საქართველოს კომუნიკაციების ეროვნულმა კომისიამ რადიოსიხშირული სპექტრით სარგებლობის ლიცენზიის მისაღებად აუქციონი შპს დამოუკიდებელი ტელეკომპანია „მეგა ტვ“–ს განცხადების საფუძველზე გამოაცხადა.

ტელეკომპანია „მეგა ტვ“ ითხოვს წყალტუბოს მუნიციპალიტეტის სოფელი გუმბრიდან ქ. ქუთაისში: შპს „სატელიტსერვისის“, შპს „ბეტა ტვ“–ს, ინდ. მეწარმე „გოჩა ლილუაშვილის“ და შპს „ერას“ სტუდიებამდე რადიოსარელეო კავშირისთვის რადიოსიხშირული სპექტრით სარგებლობის ლიცენზიას.

ლიცენზიის მაძიებლების საბუთების მიღება კომისიაში 2012 წლის 23 აპრილის 17:00 საათამდე იწარმოებს. აუქციონი კი 2012 წლის 11 მაისს 13:00 საათზე გაიმართება.

რესურსით სარგებლობის ლიცენზიის ღირებულების საწყისი ოდენობა 1 236 ლარს შეადგენს.

გადაწყვეტილების სრული ვერსია, გთხოვთ იხილოთ კომისიის გადაწყვეტილებების გვერდზე.