საქართველოს კომუნიკაციების ეროვნულ კომისიაში აუქციონი გაიმართა
დღეს, საქართველოს კომუნიკაციების ეროვნულ კომისიაში რადიოსიხშირული სპექტრით სარგებლობის ლიცენზიის მისაღებად აუქციონი ჩატარდა.
აუქციონში მონაწილეობა მხოლოდ სს ”ქვემო ქართლის ტელე-რადიო კომპანია”-მ მიიღო, რომელმაც ლიცენზია 1,678.40 ლარად შეიძინა. კომპანიამ რადიოსიხშირული სპექტრი ცალმხრივი რადიოსარელეო ხაზების ფუნქციონირებისთვის უნდა გამოიყენოს.
საქართველოს კომუნიკაციების ეროვნულმა კომისიამ აუქციონი სს ”ქვემო ქართლის ტელე-რადიო კომპანიის“ განცხადების საფუძველზე 2013 წლის 25 იანვარს გამოაცხადა, საბუთების მიღება კი 2013 წლის 11 თებერვლის 17:00 საათამდე მიმდინარეობდა.