საქართველოს კომუნიკაციების ეროვნულმა კომისიამ ტელეკომპანია „ობიექტივის“ სამაუწყებლო ლიცენზიის აღდგენის მიზნით საჯარო ადმინისტრაციული წარმოება დაიწყო.

კომისიამ საკითხის განხილვა საქართველოს პარლამენტის 2014 წლის 7 მარტის №2090-IIს დადგენილების საფუძველზე დაიწყო. პარლამენტის ეს დადგენილება საქართველოს კომუნიკაციების ეროვნული კომისიის საქმიანობის შემსწავლელი საქართველოს პარლამენტის დროებითი საგამოძიებო კომისიის დასკვნის (საანგარიშო პერიოდი: 2013 წლის 1 მაისი - 2013 წლის 1 ნოემბერი) საფუძველზე იქნა მიღებული.

ტელეკომპანია „ობიქტივის“ სამაუწყებლო ლიცენზიის აღდგენის მიზნით დაწყებული საჯარო ადმინისტრაციული წარმოების ზეპირი მოსმენის სხდომა 2014 წლის 5 ივნისს, 16:00 საათზე გაიმართება. კომისია გადაწყვეტილებას ზეპირი მოსმენის სხდომის ჩატარებიდან ათი სამაუშაო დღის ვადაში მიიღებს. სხდომა საჯაროა.