საქართველოს კომუნიკაციების ეროვნული კომისიის გადაწყვეტილებით მაუწყებლობაზე ავტორიზაცია შპს „საქართველოს მედია ქსელებმა“ გაიარა.

კომპანია უკვე ფლობს “Silk HD” არხებს, რომლებიც ფასიანია და საქართველოს მოსახლეობის მხოლოდ ნაწილისთვის არის ხელმისაწვდომი. ახალი არხი - “Silk Universal”-ით კი კომპანია ციფრული სამაუწყებლო ქსელის გამოყენებით მთელი საქართველოს მაშტაბით გეგმავს მაუწყებლობას ღია ეთერით, მოსახლეობისთვის უფასოდ.

კომისიის გადაწყვეტილებით “Silk Universal”-ის მაუწყებლობის სახედ განისაზღვრა ტელემაუწყებლობა, მაუწყებლობის სახეობად - კერძო მაუწყებლობა, ქვესახეობა კი სპეციალიზებული ტელემაუწყებლობა - გასართობი/სპორტი, მხატვრული და დოკუმენტური კინო, სერიალები და ანიმაცია. მაუწყებლობის ენა იქნება ქართული და მინიმალური ხანგრძლივობა დღე-ღამის განმავლობაში 14 საათი.

კომპანია მაუწყებლობის დაწყებას 2015 წლის 8 აგვისტოს გეგმავს და ხელმისაწვდომი იქნება ციფრული მიწისზედა სატელევიზიო ქსელის, ინტერნეტის და მაუწყებლობის გავრცლების სხვა ტექლოგიების საშუალებით.

კომისიის გადაწყვეტილების ვრცელის ვერსია, გთხოვთ იხილოთ კომისიის გადაწყვეტილებების გევრდზე.