ფართოზოლოვანი მომსახურების უზრუნველსაყოფად რადიოსიხშირული სპექტრით სარგებლობის ლიცენზიების მისაღებად გამოცხადებულ აუქციონში მონაწილეთა საბუთების მიღება დასრულდა
საქართველოს კომუნიკაციების ეროვნულმა კომისიამ 2016 წლის 8 ნოემბერს შპს „მობიტელის“ განცხადების საფუძველზე ფართოზოლოვანი მომსახურების უზრუნველსაყოფად რადიოსიხშირული სპექტრით სარგებლობის ლიცენზიების გასაცემად ორი აუქციონი გამოაცხადა.
აუქციონზე გამოტანილია 2100 მგჰ სიხშირულ დიაპაზონში ორი - 2x5 მგჰ სიხშირული ზოლი. აუქციონში რესურსით სარგებლობის თითოეული ლიცენზიის საწყისი საფასური 6 904 704 ლარია. აუქციონზე ერთი ბიჯის ოდენობა შეადგენს რესურსით სარგებლობის საფასურის საწყისი ოდენობის 5%-ს, დამრგვალებულს მთელ რიცხვამდე - 345 235 ლარს.
საქართველოს კომუნიკაციების ეროვნულ კომისიაში აუქციონში მონაწილეთა საბუთების მიღება 8 დეკემბრის 17:00 საათაზე დასრულდა. სააუქციონო სხდომა 2016 წლის 23 დეკემბერს 13:00 საათზე გაიმართება.
გადაწყვეტილების ვრცელი ვერსია ხელმისაწვდომია კომისიის გადაწყვეტილებების გვერდზე.