”გლობალ ერთმა” რადიოსიხშირული სპექტრით სარგებლობის ლიცენზია შეიძინა
საქართველოს კომუნიკაციების ეროვნულ კომისიაში დღეს გამართულ აუქციონზე რადიოსიხშირული სპექტრით სარგებლობის ლიცენზიის მფლობელი კომპანია ”გლობალ ერთი” გახდა. კომპანიის წარმომადგენლებმა ლიცენზიით სარგებლობისთვის 6 229 ლარის გადახდის მზადყოფნა დაადასტურეს.
საქართველოს კომუნიკაციების ეროვნულმა კომისიამ ქ. თბილისში რადიოსიხშირული სპექტრით სარგებლობის ლიცენზიის მისაღებად აუქციონი 2009 წლის 2 ოქტომბრის გადაწყვეტილებით გამოაცხადა.
გადაწყვეტილების სრული ვერსია, გთხოვთ იხილოთ კომისიის გადაწყვეტილებების გვერდზე.