კომისიამ შპს „სტერეო+“-ს და შპს „დი+“-ს ლიცენზიის გადაცემაზე თანხმობა მისცა
საქართველოს კომუნიკაციების ეროვნულმა კომისიამ დააკმაყოფილა შპს „სტერეო+“-ის და შპს „დი+“-ის ერთობლივი განცხადება ციფრული მიწისზედა სატელევიზიო ქსელის უზრუნველსაყოფად შპს „სტერეო+“-ის კუთვნილი რადიოსიხშირული სპექტრით სარგებლობის №MUXD ლიცენზიის შპს „დი+“-ზე გადაპირებასთან დაკავშირებით.
კომისიაში წარმოდგენილი განცხადების თანახმად, შპს „სტერეო+“-ს განზრახული აქვს კუთვნილი საოპერაციო აქტივის შპს „დი+“-ზე გადაცემა საწესდებო კაპიტალში შენატანის განხორციელებით, ვინაიდან იგი წარმოადგენს შპს „დი+“-ის 100%-იანი წილის მფლობელს.
შპს „სტერეო+“ კომისიის 2014 წლის 10 ივლისის №363/1 გადაწყვეტილებით ფლობს რადიოსიხშირული სპექტრით სარგებლობის №MUXD ლიცენზიას შემდეგი სალიცენზიო პირობებით:
- ციფრული მიწისზედა სატელევიზიო ქსელის საშუალებით ფასიანი კრიპტო-კოდირებული სატელევიზიო მომსახურების (მაუწყებლობის ტრანზიტის) მიწოდება;
- ლიცენზიის მოქმედების ვადაა 2015 წლის 17 ივნისიდან - 2025 წლის 17 ივნისამდე;
- გავრცელების არეალი საქართველოს მთელი ტერიტორია;
- ლიცენზიის მფლობელი უფლებამოსილია განახორციელოს მხოლოდ ისეთი სამაუწყებლო არხების მაუწყებლობის ტრანზიტი, რომლებიც წარმოადგენენ „მაუწყებლობის შესახებ“ საქართველოს კანონით განსაზღვრულ სპეციალიზებულ სამაუწყებლო არხებს და ევროპული სტანდარტის/პრაქტიკის შესაბამისად საერთაშორისო ახალი ამბების გამავრცელებელ სამაუწყებლო არხებს [International News Channels], რომელთა დამფუძნებელი/ბენეფიციარი მესაკუთრე არ არის საქართველოს ან სხვა ქვეყნის სახელმწიფო, ადმინისტრაციული ორგანო, ადმინისტრაციული ორგანოს თანამდებობის პირი, სხვა საჯარო მოხელე, ადმინისტრაციულ ორგანოსთან ურთიერთდამოკიდებულების მქონე იურიდიული პირი, პოლიტიკური პარტია, პოლიტიკური პარტიის თანამდებობის პირი
- და სხვა...
კომისიის გადაწყვეტილების თანახმად, №MUXD სალიცენზიო პირობების დაცვის ვალდებულებები გადავიდა შპს „დი+“-ზე.
კომისიის გადაწყვეტილების ვრცელი ვერსია ხელმისაწვდომია კომისიის გადაწყვეტილებების გვერდზე.