხლის მე-4 ნაწილის, „მაუწყებლობის შესახებ“ საქართველოს კანონის მე-8 მუხლის პირველი და მე-3 პუნქტების, „ეროვნული მარეგულირებელი ორგანოების შესახებ“ საქართველოს კანონის მე-9 მუხლის მე-2 და მე-3 პუნქტებისა და „ნორმატიული აქტების შესახებ“ საქართველოს ორგანული კანონის მე-20 მუხლის საფუძველზე, კომისიამ, კენჭისყრის შედეგად, ერთხმად

გ ა დ ა წ ყ ვ ი ტ ა:

1.  დაიწყოს საჯარო ადმინისტრაციული წარმოება „ადგილობრივი მაუწყებლობის ზონალური დაყოფის შესახებ“ საქართველოს კომუნიკაციების ეროვნული კომისიის 2006 წლის 5 დეკემბრის  №10  დადგენილებაში ცვლილებების შეტანის შესახებ“  საქართველოს კომუნიკაციების ეროვნული კომისიის დადგენილების მიღების მიზნით;

2.  ზეპირი მოსმენა გაიმართოს 2026 წლის 12 თებერვალს, 15:00 საათზე, ხოლო დადგენილება მიღებულ იქნას ზეპირი მოსმენის გამართვიდან 10 სამუშაო დღის ვადაში;

3.  საჯარო ადმინისტრაციული წარმოების ვადად განისაზღვროს 3 თვე;

4. დაევალოს კომისიის აპარატის ადმინისტრაციას (ბ. გასვიანი) კომისიის ოფიციალურ ვებგვერდზე (www.comcom.ge) გამოაქვეყნოს: ა) ცნობა საჯარო ადმინისტრაციული წარმოების დაწყების შესახებ, ბ) წინამდებარე გადაწყვეტილება, გ) მომზადებული დადგენილების პროექტი და დ) განმარტებითი ბარათი;

5. ამ  გადაწყვეტილების  პირველ  პუნქტში  მითითებული  დადგენილების  პროექტთან დაკავშირებით, დაინტერესებული მხარეების მიერ მოსაზრების წარმოდგენის ვადა განისაზღვროს 2026 წლის 12 თებერვლის ჩათვლით. მოსაზრებების კომისიაში წარმოდგენა უნდა განხორციელდეს წერილობით, კომისიის შემდეგ მისამართზე: თბილისი, ქეთევან წამებულის  გამზ./ბოჭორმის ქ. N50/18 ან  კომისიის  ელექტრონულ მისამართზე post@comcom.ge;

6.  გადაწყვეტილება ძალაში შევიდეს კომისიის სხდომაზე გამოცხადებისთანავე;

7.  გადაწყვეტილება ცალკე გასაჩივრებას არ ექვემდებარება;

8.  კონტროლი   გადაწყვეტილების   შესრულებაზე   დაევალოს   კომისიის   აპარატის   მედია მომსახურებების რეგულირების დეპარტამენტს (კ. ქორიძე).

ვახტანგ  აბაშიძე თავმჯდომარე  - მ.შ.