საქართველოს კომუნიკაციების ეროვნული კომისიის გადაწყვეტილებით ქ. ქუთაისში და ქ. ჭიათურაში კერძო სპეციალიზებული რადიომაუწყებლობის ლიცენზიების გასაცემად კონკურსები  2016 წლი 29 დეკემბერს გამოცხადდა.

• ქ. ქუთაისში მეტრულ ტალღათა (FM97.5) დიაპაზონში რადიომაუწყებლობის ლიცენზიის მისაღებად განაცხადი  შპს „42 პარალელმა“ და შპს ”რადიო ეფ-ემ”-მა წარმოადგინეს. ლიცენზიით სარგებლობის საფასური 8 100 ლარის ოდენობით არის განსაზღვრული.
• ქ. ჭიათურაში კი მეტრულ ტალღათა (FM93.5) დიაპაზონში რადიომაუწყებლობის ლიცენზიის მისაღებად განაცხადი შპს ”რადიო ეფ-ემ”-მა წარმოადგინა.  ლიცენზიით სარგებლობის საწყისი საფასური ამ შემთხვევაში 4 475 ლარის და 25 თეთრის ოდენობით განისაზღვრა.

კონკურსის მოსამზადებელი სხდომა, სადაც კონკურსანტთა დალუქული დოკუმენტაცია საჯაროდ გაიხსნება 2017 წლის 2 თებერვალს 13:00 საათზე გაიმართება. კონკურსის ზეპირი მოსმენის სხდომა, რომელზეც კომისიის აპარატის აუდიო-ვიზუალური მომსახურებების რეგულირების დეპარტამენტი კონკურსში მონაწილეთა სამაუწყებლო კონცეფციებთან დაკავშირებით დასკვნას წარმოადგენს 2017 წლის 2 მარტს 13:00 საათზე ჩატარდება, საკონკურსო სხდომა, რომელზეც კონკურსში გამარჯვებული კომპანიები გამოცხადდება 2017 წლის 9 მარტს 15:00 არის ჩანიშნული.

კონკურსში გამარჯვებულ კომპანიებს სალიცენზიო პირობად პრაქტიკული საქმიანობის დაწყების  ვალდებულება ერთი წლის ვადაში და დღე-ღამეში მინიმალური მაუწყებლობის ხანგრძლივობა 18 საათით განესაზღვრებათ.

ორივე გადაწყვეტილების ვრცელი ვერსია ხელმისაწვდომია კომისიის გადაწყვეტილებების გვერდზე.