სატენდერო კომისიის სხდომა

სატენდერო კომისიის შეკრების მიზანია რადიოსიხშირული სპექტრის მონიტორინგის სისტემის პროგრამული უზრუნველყოფის და მობილური სადგურის შესაძენად გამოცხადებულ ტენდერში მონაწილე კომპანიის (ROHDE & SCHWARZ GmbH & Co. KG) საკვალიფიკაციო მოთხოვნების შესაბამისობის შესწავლა და ამ ტენდერში გამარჯვებულის გამოვლენა. (აღნიშნული სახელმწიფო შესყიდვის შესახებ დეტალური ინფორმაცია შეგიძლიათ იხილოთ შემდეგ ლინკზე: https://tenders.procurement.gov.ge/public/?go=122525&lang=ge )

საქართველოს კომუნიკაციების ეროვნულმა კომისიამ ტენდერის პროცესის გამჭვირვალობის უზრუნველსაყოფად სატენდერო კომისიის სხდომაზე დამკვირვებლად საქართველოს ტექნიკური უნივერსიტეტის და არასამთავრობო ორგანიზაციების წარმომადგენლები მოიწვია. სატენდერო კომისიის სხდომა ღიაა მედიის წარმომადგენლებისთვისაც.