საქართველოს კომუნიკაციების ეროვნულმა კომისიამ შპს „ივერია ქსელები“ კომისიის წინასწარი თანხმობის გარეშე წილის გასხვისების გამო წერილობით გააფრთხილა.

„ელექტრონული კომუნიკაციების შესახებ“ საქართველოს კანონის თანახმად,  სატელეკომუნიკაციო სფეროში ავტორიზებული პირი 5% მეტი წილის გასხვისების შემთხვევაში ვალდებულია  კომისიას წინასწარი თანხმობის მიღების მიზნით მიმართოს. კომისია თითოეული ტრანზაქციის დროს სწავლობს განსახორციელებელი ცვლილების შესაძლო გავლენას ბაზრის შესაბამის სეგმენტზე კონკურენციის უზრუნველყოფის თვალსაზრისით.