საქართველოს კომუნიკაციების ეროვნულმა კომისიამ  ქ. თბილისში სააბონენტო ნუმერაციის გამოყენებით ადგილობრივი საკომუნიკაციო მომსახურების განსახორციელებლად ნუმერაციის რესურსით სარგებლობის ლიცენზიის მისაღებად აუქციონი გამოცხადა. აუქციონზე გამოტანილი იქნება 496XXX და 497XXX ინდექსის 2 ათას სააბონენტო ნომერი. რესურსით სარგებლობის ლიცენზიის საწყისი ღირებულება 4 ათასი ლარის ოდენობით განისაზღვრა. აუქციონზე ერთი ბიჯი რესურსის ღირებულების საწყისი ოდენობის 5% იქნება.

აუქციონში მონაწილეობის მსურველთა საბუთების მიღება საქართველოს კომუნიკაციების ეროვნულ კომისიაში 2009 წლის 8 სექტემბრის, 17:00 საათამდე იწარმოებს.

აუქციონი 2009 წლის 25 სექტემბერს, 13:00 საათზე გაიმართება.

გადაწყვეტილების სრული ვერსია, გთხოვთ იხილოთ კომისიის გადაწყვეტილებების გვერდზე.