18 აგვისტოს საქართველოს კომუნიკაციების ეროვნულ კომისიაში რადიომაუწყებლობის ლიცენზიის გასაცემად კონკურსი გაიმართა.

კონკურსში ერთი კომპანია, შპს „ნიუკომი“ მონაწილეობდა. კომპანიამ ქ. რუსთავში კერძო საერთო რადიომაუწყებლობის ლიცენზია მიიღო. სალიცენზიო პირობების თანახმად,  დღე-ღამის განმავლობაში მინიმალური 12 საათიანი მაუწყებლობაა განსაზღვრული, მინიმალური პროგრამული მოთხოვნაა - საინფორმაციო და საზოგადოებრივ-პოლიტიკური გადაცემებით მაუწყებლობა.

კომისიამ ქ. რუსთავში რადიომაუწყებლობის ლიცენზიის გასაცემად კონკურსი 2014 წლის 5 ივნისის გადაწყვეტილებით გამოაცხადა.