საქართველოს კომუნიკაციების ეროვნული კომისიის წარმომადგენლები ტელეკომუნიკაციის საერთაშორისო კავშირის (ITU) სატელეკომუნიკაციო ინდიკატორთა ექსპერტთა ჯგუფის (EGTI) მე-8 შეხვედრას დაესწრნენ
საქართველოს კომუნიკაციების ეროვნული კომისიის ინფორმაციული ტექნოლოგიების სამსახურის უფროსი ალექსანდრე ღლონტი და მთავარი სპეციალისტი ლევან ლაშაური ტელეკომუნიკაციის საერთაშორისო კავშირის (ITU) სატელეკომუნიკაციო ინდიკატორთა ექსპერტთა ჯგუფის (EGTI) მე-8 შეხვედრას (იხ. დღის წესრიგი) დაესწრნენ. აღნიშნული შეხვედრა ჟენევაში ტელეკომუნიკაციის საერთაშორისო კავშირის (ITU) ტელეკომუნიკაციის განვითარების ბიუროს (BDT) ორგანიზებით გაიმართა.
EGTI შეხვედრაზე განხილული ძირითადი საკითხები იყო:
- ICT ფასთა კალათების გადასინჯვა;
- ფიქსირებული ქსელი დაფარვის ახალი ინდიკატორები;
- ფიქსირებული ფართოზოლოვანი მომსახურების სიჩქარის დონეები და მინიმალური სიჩქარის განსაზღვრა;
- OTT (Over-the-top) სერვისები და IP კონვერგენცია;
- IoT (Internet of Things) ინდიკატორები;
- კიბერუსაფრთხოების ინდიკატორები.
ექსპერტთა შეხვედრაზე ასევე წარმოდგენილი იყო ITU-ს პროექტი სახელწოდებით - “Big-Data საინფორმაციო საზოგადოების გასაზომად”, რომელშიც ITU-ს მიერ შერჩეული ექვსი ქვეყანა მონაწილეობს: საქართველო, შვედეთი, კოლუმბია, არაბეთის გაერთიანებული საემიროები, კენია და ფილიპინები.
დისკუსიისას ექსპერტებმა აღნიშნული პროექტის მიმდინარეობის სტატუსი და შესაძლო შედეგი განიხილეს. საბოლოო რეზულტატები წარდგენილი იქნება სატელეკომუნიკაციო / ICT ინდიკატორების მე-15 მსოფლიო სიმპოზიუმზე (WTIS), რომელიც წელს ნოემბერში ტუნისში გაიმართება.