კომისიამ ორ ავტორიზებულ პირზე ნუმერაციის რესურსით სარგებლობის ნებართვები გასცა

შპს ,,ფლაი ტივიმ” ნუმერაციის რესურსით სარგებლობის ნებართვა - ნუმერაციის რესურსი: 706 130 000-706 134 999 (სულ ხუთი ათასი სააბონენტო ნომერი) VOIP - ინტერნეტ პროტოკოლით ხმოვანი სატელეფონო კავშირით მომსახურებისთვის და ამ ქსელების აბონენტების ტერმინალური მოწყობილობების იდენტიფიცირებისათვის მიიღო. ნუმერაციის რესურსით სარგებლობის გეოგრაფიული ზონა საქართველოს მთელი ტერიტორიაა, ნებართვა უვადოა და ექვემდებარება ყოველწლიურ განახლებას.

შპს „ინტელ ფონმა” ნუმერაციის რესურსით სარგებლობის ნებართვა - ნუმერაციის რესურსი: 204 5X XX - 204 9X XX, სულ 5000 (ხუთი ათასი) სააბონენტო ნომერი ფიქსირებული ელექტრონული საკომუნიკაციო ქსელებით და საშუალებებით მომსახურების ორგანიზებისათვის და ამ ქსელების აბონენტების ტერმინალური მოწყობილობების იდენტიფიცირებისათვის აიღო. ნუმერაციის რესურსით სარგებლობის გეოგრაფიული ზონა დედაქალაქია, ნებართვა უვადოა და ექვემდებარება ყოველწლიურ განახლებას.

კომისიის ორივე გადაწყვეტილების ვრცელი ვერსიები ხელმისაწვდომია კომისიის გადაწყვეტილებების გვერდზე.