რუსული ტელეკომპანიები 50 000 ლარით დაჯარიმდნენ
საქართველოს კომუნიკაციების ეროვნულმა კომისიამ რუსული ტელეკომპანიები 50 ათასი ლარით დააჯარიმა. ტელეკომპანიები ”РЕН ТВ”, ”НТВ”, ”ТВ-Центр”, ”Россия” და ”Култура” საქართველოს ოკუპირებულ ტერიტორიებზე უნებართვოდ მაუწყებლობდნენ.
საქართველოს ”ზოგადი ადმინისტრაციული კოდექსის” 1441 მუხლის მე-4 ნაწილის თანახმად საქართველოს ოკუპირებულ ტერიტორიაზე ულიცენზიოდ საქმიანობა 50 ათასი ლარის ოდენობის ჯარიმას ითვალისწინებს, ხოლო დანაშაულის განმეორებით დაფიქსირების შემთხვევაში ჯარიმა უკვე 500 ათას ლარს შეადგენს.