კომისიამ ფართოზოლოვანი მომსახურების უზრუნველსაყოფად რადიოსიხშირული სპექტრით სარგებლობის ლიცენზიების მისაღებად აუქციონი გამოაცხადა
საქართველოს კომუნიკაციების ეროვნულმა კომისიამ 2016 წლის 8 ნოემბერს შპს „მობიტელის“ განცხადების საფუძველზე ფართოზოლოვანი მომსახურების უზრუნველსაყოფად რადიოსიხშირული სპექტრით სარგებლობის ლიცენზიების გასაცემად ორი აუქციონი გამოაცხადა.
აუქციონზე გამოტანილია 2100 მგჰ სიხშირულ დიაპაზონში ორი - 2x5 მგჰ სიხშირული ზოლი. აუქციონში რესურსით სარგებლობის თითოეული ლიცენზიის საწყისი საფასური 6 904 704 ლარია. აუქციონზე ერთი ბიჯის ოდენობა შეადგენს რესურსით სარგებლობის საფასურის საწყისი ოდენობის 5%-ს, დამრგვალებულს მთელ რიცხვამდე - 345 235 ლარს.
საქართველოს კომუნუიკაციების ეროვნულ კომისიაში აუქციონში მონაწილეთა საბუთების მიღება მიმდინარე წლის 8 დეკემბრის 17:00 საათამდე იწარმოებს. სააუქციონო სხდომა 2016 წლის 23 დეკემბერს 13:00 საათზე გაიმართება. სხდომა საჯაროა.
გადაწყვეტილების ვრცელი ვერსია ხელმისაწვდომია კომისიის გადაწყვეტილებების გვერდზე.
იხილეთ კომისიის გადაწყვეტილება